Jeremias 8:2 - Ti Biblia (1973)

² Ket ibilagdanto ida iti init, ken iti bulan, ken amin ti buyot ti langit, isuda nga inayatda, ken nagservianda, ken dagidiay sinurotda, ken sinapulda, ken nagrucbabanda; saandanto a maururnong, wenno maicali, agbalindanto a rugit iti rabaw ti daga.

Ti Baro a Naimbag a Damag Biblia

² Maiwaranto dagiti tultulang iti imatang ti init, ti bulan ken dagiti bituen nga inay-ayat ken nagserserbianda. Isuda ti nakiumanan ken nagdaydayawanda. Imbes a maummong ken maikali dagiti tulang, kasladanto takki a maiwarwara.

Jeremias 8:2 Iomraidhean Croise

2 Ar-ari 17:16

Ket indianda amin dagiti bilbilin ni Jehova a Diosda, ket nagaramidda ti maipaay cadacuada cadagiti ladladawan a sinocog a dua met laeng a sinan-ururbon ti vaca, ken nagaramidda iti maysa nga Asherah, ket nagcararaganda dagiti isu-amin a buybuyot sadi langit, ket nagservida ken Baal.

2 Ar-ari 21:3

Ta isu binangonna manen dagiti nangato a disdisso a ni Ezekias nga amana rinugpuna idi; ket namatacder cadagiti al-altar a maipaay ken Baal, ket nangaramid iti maysa nga Asherah, a cas inaramid idi ni Acaz nga ari ti Israel, ket nagcararag iti isu-amin a buyot ti langit, ket nagservi cadacuada.

2 Ar-ari 21:5

Ket nangbangon cadagiti al-altar a maipaay iti isu-amin a buyot ti langit iti dua a paraangan ti balay ni Jehova.

2 Ar-ari 23:5

Ket iniccatna dagiti papadi a nagservi idi cadagiti ladladawan, isuda a binilin idi dagiti ar-ari ti Juda nga agpuurda iti incienso cadagiti nangato a disdisso cadagidiay il-ili ti Juda, ken cadagidiay disdisso nga aglicmut iti Jerusalem; casta met cadagidiay nga agpupuur idi iti incienso ken ni Baal, ken iti init, ken iti bulan ken cadagiti planetas, ken iti isu-amin a buyot ti langit.

Dagiti Salmo 53:5

Addada a sibubuteng uray idiay awan cabuteng; ta ti Dios inwarsiwarsina dagiti tultulang ti sipapacarso a bumusor kenca: sica imbabainmo ida, gapu ta ti Dios pinaayna ida.

Dagiti Salmo 83:10

Isuda a natay idiay Endor, dagidi nagbalin a cas rugit a maipaay itoy daga.

Dagiti Salmo 83:11

Pagbalinem dagiti natan-oc cadacuada a cas cada Oreb ken Zeeb; wen, amin dagiti piprincipeda cas cada Zeba ken Zalmunna;

Eclesiastes 6:3

No ti maysa a tao agputot cadagiti sangagasut nga annac, ket agbiag cadagiti adu a tawtawen, iti casta a dagiti al-aldaw dagiti tawenna aduda, ngem ti cararuana saan a mapno iti imbag, ket maysa pay isu saan a maiponpon; cunac, a ti maysa nga alis naimimbag ngem isu:

Jeremias 14:16

Ket ti umili a nangipadtoanda maibellengto cadagiti lanlansangan ti Jerusalem gapu iti bisin ken ti campilan; ket awanto ti mangicali cadacuada—isuda, dagiti assawada a babbai, wenno dagiti annacda a lallaki, wenno dagiti annacda a babbai: ta ibuyatconto ti kinadangkesda cadacuada.

Jeremias 16:11

Cunamto ngarud cadacuada, Agsipud ta dagiti ammayo naglicudandac, cuna ni Jehova, ket simmurotda cadagiti sabali a diosen, ket nagservida cadacuada ken nagrucbabda cadacuada, ket naglicudandac, ket dida inannurot ti lintegco;

Jeremias 16:4

Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Jeremias 16:6

Ti dackel ken castamet ti bassit agpadpada mataydanto ditoy a daga, saandanto a maiponpon, ket dagiti tattao didanto met agunnoy gapu cadacuada wenno sugatenda met laeng, dagiti bagbagida wenno kiskisan ti oloda gapu cadacuada;

Jeremias 19:13

Ket dagiti balbalay ti Jerusalem, ken dagiti balbalay dagiti ar-ari ti Juda, isuda a natulawan, isudanto dagiti cas iti disso ti Tofet, dagiti amin met laeng balbalay nga iti rabaw dagiti at-atepda nagpuurda iti incienso cadagiti amin a buyot ti langit, ket nangibucbocda cadagiti datdaton a mainum cadagiti sabali a diosen.

