Jeremias 5:3 - Ti Biblia (1973)

³ O Jehova, saan aya a dagita matam cumitada iti kinapudno? sica sinaplitmo ida, ngem saanda a nasakitan; rinunotmo ida, ngem dida kinayat ti umawat iti panangtubngar; inaramidda dagiti ruprupada a natangtangken, ngem ti bato; dida kinayat ti sumubli.

Ti Baro a Naimbag a Damag Biblia

³ Awan duadua a ti kinapudno ti birbiroken ti Apo. Sinaplitnakayo, ngem saankayo a nangrikna; rinumeknakayo, ngem diyo kayat ti paisuro. Natangken ti uloyo, ket diyo nagpanawan dagiti basolyo.

Jeremias 5:3 Iomraidhean Croise

Genesis 19:34

Ket naaramid nga iti sumono nga aldaw, kinuna ti inauna iti inaudi, Adtoy, idi rabii calman nakicaiddaac ken amac: painumenta manen ala ti arac ita a rabii; ket sumrecca, ken makicaidda kencuana, tapno maitaginayonta ti caputotan ni amata.

1 Ar-ari 13:33

Iti calpasan daytoy a banag ni Jeroboam saan a naglicud iti dakes a dalanna, no di ket nangaramid manen cadagiti amin nga ili cadagiti papadi dagiti nangato a disso: siasinoman a mayat, isu ti inconsagrarna, tapno adda coma idi papadi dagiti nangato a disso.

2 Ar-ari 1:13

Ket imbaonna manen ti capitan ti maicatlo a limapulo agraman limapulona. Ket ti maicatlo a capitan ti limapulo simmang-at, ket immay ket nagparintumeng iti sango ni Elias, ket nagdawat kencuana, ket kinunana, O lalaki ti Dios, agdawatac kenca, ipaaymo coma a ti biagco, ken ti biag dagitoy limapulo nga ad-adipenmo, maipategda coma ita saclangmo.

2 Cronicas 16:9

Ta dagiti mata ni Jehova mapanda nga agsublisubli iti amin a lubong, tapno isu agparang a napigsa a bumadang cadagidiay a ti pusoda napalungdo a maiturong kencuana. Iti daytoy inaramidmo a simamaag; ta manipud ita addanto gubgubatmo.

2 Cronicas 28:22

Ket idi tiempo ti pannacapaldaangna simmalungasing pay laeng a maicaniwas ken Jehova, daytoy met laeng ari Acaz.

Dagiti Salmo 51:6

Adtoy a tarigagayam ti kinapudno cadagiti caungan a paspaset; ket iti caunegan a paset ipacaammomto caniac ti kinasirib.

Dagiti Salmo 51:8

Ipangngegmo caniac ti rag-o ken panagayayat, tapno dagiti tultulang a binungbungtolmo maragsacanda.

Dagiti Salmo 55:20

Inlayatna dagiti im-imana a bumusor cadagiti sicacappia kencuana: rinabngisna ti tulagna.

Dagiti Proverbio 21:29

Ti nadangkes a tao irupangetna ti rupana; ngem no ti nalinteg, patibkerenna dagiti daldalanna.

Dagiti Proverbio 22:12

Dagiti mata ni Jehova salacnibanda ti addaan pannacaammo; ngem rebbekenna dagiti sasao ti nagulib a tao.

Dagiti Proverbio 23:35

Kinabildac, cunaemto, ket saanac a nadunor; binabaotdac, ket diac naricna: caanonto ti panagriingco? Birukecto pay manen.

Dagiti Proverbio 27:22

Uray ngata no begbegem ti maag iti alsong agraman iti al-o a mailaoc iti mabayo a bagas. Nupay casta dinto pumanaw kencuana ti kinamaagna.

Isaias 26:11

Jehova, ti imam maitayag, ket dida pay la makita: ngem makitadanto ti regtam a maipaay cadagiti tattao, ken mababainandanto; wen, ti apuy runawennanto dagiti cabusormo.

