Jeremias 8:1 - Ti Biblia (1973)

¹ Iti dayta a pannawen, cuna ni Jehova, iruardanto cadagiti tantanemda dagiti tulang dagiti ar-ari ti Juda, ken dagiti tulang dagiti piprincipena, ken dagiti tulang dagiti papadi, ken dagiti tulang dagiti mammadto, ken dagiti tulang dagiti agnaed iti Jerusalem;

Ti Baro a Naimbag a Damag Biblia

¹ “Iti dayta a tiempo, mairuarto dagiti tultulang dagiti ari ken dagiti ofisiales ti Juda kadagiti tanemda. Mairuarto met dagiti tultulang dagiti profeta ken dagiti dadduma a nagnaed idiay Jerusalem.

Jeremias 8:1 Iomraidhean Croise

1 Ar-ari 13:2

Ket isu nagickis a maibusor iti altar a gapu iti sao ni Jehova, ket kinunana, O altar, altar, castoy ti cuna ni Jehova: Adtoy, maysa nga anac maipasngayto iti balay ni David, nga agnagan iti Josias; ket isu idatonnanto iti rabawmo dagiti papadi dagiti nangato a disso nga agpupuur iti incienso iti rabawmo, ket tultulang dagiti tattao ti puurandanto iti rabawmo.

2 Ar-ari 23:16

Ket idi a ni Josias timmaliaw, nakitana dagiti tantanem nga adda idi sadiay iti bantay; ket nagbaon, ket innalana dagiti tultulang cadagiti tantanem, ket pinuuranna ida iti rabaw ti altar, ket isu rinugitanna, a mayalubog iti sao ni Jehova isu nga inwarragawag di lalaki ti Dios isu a nangiwarragawag cadagitoy a banbanag.

2 Ar-ari 23:20

Ket pinatayna amin dagiti papadi dagiti nangato a disdisso nga addada sadiay, iti rabaw dagiti al-altar, ket pinuuranna dagiti tultulang dagiti tattao iti rabawda; ket nagsubli sadi Jerusalem.

2 Ar-ari 9:37

Ket ti bagi ni Jezabel isunto ti cas ibleng iti rabaw ti daga idiay paset ti Jezreel, iti casta a didanto saoen, Daytoy isu ni Jezabel.

Dagiti Salmo 53:5

Addada a sibubuteng uray idiay awan cabuteng; ta ti Dios inwarsiwarsina dagiti tultulang ti sipapacarso a bumusor kenca: sica imbabainmo ida, gapu ta ti Dios pinaayna ida.

Jeremias 14:16

Ket ti umili a nangipadtoanda maibellengto cadagiti lanlansangan ti Jerusalem gapu iti bisin ken ti campilan; ket awanto ti mangicali cadacuada—isuda, dagiti assawada a babbai, wenno dagiti annacda a lallaki, wenno dagiti annacda a babbai: ta ibuyatconto ti kinadangkesda cadacuada.

Ezekiel 37:1

Ti ima ni Jehova adda idi caniac, ket isu impannac iti Espiritu ni Jehova, ket indisonnac iti tengnga ti lobong; ket napno cadagiti tultulang.

Ezekiel 6:4

Ket dagiti altaryo agbalindanto a langalang, ket dagiti cucuayo a ladladawan ti init maburburacdanto, ket dagiti napapatay cadacayo ipalladawconto iti saclang dagiti diosenyo.

Ezekiel 6:5

Ket icabilconto dagiti bangcay dagiti annac ti Israel iti saclang dagiti diosenda; ket ipurruacconto dagiti tultulangyo iti aglicmut cadagiti altaryo.

Amos 2:1

Castoy ti saoen ni Jehova: Maipuon iti tallo a salungasing ti Moab; wen, maipuon iti uppat, diacto ibawing ti dusana; ta pinuuranna a pinaapug dagiti tultulang ti ari ti Idumea.