Jeremias 8:5 - Ti Biblia (1973)

⁵ Apay ngarud a daytoy nga ili a Jerusalem naglicudda iti agnanayon a panaglicud? cumpetda iti al-lilaw, dida cayat ti agsubli.

Ti Baro a Naimbag a Damag Biblia

⁵ Apay ngarud, dakayo a tattaok, a tallikudandak ngem dikay met agsubli kaniak? Diyo mapanawan dagiti didiosenyo, ket diyo kayat ti agsubli kaniak.

Jeremias 8:5 Iomraidhean Croise

Dagiti Proverbio 4:13

Irutem a petpetan ni sursuro; dica palubosan: salimetmetam; ta isu ti biagmo.

Isaias 1:20

Ngem no paayenyo ken sumukircayo, maalun-uncayto iti campilan; ta ti ngiwat ni Jehova insaona.

Isaias 30:10

Isuda nga agcuna cadagiti macakita iti masacbayan, Dicayo cumita; ken cadagiti mammadto, Dicayo mangipadto cadacami cadagiti nalinteg a banbanag, mangisawangcayo cadacami cadagiti naalumamay a banbanag, mangipadtocayo cadagiti al-allilaw,

Isaias 44:20

Isu agtaraon iti dapu; ti naallilaw a puso pinagbawingna; ket dina maisalacan ti cararuana, ken dina met cuna, Awan aya ti ulbob iti akincanawan nga imac?

Jeremias 14:7

Nupay dagiti kinadakesmi panecnecanda ti maibusor cadacami, agaramidca a maipaay iti naganmo, O Jehova; ta dagiti kinamanaglicudmi aduda, nagbasolcami a maicaniwas kenca.

Jeremias 2:32

Malipatan aya ti maysa a virgen dagiti arcosna, wenno ti maysa a novia ti cawesna? Ngem ti ilic naglipat caniac cadagiti di mabilang nga al-aldaw.

Jeremias 3:5

Itaginayonnanto aya ti pungtotna iti awan inggana? isu idulinna aya agingga iti panungpalan? Adtoy, nagsaoca ken nagaramidca cadagiti dakes a banbanag, ket inaramidmo ti pagayatam.

Jeremias 5:27

Cas ti maysa a tangcal napno cadagiti tumatayab, casta ti pannacapno dagiti balbalayda ti panangallilaw: gapuna nagbalinda a dackel ken bimmacnangda.

Jeremias 5:3

O Jehova, saan aya a dagita matam cumitada iti kinapudno? sica sinaplitmo ida, ngem saanda a nasakitan; rinunotmo ida, ngem dida kinayat ti umawat iti panangtubngar; inaramidda dagiti ruprupada a natangtangken, ngem ti bato; dida kinayat ti sumubli.

Jeremias 5:6

Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Jeremias 6:17

Ket nangicabilac cadagiti agbanbantay cadacayo, a kinunac, Ipangagyo ti uni ti tangguyob; ngem isuda kinunada, Dicamto ipangag.

Jeremias 6:19

Denggem, O daga; adtoy, iyeg-conto ti dakes ditoy nga umili, ti met laeng bunga dagiti pampanunotda agsipud ta saanda nga impangag dagiti sasaoc; ket no maipapan iti lintegco, naglictadanda.

Jeremias 9:6

Ti pagtaengam adda iti tengnga ti allilaw; gapu iti allilaw madida nga umammo caniac, cuna ni Jehova.

Daniel 9:11

Wen, amin nga Israel sinalungasingna ti lintegmo, a simmiasida met laeng, tapno dida coma tungpalen ti timecmo: gapu itoy naibucbuc cadacami ti panangilunod, ken ti sapata a naisurat iti linteg ni Moises nga adipen ti Dios; gapu ta nagbasolcami a maicaniwas kencuana.

Oseas 11:5

Saandanto nga agsubli idiay daga ti Egipto; no di ket ti Asirio isunto ti arida, gapu ta madida nga agsubli caniac.

Oseas 11:7

Ket ti ilic ipamaysana ti aglicud caniac: uray pa awaganda ida nga agturong iti ngato, awan a pulos ti agpangato.

Oseas 13:2

Ket ita agbasolda ti umadu nga umadu, ket nagaramidda cadacuada cadagiti sinucog a ladladawan iti piracda, didiosen met laeng cas mainugot iti bucodda a pannacaawat, isuda amin gapuanan dagiti nalaing a managaramid: cunada a maipapan cadacuada, Dagiti lallaki nga agidaton agependa coma dagiti ur-urbon ti vaca.

Oseas 4:16

Ta ti Israel nagaramid a sisusungit, a cas ti maysa a nasukir nga urbon ti vaca: ita ni Jehova taraonannanto ida a cas maysa a cordero iti nalawa a disso.

Zacarias 7:11

Ngem isuda dida kinayat nga impangag, ket imbawingda ti abagada, ken sinullatanda dagiti lapayagda, tapno dida coma dumngeg.

San Juan 5:40

Ket nupay casta madicayo nga umay caniac, tapno maaddaancayo coma ti biag.

1 Taga-Tesalonica 5:21

Suutenyo amin; salimetmetanyo a sititibker ti naimbag;

Hebreo 12:25

Kitaenyo ta dicay paayen ti agsasao. Ta no dida nacatalaw dagidi, ta saanda nga inannugutan daydi nangipalawag ditoy rabaw ti daga iti pagayatan ti Dios, nangnangrona a ditayto nakatalaw, no ditay ipangag daydiay mangipalawag manipud sadi langit:

Paltiing 2:25

Nupay casta ti adda cadacayo salimetmetanyo a naimbag, agingga iti umayac.