Jeremias 7:3 - Ti Biblia (1973)

³ Castoy ti cuna ni Jehova dagiti buybuyot, ti Dios ti Israel, Pasayaatenyo dagiti dalanyo ken dagiti gapuananyo, ket pagnaedencayto ditoy a disso.

Jeremias 7:3 Iomraidhean Croise

2 Ar-ari 17:13

Nupay casta ni Jehova namanecnec iti Israel, ken iti Juda, iti tunggal mammadto, ken cadagiti isu-amin a macakita iti masacbayan, a cunana, Sumiasicayo cadagita daldalanyo a dakes, ket tungpalenyo dagiti bilbilinco ken pagal-alagadac, a mayalubog iti isu-amin a linteg nga imbilinco cadagidi ammayo, ken imbaonco cadacayo a naaramat dagiti ad-adipenco a mammadto.

ESDRAS 10:11

Gapuna ita agpudnocayo ken Jehova, a Dios dagidi ammayo, ket aramidenyo ti pacaay-ayoanna; ket suminacayo cadagiti tattao ti daga, ken cadagiti gangannaet a babbai.

Dagiti Proverbio 28:13

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Isaias 55:7

Ti managdacdakes bay-anna coma ti dalanna, ken ti tao a saan a nalinteg dagiti pampanunotna; ket agsubli coma ken ni Jehova, ket isu caasiannanto; ken iti Diostayo, ta isu pacawanennanto iti nawadwad.

Jeremias 17:25

Sumrecdanto ngarud cadagiti ruangan daytoy nga ili dagiti ar-ari ken piprincipe a situtugaw iti trono ni David, a nacasacayda cadagiti lugan ken cabcabayo, isuda ken dagiti piprincipeda, dagiti lallaki ti Juda, ken dagiti agnaed ti Jerusalem, ket daytoy nga ili mataginayonto.

Jeremias 18:11

Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.

Jeremias 18:8

No dayta a nacion, a maipapan kencuana, nagsaoac, pagbabawianda ti kinadakesda, ibabawicto ti dakes, a pinanunotco nga aramiden cadacuada.

Jeremias 26:13

Ita ngarud baliwanyo dagiti dalanyo ken dagiti aramidyo, ken agtulnogcayo iti timec ni Jehova a Diosyo; ket ni Jehova ibabawinanto ti dakes nga binalicasna a maibusor cadacayo.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 35:16

Agsipud ta dagiti annac ni Jonadab nga anac ni Recab tinungpalda ti bilin ni amada nga imbilinna cadacuada, ngem daytoy nga ili saannac nga impangag;

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Jeremias 6:16

Castoy ti cuna ni Jehova, Agtacdercayo cadagiti daldalan ket cumitacayo, ket damagenyo dagiti daan a dandana, sadino ti yan ti nasayaat a dalan; ket magnacayo idiay, ket macasaraccayo iti inana a maipaay cadagiti cararuayo: ngem isuda kinunada, Saancamto a magna kencuana.

Santiago 4:8

Umadanicayo iti Dios, ket isu umasidegto cadacayo. Dalusanyo dagiti im-imayo, dacayo a managbasol, ket guguranyo dagiti puspusoyo, dacay a nagcaddua ti nakemyo.