Jeremias 8:7 - Ti Biblia (1973)

⁷ Wen, ti cannaway cadagiti langlangit ammona dagiti nakedngan a pannawenna; ket ti pagaw ken ti sallapingaw ken ti tipor annurutenda ti pannawen ti yaayda: ngem ti ilic saanna nga ammo ti linteg ni Jehova.

Ti Baro a Naimbag a Damag Biblia

⁷ Uray ti kannaway iti tangatang ammona ti tiempo a panagsublina. Ammo ti kalapati, ti pagaw ken ti sallapingaw ti tiempo a mapanda iti sabali a lugar. Ngem, dakayo a tattaok, diyo ammo dagiti linteg iti panangiturayko kadakayo.

Jeremias 8:7 Iomraidhean Croise

Kanta ni Solomon 2:12

Dagiti sabsabong agparangda iti daga; ti pannawen ti panagcanta dagiti tumatayab dimtengen, ket ti timec ti calapati mangngeg iti dagatayo;

Isaias 1:3

Ti vaca ammona ti makincucua kencuana, ket ti asno ammona ti pagpacanan ni apona; ngem ti Israel dina ammo, ti ilic saan nga agotob.

Isaias 27:11

Intono dagiti sangana magangoda, masepacdanto; dagiti babbai umaydanto, ket puuranda ida; ta isu umili nga awan ti pannacaawatna: gapuna; a ti nangaramid cadacuada awanto ti caasina cadacuada, ken ti nangbukel cadacuada dinanto ipakitaan ida iti parabur.

Isaias 5:12

Ket cadagiti rambacda adda arpa, gitarra a bassit, pandereta, pito ken arac; ngem dida imatangan ti aramid ni Jehova, ket dida met otoben dagiti panagaramid dagiti imana.

Jeremias 4:22

Ta ti ilic maag, saandac nga amammo; isuda nacunengda nga annac, ket awan ti pannacaawatda; masiribda nga agaramid ti dakes, ngem ti panagaramid iti naimbag awan ti pannacaammoda.

Jeremias 5:6

Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Habakuk 1:4

Gapuna a ti linteg napacapuy, ket ti kinajusticia saanen a magna; ta ti nadangkes alicubcubenna ti nalinteg; gapuna a ti kinajusticia rumsua a maballicug.

Zacarias 5:9

Idin intangadco dagiti matac, ket nakitac, ket, adtoy, dua a babbai rimmuarda, ket ti angin adda idi cadagiti payacda: ket addaanda paypayac a cas la cadagiti payac ti cannaway; ket isuda inngatoda ti efa iti nagtangatangan ti langit ken daga.