Jeremias 9:3 - Ti Biblia (1973)

³ Ket tiritirenda ti dilada, a cas la iti ba-ida, maipuon iti kinaulbod; ket pimmigsada iti daga, ngem saan a maipaay ti kinapudno: ta agtuloyda manipud dakes agingga iti dakes, ket saandac nga amammo, cuna ni Jehova.

Ti Baro a Naimbag a Damag Biblia

³ Sisasaganada nga agulbod; agturay ditoy a daga ti kinaulbod a saan ketdi a ti kinapudno. Kuna ti Apo, “Kanayon nga agbasol dagiti tattaok, ket saanda a bigbigen a siak ti Diosda.”

Jeremias 9:3 Iomraidhean Croise

Genesis 39:16

Ket indulinna ti pagananayna agingga iti di simmangpet ti apona iti balayna.

Dagiti Proverbio 12:5

Dagiti pampanunot dagiti nalinteg apagisuda; ngem dagiti balbalacad dagiti nadangkes isuda dagiti panangallilaw.

Isaias 1:3

Ti vaca ammona ti makincucua kencuana, ket ti asno ammona ti pagpacanan ni apona; ngem ti Israel dina ammo, ti ilic saan nga agotob.

Isaias 3:5

Ket dagiti umili maparigatdanto, tunggal maysa a gapu iti sabali, ken tunggal maysa a gapu iti carrubana: ti ubing tumacderto a sitatangsit unay a bumusor iti lacay, ken t itimmawa a bumusor iti natacneng.

Isaias 6:5

Idin kinunac, Asiac pay! ta madadaelac; agsipud ta taoac a narugit dagiti bibigna ket makipagtaengac cadagiti tattao a narugit dagiti bibigda: ta dagiti matac nakitada ti Ari, a ni Jehova dagiti buybuyot.

Isaias 9:18

Ta ti kinadakes manguram a cas la apuy, alun-unenna dagiti cascasumba ken calcalunay; wen, pasgedanna ti casamecan ti bakir, ket maipangatoda iti maysa a monmon nga asuc.

Jeremias 12:6

Ta dagiti met laeng cacabsatmo, ken ti balay ti amam, isuda met laeng nagaramidda a sigugulib kenca; nagpuccawda met laeng ti napigsa kenca: dica ida patien, uray agsaoda ti nasayaat a sasao kenca.

Jeremias 22:16

Isu inocomna ti panggep ti napanglaw ken nacacaasi; idi a casta nasayaat: Saan aya a daytoy ti panangammo caniac? cuna ni Jehova.

Jeremias 31:34

Ket saandanto a mangisuro tunggal tao iti caarrubana, ken tunggal tao iti cabsatna, a cunana, Ammoem ni Jehova; ta isuda amin am-ammodacto, manipud iti cababassitan agingga iti cadadackelan cadacuada, cuna ni Jehova: ta pacawanecto ti kinadakesda, ket saanconto a lagipenen ti basolda.

Jeremias 4:22

Ta ti ilic maag, saandac nga amammo; isuda nacunengda nga annac, ket awan ti pannacaawatda; masiribda nga agaramid ti dakes, ngem ti panagaramid iti naimbag awan ti pannacaammoda.

Jeremias 5:4

Idin kinunac, Pudno a dagitoy napanglawda; maagda; ta dida ammo ti dalan ni Jehova, wenno ti linteg ti Diosda:

Jeremias 5:5

Mapanacto cadagiti natan-oc a tattao, ket agsaoacto cadacuada; ta isuda ammoda ti dalan ni Jehova, ken ti kinajusticia ti Diosda. Ngem dagitoy a nagcaycaysa binungtolda ti sangol, ken pinugsatda dagiti singdan.

Jeremias 6:28

Isuda amin nasukirda unay, agpasiarda a mamarpardaya; isuda dagiti suer ken landoc; isuda amin manangallilawda.

