Jeremias 8:9 - Ti Biblia (1973)

⁹ Dagiti masirib a lallaki maibabainda, maupayda ken mabaludda: Adtoy, naglictadanda ti sao ni Jehova; ket ania a kita ti sirib ti adda cadacuada?

Ti Baro a Naimbag a Damag Biblia

⁹ Naibabain dagiti mamasirib a tattaoyo; nariribuk ken nasiloanda. Dida inawat ti saok, ania ngarud ita ti sirib ti adda ita kadakuada?

Jeremias 8:9 Iomraidhean Croise

2 Ar-ari 17:15

Ket linacsidda dagiti pagal-alagadanna, ken ti tulagna, nga inaramidna idi cadagidi ammada, ken dagiti panpanecnecna a pinangpasingkedna cadacuada; ket sinurotda ti kinaubbaw, ket nagbalinda a naubbaw, ket napanda a siaannurot cadagiti nasnacion nga adda idi iti aglicmut cadacuada, maipapan cadagidiay ni Jehova binilinna ida idi a dida agaramid coma a cas cadacuada.

Ti Libro ni Job 5:12

Yawyawenna dagiti gacgacat dagiti nasicap, iti casta a dagiti im-imada dida matungpal ti sicatda.

Ti Libro ni Job 5:13

Isu tiliwenna dagiti mamasirib iti kinasicapda met laeng; ken ti patigmaan ti nasicap maipanaw a sidadaras.

Dagiti Salmo 19:7

Ti linteg ni Jehova awan pagcuranganna, pabaroenna ti cararwa: ti pammanecnec ni Jehova manamnama, pagsiribenna ti nanengneng.

Isaias 19:11

Dagiti panguloen ti Zoan napalalo ti kinamaagda, ti patigmaan dagiti casisiriban a consejero ni Faraon nagbalinda a nacuneng: casano ti panagcunayo ken Faraon, Siac ti anac ti masirib, anac dagidi cadaanan nga ar-ari?

Isaias 29:14

Gapuna, adtoy, baliwacto nga aramiden ti maysa a nacascasdaaw nga aramid iti tengnga daytoy nga ili, maysa met laeng a nacascasdaaw nga aramid ken datdatlag; ket ti kinasirib dagiti tattaoda a mamasirib mapucawto, ken ti pannacaawat dagiti tattaoda a manakem mailemmengto.

Isaias 43:27

Ti immuna nga amam nagbasol, ket dagiti mangisursuro kenca simmalungasingda caniac.

Isaias 8:20

Iti linteg ken pammanecnec! no dida agsao a cas mayannurot itoy a sao, saan a pagduaduaan nga awan ti bigat a maipaay cadacuada.

Jeremias 15:6

Sica binaybay-annac, cuna ni Jehova, nagsunodca: gapuna nga inyunnatco ti imac a maibusor kenca, ket dinadaelca; nabannogac nga agigawgawid.

Jeremias 19:7

Ket paubbawecto ti pammagbaga ti Juda ken Jerusalem ditoy a disso; ket pagpasagecto ida iti campilan iti sangoanan dagiti cabusorda, ken iti ima dagidiay agsapul iti biagda: ket dagiti bangcayda itedconto a pagtaraon cadagiti tumatayab ti langit ken cadagiti animal ti daga.

Jeremias 2:8

Dagiti papadi saanda a kinuna, Sadino ti yan ni Jehova? Ket dagiti agaywan ti linteg saandac a binigbig: ket casta met dagiti agturay simmalungasingda a maibusor caniac; ket dagiti mammadto nagpadtoda gapu ken Baal, ket sinurotda iti awan malac-am.

Jeremias 49:7

Maipapan iti Edom. Castoy ti cuna ni Jehova dagiti buybuyot: Awanen aya ti kinasirib sadi Teman? napucaw aya ti pammagbaga dagiti manakem? ti kinasiribda napucaw aya?

Jeremias 6:15

Nagbainda aya idi nagaramidda ti macarimon? Saan, saanda a nagbain a pulos, ket dida met napalabbasit: gapuna a mapasagdanto iti nagtengngaan dagidiay mapasag; intono sarungcarac ida, maipalladawdanto, cuna ni Jehova.

Jeremias 6:19

Denggem, O daga; adtoy, iyeg-conto ti dakes ditoy nga umili, ti met laeng bunga dagiti pampanunotda agsipud ta saanda nga impangag dagiti sasaoc; ket no maipapan iti lintegco, naglictadanda.

Ezekiel 7:26

Ranggas ti sumarunonto iti ranggas, damag ti sumarunonto iti damag; ket sapulendanto ti sirmata ti mammadto ngem ti linteg maawanto iti padi, ken ti balacad nga aggapu cadagiti lallacay.

Amos 2:4

Castoy ti saoen ni Jehova: Maipuon iti tallo a salungasing ti Juda, wen, maipuon iti uppat, diacto ibawing ti dusana; agsipud ta tinallicudanda ti linteg ni Jehova, ken dida immannurot cadagiti bilinna, ket dagiti ulbodda pinagbasolda ida, a cas iti pannagna dagiti ammada.

Zacarias 13:4

Ket maaramidto iti daydiay nga aldaw, a dagiti mammadles mababainandanto tunggal maysa iti sirmatana, intono isu agpadto; didanto met agcawes iti cagay a dutdotan a mangallilaw:

Deuteronomio 4:6

Salimetmetanyo ngarud ket sungputenyo ida; ta daytoy isu ti siribyo ken sarirityo iti imatang dagiti il-ili, a macangngeg cadagiti al-alagaden, ket cunada, Pudno unay a daytoy dackel a nacion masirib ken mannacagaw-at nga ili.

2 Timoteo 3:15

Ket nanipud idi kinaubing mo naammoam dagiti nasantoan a Sursurat, a macabalin a mamagsirib kenca a maipaay iti pannacaisalacan gapu iti pammati ken Cristo Jesus.