Jeremias 6:1 - Ti Biblia (1973)

¹ Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, ket puyotenyo ti tangguyob idiay Tecoa, ket mangipasdeccay iti maysa a pagilasinan idiay Bet-hacerem; ta ti kinadakes cumita manipud iti amianan, ken dackel a pannacarbec.

Ti Baro a Naimbag a Damag Biblia

¹ Tattao ti Benjamin, panawanyo ti Jerusalem! Isalakanyo dagiti bagbagiyo! Puyotenyo ti trumpeta idiay Tekoa! Mangikabilkay iti pagilasinan idiay Bet-hakerem! Adda didigra ken pannakadadael nga aggapu iti amianan.

Jeremias 6:1 Iomraidhean Croise

2 Samuel 14:2

Ni Joab nagbaon idiay Tecua, ket nangala sadiay iti maysa a babai a masirib, ket kinunana kencuana, Agdawatac kenca, nga agindudung-awca, ken agcawesca coma iti cawes a pagpanes, pangngaasim, ket saanca coma nga agsapsapo iti lana, no di ket sica ti cas la maysa a babai a nabayagen a tiempo a sipapanes a gapu iti natay.

2 Cronicas 11:6

Binangonna ti Bet-lehem, Etam, ken Tecoa,

Nehemias 3:14

Ket ti ruangan ti ibleng tinarimaan ni Malkias nga anac a lalaki ni Recab, nga agturay iti sacup ti Bet-haccerem; isu ti binangonna, ken impatacderna dagiti ruanganna, dagiti pamalunetanna, ken dagiti balunetna.

Nehemias 3:5

Ket ti dumna cadacuada tinarimaan dagiti Tecoitas; ngem dagiti natacnengda saanda nga insaad dagiti lengngesda iti aramid ti apoda.

Jeremias 10:22

Ti timec ti damdamag, adtoy, nga umay, ket maysa a dackel a riribuc nga aggapu iti makinamianan a daga, tapno pagbalinenna dagiti il-ili ti Juda a langalang, rukib dagiti aso ti let-ang.

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 4:29

Tunggal ili agtalaw gapu iti daranudor dagiti lallaki a nagcabayo ken lallaki a panaan; mapanda cadagiti casamecan, ken umulida iti rabaw dagiti batbato: tunggal ili mabaybay-an, ket awan ti tao nga agnaed idiay.

Jeremias 6:22

Castoy ti cuna ni Jehova, Adtoy, ti umili umay nga aggapu iti amianan a daga; ket maysa a dackel a nacion mariingto manipud caadayuan a paspaset ti daga.

Amos 1:1

Dagiti sasao ni Amos, isu nga adda idi cadagiti agpaspastor idiay Tecua, isuda a naimatanganna a maipapan iti Israel cadagiti al-aldaw ni Uzias, ari ti Juda, ken cadagiti al-aldaw ni Jeroboam nga anac ni Joas, ari ti Israel, iti dua a tawen iti casangoanan ti gingined.

Amos 3:6

Mapuyotto aya ti tangguyob iti ili ket dinto agbuteng ti ili? Addanto aya pacarigatan iti ili a di inaramid ni Jehova?

Zacarias 6:6

Ti lugan a yan dagiti nangisit a cabayo mapanda iti daga ti amianan; ket dagiti puraw napanda iti malicudanda; ket dagiti moro napanda iti daga ti abagatan.

Josue 15:63

Ket no maipapan cadagiti Jebuseos, a nagnaed iti Jerusalem, dagiti annac ni Juda dida nabalin a pinagtalao ida no di ket ti Jebuseo nakipagnaed cadagiti annac ni Juda idiay Jerusalem inggana itoy nga aldaw.

Uk-ukom 1:21

Ket dagiti annac ni Benjamin saanda a pinagtalao dagiti Jebuseo a nagnaed idi idiay Jerusalem; no di ket ti Jebuseo nakinaed cadagiti annac ni Benjamin idiay Jerusalem agingga iti daytoy nga aldaw.