Jeremias 7:26

Nupay casta saandac nga impangag, wenno intimud ti lapayagda, no di ket pinatangkenda ti teltelda: dimmacdakesda ngem dagidi ammada.

Jeremias 9:5

Ket allilawendanto tunggal maysa ti caarrubana, ket saandanto a saoen ti pudno: insuroda ti dilada nga agsao cadagiti tiri; agbanbannogda tapno agaramidda iti kinadakes.

Jeremias 9:8

Ti dilada macapatay a pana; isu agsao iti allilaw: ti maysa agsao a sitatalna iti caarrubana, babaen ti ngiwatna, ngem iti pusona isu sanebenna.

Ezekiel 8:13

Isu kinunana met caniac, Makitamto manen dagiti dadduma pay a dadackel a kinarimon nga aramidenda.

Daniel 11:27

Ket no maipapan cadagiti dua nga ar-ari dagiti puspusoda addadanto nga agaramid iti ranggas, ket agsaodanto cadagiti ulbod iti maysa a lamesaan; ngem saanto a rumang-ay; ta ti panungpalan addanto pay laeng iti nakedngan a pannawen.

Levitico 19:11

Dicayto agtacaw, wenno agaramid a siuulbod, wenno aggiinnulbod.

San Marcos 8:38

Ta siasinoman a mangibain caniac ken cadagiti saoc iti daytoy a caputotan a naabig ken managbasol, toy Anac ti tao ibainnanto met intono umay iti gloria ni Amana, agraman dagiti sasanto nga angelna.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

Dagiti Aramid 24:9

Ket dagidi Judio nakitimpuyogda a nangipanecnec a dagitoy a banag, pudnoda.

Taga-Roma 1:16

Ta diac ibain ti evangelio; ta isu ti pannacabalin ti Dios a maipaay iti pannacaisalacan ti tunggal maysa a mamati; umuna iti Judio, ken iti met Griego.

Taga-Roma 1:28

Ket agsipud ta dida kinayat nga inammo ti Dios, ti Dios binaybay-anna ida iti maysa a nakem a dakes, tapno aramidenda dagiti banbanag a di maipaay;

Taga-Roma 3:13

Tanem a silulucat ti carabucobda: Cadagiti dildilada nagaramidda ti ulbod: Gita dagiti ul-uleg ti adda iti baba dagiti bibbibigda;

1 Taga-Corinto 15:34

Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.

Taga-Filipos 1:28

Nga awan ket ti cabutengyo gapu cadagiti cabusoryo; ket daytoy isu cadacuada ti pagilasinan ti pannacapucaw, ngem cadacayo, ti pannacaisalacan, ket daytoy, iti biang ti Dios;

2 Timoteo 3:13

Ngem dagiti tattao a dakes ken dagiti mangul-ulbod dumakesdanto la a dumakes, a mangal-lilawda ket maallilawda met laeng.

San Judas 1:3

Ay-ayatec, idinto nga icabilco ti amin a kinaregtac nga agsurat cadacayo iti maipapan iti pannacaisalacantayo a sapasap napilitac nga agsurat cadacayo, a balacadancayo tapno makidangadangcayo a sibibileg gapu iti pammati a naminpinsan a naited cadagiti sasanto.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Uk-ukom 14:17

Ket isu nagsangit iti sangona cadagiti pito nga aldaw, iti bayat ti rambacda: ket naaramid iti maicapito nga aldaw, nga isu imbagana kencuana, ta isu pinilitna unay; ket isu imbagana cadagiti annac dagiti cailianna.

Uk-ukom 2:10

Ket amin daydi a caputotan naitiponda met cadagiti ammada: ket timmaud ti sabali a caputotan iti calpasanda, nga dida inammo ni Jehova, uray iti aramid nga isu inaramidna idi a gapu iti Israel.

1 Samuel 2:12

Ngem dagiti annac a lallaki ni Eli isuda nacas-angda a tattao idi; isuda dida ammo idi ni Jehova.