Jeremias 8:3 - Ti Biblia (1973)

³ Ket ti patay mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.

Ti Baro a Naimbag a Damag Biblia

³ Dagiti tattao iti daytoy dakes a kaputotan a nakalasat nga agnaed kadagiti disso a nangibellengak kadakuada, kaykayatdanto ti matay ngem ti agbiag. Daytoy ti saok, siak ni Yahweh a Mannakabalin-amin.”

Jeremias 8:3 Iomraidhean Croise

1 Ar-ari 19:4

Ngem isu met laeng napan a nagnagna iti maysa nga aldaw cadagiti let-ang, ket immay ket nagtugaw iti siroc ti maysa a cayo nga enebro: ket isu dinawatna a maipaay kencuana nga isu matay coma, ket kinunana, Umdasen; ita, O Jehova, alaemon ti biagco; ta siac saanac a naimimbag ngem cadagiti ammac.

Jeremias 23:3

Ket urnongecto ti natda iti pangenco cadagiti amin a dagdaga a nangipaturongac cadacuada, ket iyegconto manen ida cadagiti pagaponanda; ket isuda dagiti nabunga nabungadanto ket umaduda.

Jeremias 23:8

No di ket, Cas sibibiag ni Jehova, isu a nangaon ken nangidalan iti capuonan ti balay ti Israel manipud iti makinamianan a daga, ken manipud iti isu-amin a daga a nangipaturongac cadacuada. Ket isuda agnaeddanto iti dagada met laeng.

Jeremias 29:14

Ket masaracandacto, cuna ni Jehova: ket pagbaliwecto iti pannacacayawyo, ket urnongencayto nga aggapu cadagiti amin a nacion, ken cadagiti amin a disso a nangipaturongac cadacayo, cuna ni Jehova; ket pagsubliencayto manen ditoy a disso a nangigapuac cadacayo a nacayawan.

Jeremias 29:28

Ta isu ngarud nagbaon cadacami ditoy Babilonia, a kinunana, Ti pannacacayaw atiddagto: mangipatacdercayo cadagiti balbalay, ket agnaedcayo cadacuada; ket agmulacayo cadagiti minuyungan, ket canenyo ti bunga cadacuada.

Jeremias 40:12

Idin dagiti amin a Judios nagsublida a naggapu cadagiti amin a disso a nacaibellenganda idi, ket napanda iti daga a Juda ken Gedalias sadi Mizpa, ket inurnongda ti arac ken bungbunga a nawadwad unay iti pannawen ti pudot.

Jeremias 44:2

Castoy ti cuna ni Jehova dagiti buybuyot, a Dios ti Israel: Nakitayon ti amin a dakes nga inyegco iti Jerusalem, ken cadagiti il-ili ti Juda; ket, adtoy, daytoy nga aldaw langalangda, ket awan ti tao nga agnaed cadacuada,

Jeremias 44:6

Gapuna a ti pungtot ken ungetco naibuyat, ket simged cadagiti il-ili ti Juda, ken cadagiti lanlansangan ti Jerusalem; ket narbada ken langalangda a cas itoy nga aldaw.

Jeremias 6:9

Castoy ti cuna ni Jehova dagiti buybuyot, adasendanto a nalaing unay ti matda iti Israel a cas ti maysa a puon ti uvas: isublim manen ti imam a cas ti agpurpuros iti uvas iti uneg dagiti labba.

Daniel 9:7

O Apo, ti kinalinteg maitutup kenca, ngem cadacami pannacariribuc ti rupa a cas iti daytoy nga aldaw; cadagiti lallaki ti Juda, ken cadagiti agnaed iti Jerusalem, ken amin nga Israel, nga addada iti asideg, ken addada iti adayu, cadagiti amin a dagdaga a nangiturongam cadacuada a gapu iti salungasingda a kimmaniwasda kenca.

Levitico 26:33

Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.

Amos 3:1

Dumngegcayo iti daytoy a sao nga insao ni Jehova a maibusor cadacayo, O annac ti Israel, cacaniwas ti amin a sangcacabagian nga inaonco iti daga ti Egipto, a cunana,

Jonas 4:3

Ita ngarud, O Jehova, dawatec kenca nga iccatem ti biagco, ta nasaysayaat caniac ti ipapatay ngem ti panagbiag.

Mikias 2:3

Gapuna, castoy ti cuna ni Jehova: Adtoy, gandatec ti maysa a dakes a maibusor ti daytoy a familia, isu a dicayto pacailisian cadagiti teltelyo, ken dicayto met macapagna a sicucuspag; ta pannawen a dakes.

Deuteronomio 30:1

Ket maaramidto, a no amin dagitoy a banbanag addada kenca, ti bendicion ken ti lunod nga incabilco iti sangom, ket sica laglagipemto ida iti nagtengngaan dagiti amin a nasnacion a ni Jehova a Diosmo nangipananna kenca,

Deuteronomio 30:4

No anniaman cadagiti cucuam naibelbelleng addada iti caadayuan a paspaset ti langit, manipud sadiay ni Jehova a Diosmo urnongennacanto, ket manipud idiay isangpetnacanto:

Paltiing 6:16

Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

Paltiing 9:6

Ket cadagidiay nga al-aldaw dagiti tattao birukendanto ni patay, ket isu didanto masaracan; ket tarigagayandanto ti natay, ket ni patay itarayannanto ida.