Jeremias 7:9 - Ti Biblia (1973)

⁹ Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Ti Baro a Naimbag a Damag Biblia

⁹ Agtakawkayo, pumataykayo, makikamalalakayo, sapataanyo ti ulbod, agidatagkay iti daton ken ni didiosen a Baal ken agdaydayawkayo kadagiti didiosen a diyo am-ammo.

Jeremias 7:9 Iomraidhean Croise

1 Ar-ari 18:21

Ket ni Elias immasideg iti amin nga umili, ket kinunana, Agpapan caano ti panagallaallayo iti dua a panunot? no ni Jehova isu ti Dios, sumurotcayo kencuana; ngem no ni Baal, sumurotcayo ngarud kencuana. Ket ti umili saan a simmungbat kencuana iti uray maysa a sao.

Exodo 20:3

Awan ti sabali a diosmo iti sangoc.

Isaias 1:13

Dicay mangyegen cadagiti datdaton nga ubbaw; ti incienso maysa a macarimon caniac; ti lutuad ken aldaw a panaginana, ti panaguurnong cadagiti gimgimong, diac maanusan ti kinadangkes ken nadaeg a gimong.

Isaias 58:2

Nupay casta isuda birukendac iti inaldaw, ken agrag-oda nga umammo cadagiti dalanco: cas maysa a nacion a nagaramid iti kinalinteg, ket dina indian ti impaannurot ti Diosda, agdawatda caniac iti nalinteg a panangocom; agrag-oda nga umadani iti Dios.

Jeremias 1:16

Ket ibatadconto ti panangocomco cadacuada maipapan iti amin a kinadakesda agsipud ta naglicudandac, ken nagpuurda iti incienso cadagiti didios a sabali, ken nagcararagda cadagiti ar-aramid dagiti imada met laeng.

Jeremias 11:13

Ta cas mayalubog iti dagup dagiti il-ilim adda dagiti didiosmo, O Juda; ken cas mainugot iti dagup dagiti lanlansangan ti Jerusalem, impatacderyo dagiti al-altar iti nacababain a banag, dagiti met laeng alaltar a pagpuuran iti incienso a maipaay ken Baal.

Jeremias 11:17

Ta ni Jehova dagiti buybuyot, a nangimula kenca, imbalicasna ti dakes a maibusor kenca, a gapu iti kinadakes iti balay ti Israel ken iti balay ti Juda, isu a nagaramidda a maipaay cadacuada met laeng iti pananggargari caniac nga agpungtot iti panangidatonda iti incienso ken Baal.

Jeremias 13:10

Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.

Jeremias 18:15

Ta ti ilic linipatannac, nagpuurda ti incienso cadagiti saan a pudno a dios; ket pinaitibcolda cadagiti dalanda, cadagiti daan a dandana, tapno magnada cadagiti dandana, iti maysa a dalan a saan a nagaburan;

Jeremias 19:4

Agsipud ta binaybay-andac, ken insabalida daytoy a disso, ken nangpuurda iti incienso kencuana cadagiti sabali a diosen a dida naammoan, isuda ken dagiti ammada ken dagiti ar-ari ti Juda, ket pinunnoda daytoy a disso iti dara dagiti awan basolda,

Jeremias 32:29

Ket dagiti Caldeos a gumubat a maibusor itoy nga ili, umaydanto ket pasgedandanto daytoy nga ili, ket puurandanto agraman cadagiti balbalay, a cadagiti atepda nagidatdatonda, iti incienso ken Baal, ken nangibucbucda cadagiti datdaton a mainum cadagiti sabali a diosen tapno panggargarida caniac nga agpungtot.

Jeremias 44:3

A gapu iti kinadakesda nga inaramidda a ginargaridac nga agpungtot, iti inda panagpuur iti incienso, ken agservi cadagiti sabali a diosen a saanda a naammoan, isuda, wenno dacayo, wenno dagiti ammayo.

Jeremias 44:8

Iti nanggargarianyo caniac nga agpungtot babaen dagiti gappuanan dagiti im-imayo, a puuranyo ti incienso cadagiti sabali a diosen iti daga nga Egipto, nga incay nagyanan; tapno madadaelcayo, ken tapno agbalincayo coma a lunod ken pacaumsian cadagiti amin a nasnacion ti daga.

Jeremias 44:9

Nalipatanyon aya ti kinadakes dagiti ammayo, ken ti kinadakes dagiti ar-ari ti Juda, ken ti kinadakes dagiti assawada, ken ti bucodyo a kinadakes, ken ti kinadakes dagiti assawayo a babbai, nga inaramidda iti daga ti Juda, ken cadagiti lanlansangan ti Jerusalem?

