Jeremias 8:6 - Ti Biblia (1973)

⁶ Inimutectecac ken dinengngegco, ngem saanda a nagsao a sililinteg: awan ti tao nga agbabawi iti kinadakesna, a cunana, Ania ti inaramidco? tunggal maysa agsubli iti pagnaanna, a cas ti cabayo a sumaracusuc iti gubat.

Ti Baro a Naimbag a Damag Biblia

⁶ Nupay sipapasnekak a dimngeg kadakayo, saankayo a nagsao iti pudno. Awan ti uray maysa kadakayo a nagladingit gapu iti kinadakesna. Awan ti nagsaludsod no ania ti dakes nga inaramidna. Aramiden ti tunggal maysa ti kaykayatna, kas iti kabalio a sipapardas nga agturong iti paggugubatan.

Jeremias 8:6 Iomraidhean Croise

Ti Libro ni Job 10:2

Saoecto iti Dios, Dinac dusaen; iparangmo caniac no apay a makisusicca caniac.

Ti Libro ni Job 34:31

Ta adda aya nagcuna iti Dios, Inturedco ti dusa, diacto mangranggasen uray caano.

Ti Libro ni Job 34:32

Ti diac makita isurom caniac: No nagaramidac iti kinadangkes, isu ti diacto aramidenen uray caano?

Dagiti Salmo 14:2

Ni Jehova minatmatanna manipud sadi langit dagiti annac dagiti tattao, tapno kitaenna no adda cadacuada siasino-man a nacaawat, a nagbiroc iti Dios.

Isaias 30:18

Gapuna nga agurayto ni Jehova, tapno macaasiannacayo; ket iti casta maitan-octo; tapno isu maaddaan iti panangngaasi cadacayo: ta ni Jehova isu ti Dios ti kinajusticia; nagasat dagiti isu-amin nga agpannuray kencuana.

Isaias 57:17

Maipuon iti kinadangkes ti apalna nagpungtotac; ket isu kinabilco: inlingedco ti rupac ket nagpungtotac; ket isu nagtuloy a nagbawing iti dalan ti pusona.

Isaias 59:16

Ket nakitana nga awan idi ti tao, ket nasdaaw nga awan idi ti mangibabaet: gapuna a ti met laeng tackiagna ti mangyeg ti pannacaisalacan kencuana; ket ti kinalintegna, ti nangtengngel kencuana.

Jeremias 23:25

Nangngegco ti sao dagiti mammadto nga agipadto cadagiti ulbod iti naganco, a cunada, Nagtagtagainepac, nagtagtagainepac.

Jeremias 3:5

Itaginayonnanto aya ti pungtotna iti awan inggana? isu idulinna aya agingga iti panungpalan? Adtoy, nagsaoca ken nagaramidca cadagiti dakes a banbanag, ket inaramidmo ti pagayatam.

Jeremias 5:1

Agtaraycayo nga agallaalla cadagiti lanlansangan ti Jerusalem, ket kitaenyo ita, ket ammoenyo, ket sapulenyo cadagiti nalawa a disdissona, no macasaraccayo iti maysa a tao, no adda asinoman nga agaramid a sililinteg, nga agsapul ti kinapudno; ket isu pacawanecto.

Ezekiel 18:28

Agsipud ta otobenna, ket sumina cadagiti amin a salungasingna nga inaramidna, isu agbiagto a di bumurong, saanto a matay.

Ezekiel 22:30

Ket nagsapulac iti maysa a tao iti nagtengngaanda, a mangibangon coma iti bacud, ken agtacder iti gutbaw iti sangoanac a mangisakit iti daga, tapno isu diac coma dadaelen; ngem awan ti nasaracac.

Daniel 9:11

Wen, amin nga Israel sinalungasingna ti lintegmo, a simmiasida met laeng, tapno dida coma tungpalen ti timecmo: gapu itoy naibucbuc cadacami ti panangilunod, ken ti sapata a naisurat iti linteg ni Moises nga adipen ti Dios; gapu ta nagbasolcami a maicaniwas kencuana.

Mikias 7:2

Ti nasingpet a tao natayen iti daga, ket awan ti siasinoman a nalinteg cadagiti tattao: isuda amin agsanebda iti dara; isuda aganupda tunggal maysa iti cabsatna babaen ti maysa a bateng.

Sofonias 3:7

Kinunac, Isuna laeng nga agbutengca caniac; umawatca iti panangisuro, iti casta ti pagnaedanna dinto mapucaw; a mayalubog iti amin nga inkeddengco a maipapan kencuana: ngem timmacderda a nasapa ket pinadakesda dagiti amin nga aramidda.

Haggeo 1:5

Gapuna a castoy ti cuna ni Jehova dagiti buybuyot: Utobenyo dagiti daldalanyo.

Haggeo 1:7

Castoy ti cuna ni Jehova dagiti buybuyot: Utobenyo dagiti daldalanyo.

Malakias 3:16

Iti casta dagiti nagbuteng ken Jehova nagsaoda iti maysa ken maysa; ket ni Jehova nagimdeng, ken nangipangag, ket maysa a libro a pacalaglagipan nasuratan iti saclangna, agpaay cadagidiay nagbuteng ken Jehova, ken cadagidiay nga nagpanunot iti naganna.

2 Pedro 3:9

Saan a namayamay ti Apo a maipapan iti carina, cas iti panangibilang dagiti dadduma iti kinabayag; no di ket agur-uray a siaanus gapu cadatayo a dina cayat a mapucaw ti uray siasino, no di ket agturongda coma amin iti panagbabawi.

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.