Jeremias 8:16 - Ti Biblia (1973)

¹⁶ Ti banang-es dagiti cabayona nangngeg nanipud iti Dan: gapu iti uni ti garaigi dagiti nabilegna ti amin a daga agkintayeg; ta immayda, ket linamutda ti daga ken amin nga adda kencuana; ti ili ken dagiti agnaed idiay.

Ti Baro a Naimbag a Damag Biblia

¹⁶ Addan dagiti kabusortayo iti siudad ti Dan. Mangngegtayo ti banang-es dagiti kabalioda. No aggaraigi dagiti kabalioda, agkintayeg ti entero a daga. Immay dagiti kabusortayo tapno dadaelenda ti dagatayo ken ti amin a linaonna, ti siudadtayo ken dagiti tattaona.”

Jeremias 8:16 Iomraidhean Croise

Ti Libro ni Job 39:20

Isu inaramidmo aya a lumagto a cas dudon? Ti dayag ti panagbangesna nacakigkigtot.

Dagiti Salmo 24:1

Ti daga cucua ni Jehova, ken amin nga adda kencuana; ti lubong, ken dagiti agnaed kencuana.

Jeremias 10:25

Ibuyatmo ti pungtotmo cadagiti nacion a di macaamo kenca, ken cadagiti familia a di umawag iti naganmo; ta inalun-onda ni Jacob, wen, isu inalun-onda ken inibusda, ket rinacracda ti pagtaenganna.

Jeremias 3:24

Ngem ti nacababain a banag, linamutna ti aramid dagidi ammatayo manipud iti kinaubingtayo, dagiti pangpangenda ken dagiti ar-arbanda, dagiti annacda a lallaki ken babbai.

Jeremias 30:16

Gapuna nga amin dagidiay mangalun-un kenca, maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

Jeremias 30:5

Ta castoy ti cuna ni Jehova: Nangngegmi ti timec ti panagpigerger, ti panagbuteng, ket awan ti cappia.

Jeremias 4:24

Kinitac dagiti banbantay, ket adtoy, nagkintayegda, ket amin dagiti turturod naggarawda nga agsublisubli.

Jeremias 4:7

Maysa a leon simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga awan ti agnaed.

Jeremias 47:3

Gapu iti daranudor ti panagbaddec dagiti cuco dagiti maingel, gapu iti dalagudug dagiti luganna, gapu iti caraducud dagiti pilidna, dagiti amma dida tumaliaw cadagiti annacda a gapu iti kinacapuy dagiti imada;

Jeremias 5:17

Ket canendanto ti apitmo, ken ti tinapaymo, a canen coma dagiti annacmo a lallaki ken babbai; ibusendanto dagiti ar-arbanmo ken dagiti pangpangenmo; canendanto dagiti uv-uvasmo ken dagiti highigosmo; rebbaendanto dagiti nasarikedkedan nga il-ilim, isuda a pagcammatalcam, babaen ti capilan.

Jeremias 50:42

Agiggemda iti ba-i ken pica; nadawelda, ket awan ti asida; ti timecda agungor a cas iti baybay; ket agsacayda cadagiti cabayo, tunggal maysa sioornos a cas ti tao iti gubat, a maibusor kenca, O anac a babai ti Babilonia.

Jeremias 51:29

Ket ti daga agkintayeg ken agut-ut; ta dagiti panggep ni Jehova a maibusor iti Babilonia mapasingkedanda, tapno paglangalangenna ti daga a Babilonia, nga awan ti agnaed.

Jeremias 6:23

Nacaiggemda iti bai ken gayang; isuda naulpitda, ket awan ti asida; ti timecda agungor a cas ti baybay, ket sumacayda cadagiti cacabayo, tunggal maysa makiintar, cas iti lalaki iti gubat, a maicaniwas kenca, O anac a babai ti Sion.

Nahum 3:2

Ti waneswes ti baut, ken ti daranudor ti panagcaradacad dagiti pilpilid, ken dagiti cabcabayo nga agburang-it, ken dagiti luglugan nga agsaltec,

Habakuk 3:10

Dagiti banbantay nakitadaca, ket nagbutengda; Ti bagio dagiti dandanum naglabas; Ti yuyeng binalicasna ti timecna, Ket inngatona dagiti im-imana iti ngato.

1 Taga-Corinto 10:26

Ta ti Apo cucuana ti daga ken dagup ti aglasud kencuana.

1 Taga-Corinto 10:28

Ngem no adda agsaonto cadacayo: Daytoy naidaton iti altar: saanyo a canen, gapu iti daydiay nangibaga, ken gapu iti conciencia.

Uk-ukom 18:29

Ket ginaladanda ti nagan ti ili iti Dan, a mayalubog iti nagan ni Dan nga amada, a nayanac idi ken Israel; nupay ti nagan ti ili idi isu ti Lais idi unana.

Uk-ukom 20:1

Idin amin dagiti annac ti Israel rimmuarda, ket ti gimong nagurnong a cas maymaysa a tao, manipud Dan agingga iti Beer-seba, agraman iti daga ti Galaad, ken Jehova idiay Mizpa.

Uk-ukom 5:22

Idin dagiti cuco dagiti cabcabayo nagpadacpadacda a gapu iti panagburang-it, dagiti panagburang-it dagiti mamaingelda.