Jeremias 9:16 - Ti Biblia (1973)

¹⁶ Iwarawaracto met ida cadagiti nasnacion, nga uray isuda wenno dagiti ammada saanda a naammoan, ket pacamatacto ida ti campilan iti licudanda agingga iti maibusco ida.

Ti Baro a Naimbag a Damag Biblia

¹⁶ Iwaraskonto ida kadagiti nasion a saanda pay a nadamdamag, kadagiti nasion a di met nadamdamag dagidi ammada. Ibaonkonto dagiti armada a maibusor kadakuada agingga a maikisapko amin ida.”

Jeremias 9:16 Iomraidhean Croise

Nehemias 1:8

Gumawawaac kenca, lagipem, ti sao nga imbilinmo ken adipenmo a Moises, a kinunam, No aglabsingcayo, iwarascayto iti nagtengngaan dagiti tattao:

Dagiti Salmo 106:27

Ken padsoennanto ti capututanda cadagiti nasnacion, ken iwaraswarasnanto ida cadagiti dagdaga.

Eclesiastes 12:5

Wen, agbutengdanto iti daydiay a nangato, ket dagiti nacakigkigtot addadanto iti dalan; ket ti almendro agsabongto, ket ti dudon maysanto nga awit, ket ti gartem mapucaw; agsipud ta ti tao mapan iti agnanayon a pagtaenganna, ket dagiti agdung-aw agsursurda cadagiti lanlansangan:

Jeremias 13:24

Gapuna iwarisconto ida a cas ti puon ti garami a maawan babaen ti angin ti let-ang.

Jeremias 24:10

Ket ibaonconto ti campilan, ti bisin, ken ti angol, iti nagtengngaanda, agingga iti maibusda iti daga nga intedco cadacuada ken cadagiti ammada.

Jeremias 25:27

Ket cunaemto cadacuada, Castoy ti cuna ni Jehova dagiti buybuyot, a Dios ti Israel: Uminumcayo, ket mabarteccayo, ken agbaccuarcayo ket matuangcayo, ket saancayon a bumangon, gapu iti campilan nga ibaonconto cadacayo.

Jeremias 29:17

Castoy ti cuna ni Jehova dagiti buybuyot: Adtoy, ibaonconto cadacuada ti campilan, ti bisin, ken ti angol, ket pagbalinecto ida a cas cadagiti nalaad nga higos, a saan a mabalin a canen, ta dakesda unay.

Jeremias 44:27

Adtoy, bantayac ida a maipaay iti dakes, ket saan a maipaay iti imbag; ket dagiti amin a lalaki ti Juda nga adda iti daga nga Egipto maibusdanto babaen ti campilan ken iti bisin, inggana iti panungpalanda.

Jeremias 7:29

Pukisam ti boocmo, O Jerusalem, ket ibellengmo, ket agunnoyca cadagiti nalucasan a panpantoc; ta ni Jehova naglictadanna ken pinanawanna ti caputotan ti pungtotna.

Jeremias 8:19

Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?

Ezekiel 11:17

Cunam ngarud, Castoy ti cuna ni Apo Jehova: Siac urnongencayto nga aggapu cadagiti il-ili, ket tiponencayto nga aggapu cadagiti dagdaga a nacaiwarwarasanyo ket itedconto cadacayo ti daga ti Israel.

Ezekiel 12:15

Ket maammoandanto a siac ni Jehova intono iburayco ida cadagiti nasnacion ken iwarisco ida cadagiti dagdaga.

Ezekiel 14:17

Wenno no yegco coma ti campilan iti rabaw ti daga, ket cunac, Campilan, lumabasca iti daga; tapno pucawec kencuana dagiti tao ken animal;

Ezekiel 20:23

Castamet insapatac cadacuada idiay let-ang, a siac iwarasconto ida cadagiti nasnacion, ket iwarawaracto ida cadagiti dagdaga;

Ezekiel 27:2

Ket sica, anac ti tao, unnoyam ti Tiro;

Ezekiel 5:12

Ti maysa nga apagcatlom matayto iti angol, ket babaen ti bisin maibusdanto iti nagtengngaam, ket ti sabali nga apagcatlo mapasagto iti campilan iti aglicmut kenca; ket ti sabali nga apagcatlo iwarasconto cadagiti amin nga angin, ket asutecto ti campilan iti licudanda.

Ezekiel 5:2

Maysa nga apagcatlo puuram iti apuy iti tengnga ti ili, intono matungpalen dagiti al-aldaw ti pannacalacub; ket alaemto ti sabali nga apagcatlo, ket itagbatmo ti campilan iti aglicmut kencuana; ket ti sabali nga apagcatlo iwarismonto iti angin, ket siac asutecto ti campilan iti licudanda.

Levitico 26:33

Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.

Amos 5:16

Gapuna, castoy ti saoen ni Jehova, ti Dios dagiti buybuyot, ti Apo, Cadagiti amin a nalawa a daldalan, addanto dung-aw; ket cunaendanto cadagiti amin a calzada; Asi pay! Asi pay! ket ti mannalon awagandanto nga agpanes, ket dagiti dumudung-aw maayabdanto nga agdungaw.

Mikias 2:4

Iti dayta nga aldaw aramatendanto ti maysa a pangngarig a maibusor cadacayo, ket agsangitda iti nasaem a panagunnoy, ket cunaenda, Nadadaeltayo a naikisap: isu baliwanna ti bingay ti ilic: anian ti panangisinana caniac! cadagiti nasukir bingayenna dagiti taltalonmi.

Zacarias 7:14

Ngem iwaracto ida babaen ti alawig iti tengnga dagiti amin a nasnacion nga isuda dida naammoan. Iti casta ti daga langalang idi iti licudanda, ngarud awan ti tao a limmasat wenno nagsubli: agsipud ta ti nacaay-ayo a daga pinagbalinda a langalang.

Deuteronomio 28:25

Ni Jehova pacabilnacanto iti sango dagiti cabusormo, rumuarcanto iti maymaysa a dalan a bumusor cadacuada, ket pagtalawamto ti pito a daldalan iti sangoda: ket sica ti pagginnaallawatanto dagiti isu-amin a pagpagarian ti daga.

Deuteronomio 28:36

Ni Jehova yegnacanto, ken ti arim nga icabilmonto a mangituray kenca, iti maysa a nacion a dica am-ammo idi, sica wenno dagiti ammam; ket idiay agservicanto cadagiti sabsabali a didios, a cayo ken bato.

Deuteronomio 28:64

Ket ni Jehova iwarasnacanto cadagiti amin nga il-ili manipud maysa a pungto ti daga agingga iti sabali a pungto ti daga; ket idiay ti pagserviamto cadagiti sabali a didios a dica am-ammo idi, sica wenno dagiti ammam, didios a cayo ken bato.

Deuteronomio 32:26

Kinunac, inwarac coma ida iti adayu, pinagsardengco coma ti lagip cadacuada iti nagtengngaan dagiti tattao;

Deuteronomio 4:27

Ket ni Jehova iwarwarasnacayto iti baet dagiti il-ili, ket agbalincayto a bassit ti bilangna iti baet dagiti nasnacion, a pangipananto cadacayo ni Jehova.

Santiago 1:1

Ni Santiago, nga adipen ti Dios ken ni Apo Jesu-Cristo, cumablaaw cadagiti sangapulo ket dua a tribu a naiwarawara.