Jeremias 7:7 - Ti Biblia (1973)

⁷ Iti casta pagnaedencayto ditoy a disso, iti daga nga intedco cadagiti ammayo, nanipud idi unana agpapan iti agnanayon.

Ti Baro a Naimbag a Damag Biblia

⁷ Iti kasta, ipaluboskonto nga agnaedkayo iti daytoy a daga nga intedko a kukua dagiti kapuonanyo iti agnanayon.

Jeremias 7:7 Iomraidhean Croise

2 Cronicas 33:8

Uray caano diacto pagbariwasenen ti saca ti Israel manipud iti daga nga intudingco a maipaay cadagiti ammayo, no tungpalendanto la ket di nga aramiden ti mayalubog cadagiti isu-amin nga imbilinco cadacuada, ti amin met laeng a linteg ken al-alagaden ken an-annuroten a naited idi iti pannacaaramat ni Moises.

Exodo 22:22

Dicayo parparigaten ti uray siasino a balo a babai uray ti ulila iti ama.

Isaias 1:19

No agmayatcayo ken agtulnogcayo, canenyonto ti caimbagan iti daga:

Jeremias 25:5

A kinunana, Agsublicayo ita tunggal maysa manipud iti dakes a dalanna, ken manipud iti kinadakes dagiti aramidyo, ket agnaedcayo iti daga nga inted ni Jehova cadacayo ken cadagiti ammayo, nanipud idi ugma agingga met laeng iti agnanayon;

Jeremias 26:13

Ita ngarud baliwanyo dagiti dalanyo ken dagiti aramidyo, ken agtulnogcayo iti timec ni Jehova a Diosyo; ket ni Jehova ibabawinanto ti dakes nga binalicasna a maibusor cadacayo.

Jeremias 3:18

Cadagita nga al-aldaw ti balay ti Juda makicuyogto iti balay ti Israel, ket rumuardanto nga agcuyog iti daga ti amianan a mapan iti daga nga intedco a tawid cadagiti ammayo.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Sofonias 3:7

Kinunac, Isuna laeng nga agbutengca caniac; umawatca iti panangisuro, iti casta ti pagnaedanna dinto mapucaw; a mayalubog iti amin nga inkeddengco a maipapan kencuana: ngem timmacderda a nasapa ket pinadakesda dagiti amin nga aramidda.

Deuteronomio 4:40

Ket salimetmetamto dagiti al-alagadenna, ken dagiti bibilinna nga ibilinco kenca iti daytoy nga aldaw, tapno agbalincanto a naimbag, ken agraman dagiti annacmo a sumononto kenca, ken tapno mataginayonmo dagiti al-aldawmo iti daga nga ited kenca ni Jehova iti agnanayon.