Jeremias 9:2 - Ti Biblia (1973)

² O no adda coma idiay let-ang maysa a disso a pagdagusan dagiti agpagpagna a tattao; tapno panawac coma ti ilic, ket mayadayuac cadacuada! ta isuda amin mannakicamalalada, ken bonggoy ida dagiti nagulib a tattao.

Ti Baro a Naimbag a Damag Biblia

² Adda koma lugar a pagnaedak idiay let-ang tapno maadaywak dagiti tattaok. Agpapadada a managdakdakes, bunggoy ida dagiti mangliliput.

Jeremias 9:2 Iomraidhean Croise

Isaias 59:3

Ta dagiti imayo narugitanda iti dara, ken dagiti ramayyo iti kinadangkes; dagiti bibigyo nagsaoda cadagiti ulbod, ti dilayo nagdayamudom iti dakes.

Jeremias 12:1

Sica nalintegca, O Jehova, no makisupiatac kenca, nupay casta makicalinteganac coma ti panggep kenca; ania ti gapuna a ti dalan ti nadangkes rumang-ay? ania ti gapuna nga addada a sitatalna dagiti agaramid a sigugulib unay?

Jeremias 12:6

Ta dagiti met laeng cacabsatmo, ken ti balay ti amam, isuda met laeng nagaramidda a sigugulib kenca; nagpuccawda met laeng ti napigsa kenca: dica ida patien, uray agsaoda ti nasayaat a sasao kenca.

Jeremias 13:22

Ket no cunaem dita pusom, Apay a dagitoy a banbanag dimtengda caniac? gapu iti kinadackel ti kinadakesmo nalucasan dagiti cainmo, ket dagiti mucodmo aglacamda iti ranggas.

Jeremias 23:10

Ta ti daga napno cadagitimannakicamalala; ta maipuon iti lunod ti daga agdung-aw; dagiti pagaraban ti let-ang agmagada. Ket ti pannagnada dakes, ken ti bilegda saan a nalinteg;

Jeremias 4:22

Ta ti ilic maag, saandac nga amammo; isuda nacunengda nga annac, ket awan ti pannacaawatda; masiribda nga agaramid ti dakes, ngem ti panagaramid iti naimbag awan ti pannacaammoda.

Jeremias 5:1

Agtaraycayo nga agallaalla cadagiti lanlansangan ti Jerusalem, ket kitaenyo ita, ket ammoenyo, ket sapulenyo cadagiti nalawa a disdissona, no macasaraccayo iti maysa a tao, no adda asinoman nga agaramid a sililinteg, nga agsapul ti kinapudno; ket isu pacawanecto.

Jeremias 5:11

Ta ti balay ti Israel ken ti balay ti Juda nagaramidda a sigugulib unay a maicaniwas caniac, cuna ni Jehova.

Jeremias 5:2

Ket nupay no cunada, Cas sibibiag ni Jehova; pudno nga agsapsapatada a siuulbud.

Oseas 4:2

Awan ti uary ania no di laeng panagsapata a natiri ken panagdadael iti cari; ken panagpapatay, panagtacaw, ken pannakicamalala: rumsuada, ket ti dara maiparucpuc iti dara.

Oseas 5:7

Nagaramidda a sigugulib iti maicaniwas ken ni Jehova, ta nagputotda cadagiti annac a gangannaet: ita ti lutuad alun-unennanto ida agraman cadagiti taltalonda.

Oseas 6:7

Ngem isuda cas ken ni Adam naglabsingda iti tulag: idiay nagaramidda a sigugulib iti maisalungasing caniac.

Oseas 7:4

Isuda amin mannakicamalalada; isuda ti cas horno a paspasgedan ti agtintinapay; isu isardengna ti panagrubrubna manipud iti pannacagamay ti masa inggana iti malevaduraan.

Mikias 6:12

Ta dagiti nabacnang a tattao kencuana napnoda iti ranggas, ket dagiti agnaed idiay nagsaoda cadagiti ulbod, ket ti dilada mangallilaw cadagiti ngiwatda.

Sofonias 3:4

Dagiti mammadtona nadursocda ken manangallilawda a tattao; dagiti papadina binassawanganda ti santuario, sinalungasingda ti linteg.

Malakias 2:11

Ni Juda nagaramid a sililiput, ket ti kinarimon maaramid iti Israel ken iti Jerusalem; ta ni Juda binassawangganna ti kinasanto ni Jehova nga ay-ayatenna, ket nangasawa iti anac a babai ti gangannaet a diosen.

Malakias 2:14

Nupay casta cunaenyo, Apay? Ta ni Jehova isu idi ti sacsi kenca ken iti asawa ti kinaagtutubom, isu a liniputam nupay isu caduam, ken asawa ti tulagmo.

Santiago 4:4

Makicamcamalala a babbai, dicay ammo aya, a ti pannakipagayam iti lubong isu ti pannakibusor iti Dios? Daydiay ngarud agtarigagayto a gayyem ti lubong, agbalin a cabusor ti Dios.

Uk-ukom 2:10

Ket amin daydi a caputotan naitiponda met cadagiti ammada: ket timmaud ti sabali a caputotan iti calpasanda, nga dida inammo ni Jehova, uray iti aramid nga isu inaramidna idi a gapu iti Israel.