Jeremias 7:6 - Ti Biblia (1973)

⁶ No saanyo nga irurumen ti gangannaet, ti ulila, ken ti balo, ken dicayo mangiparucpuc ti awan basolna a dara iti daytoy a disso, ket dicayo met sumurot cadagiti sabali a diosen nga agpaay a pacaranggasanyo met laeng;

Ti Baro a Naimbag a Damag Biblia

⁶ Diyo gundawayan dagiti ganggannaet, ulila ken balo. Dikay agpapatay kadagiti awan basolna ditoy nasantoan a lugar. Dikay agkararag kadagiti didiosen ta daytoy ti mangdadael kadakayo.

Jeremias 7:6 Iomraidhean Croise

2 Ar-ari 21:6

Ket pinalasatna di anacna a lalaki iti apuy, ket nagaramid iti panagbuybuyon, ken nangaramat iti kinabaglan ket nakipagaramid cadagidi agan-anito, ken cadagiti managsalamangca: nagaramid iti adu a dakes iti imatang ni Jehova, a panggargarina kencuana nga agpungtot.

2 Ar-ari 24:4

Ken casta met a gapu iti dara nga awanan basol nga imbuyatna; ta pinunnona ti Jerusalem iti dara nga awanan basol: ket saan a pinacawan ni Jehova.

Dagiti Salmo 106:38

Ken imbuyatda ti dara a nadalus, uray pay ti dara dagiti annacda a lallaki ken babbai, isuda nga indatonda cadagiti didiosen ti Canaan; ket ti daga namulitan iti dara.

Dagiti Proverbio 23:10

Dica iyalis ti cadaanan a dolon; dica met lumas-ud cadagiti dagdaga dagiti ululila:

Isaias 59:7

Dagiti sacada agtarayda iti dakes, ket agpardasda a mangibucboc iti dara nga awan ti basolna: dagiti panunotda isuda dagiti panunot ti kinadangkes; pannacarba ken pannacadadael dagiti adda cadagiti daldalanda.

Jeremias 13:10

Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.

Jeremias 19:4

Agsipud ta binaybay-andac, ken insabalida daytoy a disso, ken nangpuurda iti incienso kencuana cadagiti sabali a diosen a dida naammoan, isuda ken dagiti ammada ken dagiti ar-ari ti Juda, ket pinunnoda daytoy a disso iti dara dagiti awan basolda,

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Jeremias 2:34

Castamet cadagita cawesmo masaracan ti dara dagiti nasingpet a napanglaw a cararua: Saanmo ida a nasucalan a mangaramid iti sercan; no di ket gapu amin cadagitoy basbasolmo.

Jeremias 26:15

Ammoenyo laeng nga awan duadua, a no patayendac, iyegyonto ti awan tulawna a dara cadacayo met laeng, ken iti daytoy nga ili, ken cadagiti agnaed kencuana; ta iti kinapudnona ni Jehova imbaonac cadacayo tapno isaoc dagitoy amin a sasao cadagiti lapayagyo.

Jeremias 26:23

Ket innalada ni Urias manipud Egipto ken inyegda ken Joakim nga ari, isu a nangpapatay kencuana iti campilan, ket impurruacna ti bangcayna cadagiti tanem dagiti nanumo a tattao.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 5:28

Limmucmegda, agsilnagda; wen, isuda aglabesda cadagiti aramid ti kinadakes; saanda a salaysayen ti panggep, ti panggep ti ulila, tapno rumang-ayda coma; ket ti calintegan dagiti nacacaasi saanda nga ocomen.

Jeremias 7:5

Ta no pasayaatenyo a nalaing dagiti dalanyo ken dagiti gapuananyo; no agaramidcayo a naananay iti kinajusticia iti tao ken ti padana a tao.

Jeremias 7:9

Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Dungdung-aw 4:13

Maipuon cadagiti basbasol dagiti mammadtona, ken cadagiti kinadakes dagiti papadina, a nangiparucpuc ti dara ti nalinteg iti nagtengngaanna.

Ezekiel 18:6

Ket saan a nangan iti rabaw dagiti banbantay, ket dina met intangad dagiti matana cadagiti didiosen iti balay ti Israel, ket saanna met a tinulawan ti asawa ti padana a tao, wenno inasitgan ti maysa a babai nga agcadawyan,

Ezekiel 22:7

Kenca dida impatpateg ti ama ken ina; iti nagtengngaam nagaramidda iti panangidadanes cadagiti agnaed; kenca rinanggasanda ti ulila ken ti balo.

Levitico 19:33

Ket no makipagtaeng kenca iti dagam ti maysa a gangannaet, dicayto aramiden kencuana ti di tumutop.

Levitico 25:17

Ket dicayto aggiinnallilaw, no di ket agbutengcayto iti Diosyo: siac ni Jehova a Diosyo.

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.

San Mateo 27:25

Ket amin dagiti umili simmungbatda ket kinunada: Agtinnag ti darana cadacami ken cadagiti annacmi.

San Mateo 27:4

A cuncunana: Siac nacabasolac iti panangyawatco iti dara nga awan biddutna. Ngem kinunada: Ania ti bibiangmi? macaammoca.

Deuteronomio 11:28

Ket ti lunod no dicayo ipangag dagiti bilbilin ni Jehova a Diosyo, ngem sumiasicayo iti dalan nga ibilinco cadacayo itoy nga aldaw, tapno sumurotcayo cadagiti sabsabali a didios, a dicayo am-ammo.

Deuteronomio 24:17

Dicanto pakilloen ti calintegan a carbengan ti gangannaet, wenno iti ulila, wenno awaten a saldaen ti pagan-anay ti balo a babai;

Deuteronomio 27:19

Mailunod ti mangipakillo iti calintegan ti gangannaet, ti ulila, ken ti balo a babai. Ket amin a tattao cunadanto, Sapay coma.

Deuteronomio 8:19

Ket maaramidto, a no malipatamto ni Jehova a Diosmo, ket sumurotca cadagiti sabsabali a didios, ket agservica cadacuada, ken agdaydayawca cadacuada, panecnecac ti maibusor cadacayo itoy nga aldaw, a di bumurong a mapucawcayo.

Santiago 1:27

Ti panagdaydayaw a nadalus ken awan tulawna iti imatang ti Diostayo ken Ama, isu daytoy: Sarungcaran dagiti awan ti ammada ken dagiti balo a babbai iti ladingitda, ken agannad nga awan tulaw ti lubong.