Jeremias 48:35

Castamet paserdengecto sadi Moab, cuna ni Jehova, daydiay mangidaton iti nangato a disso, ken daydiay mangpuur iti incienso cadagiti diosenna.

Jeremias 5:2

Ket nupay no cunada, Cas sibibiag ni Jehova; pudno nga agsapsapatada a siuulbud.

Jeremias 5:7

Casano ti panangpacawanco kenca? Dagiti annacmo pinanawandac, ket nagsapatada gapu cadagidiay saan a dios. Idi pinacanco ida a napnecda, nakicamalalada, ket nagoornongda a nagbubunggoy cadagiti balbalay dagiti balangcantis.

Jeremias 7:6

No saanyo nga irurumen ti gangannaet, ti ulila, ken ti balo, ken dicayo mangiparucpuc ti awan basolna a dara iti daytoy a disso, ket dicayo met sumurot cadagiti sabali a diosen nga agpaay a pacaranggasanyo met laeng;

Ezekiel 18:18

No maipapan ken amana, gapu ta nangparigat a sidadawel, inagawanna ni cabsatna, ket inaramidna ti saan a naimbag iti tengnga ti ilina, adtoy, isu matayto iti kinadangkesna.

Ezekiel 20:30

Cunaem ngarud iti balay ti Israel, Castoy ti cuna ni Apo Jehova: Tulawanyo aya ti bagbagiyo met laeng a cas ti ugali dagiti ammayo? ket agbalangcantiscayo aya a sumurot cadagiti kinarimonda?

Ezekiel 23:39

Ta idi pinapatayda dagiti annacda a maipaay cadagiti didiosenda, immayda met iti dayta nga aldaw iti santuarioc tapno isu tabbaawanda; ket adtoy castoy ti inaramidda iti tengnga ti balayco.

Ezekiel 5:11

Gapu itoy, cas sibibiagac, cuna ni Apo Jehova, kinapudnona, gapu ta tinulawam ti santuarioc cadagiti amin a macarurud a banbanagmo, ken cadagiti amin a kinarimonmo, gapuna siac met pabassitencanto; toy matac awanto met ti isakitna, ket casta met awanto ti caasiac.

Oseas 2:13

Ket sarungcaracto kencuana dagidi al-aldaw dagiti Baales, a cadacuada pinuuranna ti incienso, idi inarcosanna ti bagina met laeng cadagiti aritosna, ken cadagiti alajasna, ket sinurotna dagiti caayanayatna, ket linipatannac, cuna ni Jehova.

Oseas 6:9

Ken cas cadagiti pangen dagiti mannanacaw sumanebda iti maysa a tao, casta ti gimong dagiti papadi mamapatayda iti dalan nga agturong idiay Sikem; wen nagaramidda iti kinaderrep.

Amos 4:5

Ket yawatyo ti daton ti panagyaman daydiay nalevaduraan, ket iwarragawagyo dagiti datdaton ti sibubulos a nakem, ket ipuccawyo ida, ta daytoy ti macaay-ayo cadacayo, O dacayo annac ti Israel, cuna ni Apo Jehova.

Sofonias 1:5

Ken dagidiay agcarcararag iti buyot ti langit cadagiti tuctoc ti balay; ken dagidiay agcarcararag, nga agsapata gapu ken Jehova ken agsapata gapu ken Malcam:

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.

Taga-Roma 2:2

Ket ammotayo a ti panangocom ti Dios a maibusor cadagiti agaramid cadagiti cacasta a banbanag isu ti mayannurot iti pudno.

Deuteronomio 32:17

Isuda nagidatonda cadagiti sasairo, a saan a ti Dios, cadagiti didios a dida ammo idi, cadagiti didios a babaro a calcaltuad, a saan a nagbutngan dagiti ammayo.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

Paltiing 22:15

Idiay ruar addada dagiti asaso, ken dagiti managanito, ken dagiti mannakicamalala, ken dagiti nacapapatay, ken dagiti agrucbab cadagiti didiosen, ken tunggal maysa nga agayat ken agaramid iti ulbod.

Uk-ukom 5:8

Isuda nangpilida cadagiti didios a babbaro; idin ti gubat adda idi cadagiti ruruangan: nakita idi ti maysa a calasag wenno gayang iti nagtengngaan dagiti uppat a pulo a ribu iti Israel?