Jeremias 22:19

Isu maitanemto cas pannacaicali ti maysa nga asno, a maiguyod ken maipurruac iti ballasiw dagiti ruangan ti Jerusalem.

Jeremias 25:33

Ket dagiti napapatay gapu ken ni Jehova iti dayta nga aldaw addadanto manipud iti maysa a pungto ti daga agingga met laeng iti sabali a pungto ti daga saandanto a masangitan, ket dida met maurnong, uray maitanem; isudanto ti rugit iti rabaw ti daga.

Jeremias 31:40

Ket ti amin a lobong dagiti bangcay, ken dagiti dapdapo, ken amin a taltalon agingga iti waig a Cedron, agingga ti suli ti ruangan ti cabayo nga agpadaya, nasantoanto ken Jehova; isu saanto a maparut, ket saanto met a marugpo iti agnanayon.

Jeremias 36:30

Gapuna a castoy ti cuna ni Jehova a maipanggep ken Joakim nga ari ti Juda. Awanto kencuana ti agtugaw iti trono ni David; ket ti bangcayna maipuruacto iti ruar nga aglac-am iti pudot ti aldaw ken iti linnaaw ti rabii.

Jeremias 9:20

Ngarud denggenyo ti sao ni Jehova, O dacayo a babbai, ket dagiti lapayagyo awatenda coma ti sao ti ngiwatna; ket isuroyo dagiti annacyo a babbai iti panagdung-aw ken tunggal maysa ti caarrubana iti panagunnoy.

Jeremias 9:21

Ta ti patay sumagpat cadagiti tawatayo, sumrec cadagiti palaciotayo; tapno dadaelenna dagiti annac manipud iti ruar, ket dagiti agtutubo a lallaki manipud cadagiti lanlansangan.

Jeremias 9:22

Saoem, Castoy ti cuna ni Jehova, Dagiti bangcay dagiti tattao matnagdanto a cas rugit iti nalawa a tay-ac, ken cas ti siningay iti licudan ti agan-ani, ket awanto ti mangurnong cadacuada.

Ezekiel 29:5

Ket ibellengcanto iti let-ang, sica ken amin ti ican dagiti carcarayanmo: matuangcanto iti nalawa a tay-ac; saancanto a matiptipon wenno maururnong; intedca a maipaay a taraon cadagiti an-animal ti daga ken cadagiti tumatayab ti langit.

Ezekiel 39:5

Mapasagcanto iti nalawa a tay-ac, ta isu sinaoc, cuna ni Apo Jehova.

Ezekiel 6:5

Ket icabilconto dagiti bangcay dagiti annac ti Israel iti saclang dagiti diosenda; ket ipurruacconto dagiti tultulangyo iti aglicmut cadagiti altaryo.

Ezekiel 8:16

Ket inserrecnac iti naununeg a paraangan ti balay ni Jehova; ket adtoy, idiay ruangan ti templo ni Jehova, iti nagbaetan ti balcon ken ti altar, ti casla duapulo ket lima a lallaki, a dagiti bucotda inturongda iti templo ni Jehova, ket dagiti rupada iti daya; ket nagrucrucbabda iti init a simmangoda iti daya.

Sofonias 1:17

Ket yegconto ti rigat cadagiti tattao tapno magmagnada a cas bulsec a tattao, agsipud ta nagbasolda a maicaniwas ken ni Jehova; ket ti darada maiparucpocto a cas la tapuc, ken ti lasagda a cas iti ibleng.

Sofonias 1:5

Ken dagidiay agcarcararag iti buyot ti langit cadagiti tuctoc ti balay; ken dagidiay agcarcararag, nga agsapata gapu ken Jehova ken agsapata gapu ken Malcam:

Dagiti Aramid 7:42

Ngem ti Dios timmal-licud, ken binaybayanna ida, tapno agrucbabda iti bongoy iti tangatang cas adda a naisurat iti libro dagiti mammadto. Indatonandac aya cadagiti animal a napapatay ken datdaton, idiay let-ang iti uppat a pulo a tawen, O balay ti Israel?

Deuteronomio 17:3

Ket napan ket nagservi cadagiti sabali a didios, ket nagdaydayaw cadacuada, wenno iti init, wenno iti bulan, wenno iti uray ania a buyot ti langit, isu nga diac imbilin kenca;

Deuteronomio 4:19

Ken di la ket ta itangadmo dagita matam sadi langit, ket no makitam ti init ken ti bulan, ken dagiti bitbitwen, uray dagiti amin a buyot sadi langit maguyuguyca nga agdayaw cadacuada, ken agservi cadacuada cadagidiay impaay ni Jehova a Diosmo cadagiti amin a il-ili iti babaen ti amin a langit.