Jeremias 9:19 - Ti Biblia (1973)

¹⁹ Ta maysa a timec ti dung-aw mangngeg idiay Sion, Anian ti pannacarbectayo! nariribuctayo a napalalo, gapu ta pinanawantayo ti daga, gapu ta impalladawda dagiti pagtaengantayo.

Ti Baro a Naimbag a Damag Biblia

¹⁹ Denggenyo ti dung-aw idiay Sion, “Nakabutbuteng ti pannakadadaelmi! Napalalo ti pannakaibabainmi! Masapul a panawanmi ti dagami, narakraken dagiti balbalaymi.”

Jeremias 9:19 Iomraidhean Croise

Jeremias 4:13

Adtoy, isu sumang-atto a cas cadagiti ulep, ket dagiti luganna casdanto la alipugpug; dagiti cabayona naparpartacda ngem dagiti aguila. Asitayo pay! ta narbectayo,

Deuteronomio 28:29

Ket sica agcarcarawacanto iti agmatoon, cas panagcarcarawa ti bulsec iti casipngetan, ket dicanto rumang-ay cadagiti daldalanmo: ket maparparigatancanto laeng ken matactacawan nga agnanayon ket awanto ti mangispal kenca.

Mikias 2:10

Tumacdercayo, ket pumanawcayo; ta daytoy saan nga isu ti paginanaanyo; agsipud iti kinarugit a mangdadael, agraman maysa met laeng a nasaem a pannacarba.

Mikias 2:4

Iti dayta nga aldaw aramatendanto ti maysa a pangngarig a maibusor cadacayo, ket agsangitda iti nasaem a panagunnoy, ket cunaenda, Nadadaeltayo a naikisap: isu baliwanna ti bingay ti ilic: anian ti panangisinana caniac! cadagiti nasukir bingayenna dagiti taltalonmi.

Dungdung-aw 5:2

Ti tawidmi mayawat cadagiti gangannaet, dagiti balbalaymi cadagiti sangsangaili.

Dungdung-aw 4:15

Umadayucayo, impuccawda cadacuada, Narugit! umadayucayo, pumanawcayo, dicayo calbiten! Idi pimmanawda ken nagalla-allada, dagiti tattao cadagiti nasnacion, kinunada, Isuda saandanton nga agdagus ditoy.

Jeremias 4:20

Pannacarbec ken pannacarbec ti maiririaw; ta sui-amin a daga nalangalang: pettat a nadadael dagiti toltoldac, ken dagiti bengbengco iti maysa a canito.

Jeremias 2:14

Ni Israel aya maysa nga adipen? maysa a nayanac a tagabu? apay a nagbalin a samsam?

Levitico 20:22

Iti casta tungpalenyonto amin dagiti ipaalagadco, ken amin dagiti bilbilinco, ket salimetmetanyonto ida; tapno ti daga a pangyegac cadacayo a pagnaedanyo, dinacayto isarua.

Levitico 18:28

Tapno ti daga dinacay met isarua, no mamulitanyo, a cas idi panangisaruana iti nacion nga immun-una ngem dacayo.

Levitico 18:25

Ket ti daga namulitan: isu ti gapuna nga impasarungcarco ti kinadakesna idiay, ket ti daga isaruana dagiti agnaed kencuana.

Jeremias 7:15

Ket pagtalawencayto iti imatangco, cas iti panangibellengco cadagiti amin a cacabsatyo, ti amin met laeng a capuonan ni Efraim.

Jeremias 7:19

Gargariendac aya nga agpungtot? cuna ni Jehova; saanda aya a gargarien ti bagida met laeng, nga agpaay a pacariribucan dagiti ruprupada met laeng?

Jeremias 7:29

Pukisam ti boocmo, O Jerusalem, ket ibellengmo, ket agunnoyca cadagiti nalucasan a panpantoc; ta ni Jehova naglictadanna ken pinanawanna ti caputotan ti pungtotna.

Jeremias 15:1

Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Isaias 32:9

Tumacdercayo, dacayo a babbai nga addaan nam-ay, ket denggenyo ti timecco; dacayo a naliway nga annac a babbai, timudenyo toy bitlac.

Ezekiel 27:2

Ket sica, anac ti tao, unnoyam ti Tiro;