Jeremias 8:10 - Ti Biblia (1973)

¹⁰ Gapuna itedconto dagiti assawada a babbai cadagiti sabsabali; ken dagiti taltalonda cadagidiay agtagicuanto cadacuada: ta tunggal maysa manipud iti cabassitan agingga met laeng iti cadackelan nagbalin a managagum; manipud iti mammadto agingga met laeng iti padi tunggal maysa agaramid a siuulbod.

Ti Baro a Naimbag a Damag Biblia

¹⁰ Iti kasta, itedkonto dagiti assawada kadagiti sabali a lallaki. Itedkonto met dagiti taltalonda kadagiti barbaro nga agtagikua. Isuda amin, nangato man wenno nanumo, naagumda. Agsaur met dagiti papadi ken profeta.

Jeremias 8:10 Iomraidhean Croise

Ti Libro ni Job 31:10

No casta aggiling coma ni asawac nga agpaay iti sabali, ket isu asawaen coma dagiti sabali.

Isaias 28:7

Ken uray dagitoy agtiritirda a gapu iti arac, ken agibar-ibarda gapu iti naingel nga inumen; ti padi ken ti mammadto agtiritirda gapu iti naingel nga inumen, addada nga inalun-un ti arac; agibar-ibarda gapu iti naingel nga inumen, bumiddutda iti panagkita, agtibcolda iti panangocom.

Isaias 57:17

Maipuon iti kinadangkes ti apalna nagpungtotac; ket isu kinabilco: inlingedco ti rupac ket nagpungtotac; ket isu nagtuloy a nagbawing iti dalan ti pusona.

Jeremias 14:14

Idin ni Jehova kinunana caniac, Dagiti mammadto agipatoda cadagiti ulbod iti naganco; diac ida imbaon, ket diac met ida binilin, ket diac met nagsao cadacuada: isuda agipadtoda cadacayo iti maysa a naulbod a parparmata, ken padles, ken banag nga awan, ken ti allilaw ti pusoda met laeng.

Jeremias 14:18

No rumuarac a mapan iti away; adtoy ngarud, dagiti napapatay iti campilan! ket no sumrecac iti ili, adtoy, ngarud, dagidiay masakit iti bisin! ta ti mammadto ken castamet ti padi mamagpagnada iti daga, ket awan ti pannacaammoda.

Jeremias 17:11

Cas ti tucling a mangocop cadagiti iclog a saanna nga inyeclog, casta ti agala iti kinabacnang, ket saan a naincalintegan; iti tengnga dagiti aldawna isu panawandanto, ket iti panungpalanna isunto ti maysa a maag.

Jeremias 22:17

Ngem dagiti matam ken ta pusom maipaayda laeng iti kinaagummo, ken ti panangibuyat iti awan basolna a dara, ken panangirurumen, ken panangranggas tapno aramidem.

Jeremias 32:32

Gapu ta iti amin a kinadakes dagiti annac ti Israel ken dagiti annac ti Juda, nga inaramidda a panggargari caniac nga agpungtot, isuda, dagiti ar-arida, dagiti piprincipeda, dagiti papadida, ken dagiti mammadtoda, ken dagiti tattao ti Juda, ken dagiti agnaed idiay Jerusalem,

Jeremias 38:22

Adtoy, dagiti amin a babbai a matdada iti balay ti ari ti Juda maiparuardanto cadagiti piprincipe ti ari ti Babilonia, ket dagidiay a babbai cunadanto, Dagiti caingongot a pagayammo, inuyutandaca, ket inatiwdaca: idinto ta dagiti sacsacam mailumlumda iti lutlut, timmallicudda.

Jeremias 42:1

Idin amin a cacapitan dagiti buybuyot, ken ni Johanan nga anac ni Carea, ken ni Jezanias nga anac ni Osaya, ken amin dagiti tattao manipud iti cabassitan agingga iti cadackelan, immadanida,

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Dungdung-aw 4:13

Maipuon cadagiti basbasol dagiti mammadtona, ken cadagiti kinadakes dagiti papadina, a nangiparucpuc ti dara ti nalinteg iti nagtengngaanna.

Ezekiel 33:31

Ket umayda kenca, a cas ti yaay ti umili, ket agtugawda iti sangoanam a cas ti ilic, ket denggenda dagiti saom, ngem saanda ida a tungpalen; ta cadagiti ngiwatda iparangda ti adu nga ayat, ngem ti pusoda mapan a sumurot iti gongunada.

Amos 5:11

Iti casta payatpayatenyo ti napanglaw, ket ipapilityo a mangted iti trigona: nagbangoncayo iti balbalay cadagiti bato a tinagaan, ngem saanyonto a pagnaedan ida; nagmulacayo cadagiti macaayayo a cauvasan, ngem dicayto uminum iti aracda.

Mikias 2:4

Iti dayta nga aldaw aramatendanto ti maysa a pangngarig a maibusor cadacayo, ket agsangitda iti nasaem a panagunnoy, ket cunaenda, Nadadaeltayo a naikisap: isu baliwanna ti bingay ti ilic: anian ti panangisinana caniac! cadagiti nasukir bingayenna dagiti taltalonmi.

Mikias 3:11

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

Mikias 3:5

Castoy ti sinao ni Jehova maipapan cadagiti mammadto a pagbawingenda iti ilic; isuda a cumagatda cadagiti ngipenda, ken ipuccawda, Talna; ket iti daydiay a saan a mangpisuc cadagiti ngiwatda, mangisaganada pay iti gubat a maibusor kencuana:

Habakuk 1:6

Ta adtoy, a patacderec dagiti Caldeos, daydiay nacas-ang ken nasiglat a nacion, a magna iti pagacabaan ti daga, a mangtagicua cadagiti disso a pagnaedan a saanda a cucua.

Sofonias 1:13

Ket ti sanicuada agbalinto a sinamsam, ket dagiti balbalayda agwalangwalang: wen, mangibangondanto cadagiti balbalay, ngem didanto agnaed cadacuada; ket mangmuladanto ti cauvasan, ngem didanto uminum iti aracna.

Tito 1:11

A dagiti ngiwngiwatda masapul nga apputen; tattao a mangririboc cadagiti amin a sangacabbalayan nga isursuroda ti saanna a carbengan gapu iti naalas a gonggona.

Tito 1:7

Ta ti obispo masapul nga awan pacababalawanna, ta isu ngarud ti pagaywanen ti Dios; saan a napalangguad, saan a managpungtot, saan a mannakiringgor, saan a mannakicabil, saan a naagum iti pirac;