Isaias 42:25

Gapuna nga isu ibucbocna kencuana ti kinarungsot ti ungetna, ken ti pigsa ti gubat, ket isu pinasgedna iti aglicmut, ket dina pay inammo; ken isu pinuuranna, ket isu dina pay impapuso.

Isaias 48:4

Agsipud ta ammoc idi a natangkenca, ket ti tengngedmo piskel a landoc, ket ti mugingmo gambang;

Isaias 9:13

Nupay casta dagiti tattao dida simmango iti daydiay kimmabil cadacuada, ket dida met sinapol ni Jehova dagiti buybuyot.

Jeremias 15:7

Ket intaepco ida iti maysa a paypay cadagiti ruangan ti daga; iniccatac ida cadagiti annac, dinadaelco ti ilic; saanda a nagbabawian dagiti dalanda.

Jeremias 17:23

Ngem saanda nga impangag, ket dida met inyallingag ti lapayagda, no di ket pinatangkenda ti teltelda, tapno saanda a macangngeg ken dida maisuro.

Jeremias 19:15

Castoy ti cuna ni Jehova dagiti buybuyot, a Dios ti Israel, Adtoy, iyegconto ditoy nga ili ken iti amin nga il-ilina ti amin a dakes a binalicasco a maibusor kencuana; agsipud ta pinatangkenda ti teltelda, tapno saanda a mangngeg dagiti sasaoc.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Jeremias 3:3

Gapuna a dagiti arbis naipaidamda, ket awan ti maud-udi a tudo; nupay casta adda idi kenca ti muging ti balangcantis, sica dica mabainan.

Jeremias 32:19

Dackel a mamatigmaan, ken mannacabalin iti panagaramid; dagiti matana silulucatda cadagiti amin a daldalan dagiti annac dagiti tattao, tapno mangted iti tunggal maysa ti mayannurot cadagiti dalanna, ken mayannurot iti bunga dagiti aramidna;

Jeremias 35:13

Castoy ti cuna ni Jehova dagiti buybuyot, a Dios ti Israel: Inca, ket saoem cadagiti lallaki ti Juda, ken cadagiti agnaed sadi Jerusalem, Dicayto umawat aya iti pannacasursuro tapno ipangagyo dagiti sasaoc? cuna ni Jehova.

Jeremias 44:10

Saanda a nagpacumbaba agingga itoy nga aldaw, saanda a nagbuteng, dida met nagna iti lintegco, wenno cadagiti ipaalagadco, nga incabilco iti sangoananyo ken iti sangoanan dagiti ammayo.

Jeremias 7:26

Nupay casta saandac nga impangag, wenno intimud ti lapayagda, no di ket pinatangkenda ti teltelda: dimmacdakesda ngem dagidi ammada.

Jeremias 7:28

Ket cunamto cadacuada, Daytoy ti nacion a saan a nangipangag iti timec ni Jehova a Diosda, wenno immawat ti sursuro; ti kinapudno napucawen ken simmina iti ngiwatda.

Jeremias 8:5

Apay ngarud a daytoy nga ili a Jerusalem naglicudda iti agnanayon a panaglicud? cumpetda iti al-lilaw, dida cayat ti agsubli.

Ezekiel 2:4

Ket dagiti annac nasabracda ken nabangadda: siac ibaonca cadacuada; ket cunamto cadacuada, Castoy ti cuna ni Apo Jehova.

Ezekiel 24:13

Iti kinarugitmo isu ti derrep: agsipud ta dinalusanca ket saanca a nadalusan, saancanto a madalusanen iti rugitmo, agingga iti pagsardengec ti pungtotco kenca.

Daniel 9:13

Cas adda a naisurat iti linteg ni Moises, amin daytoy a kinadakes immay cadacami: ngem dicami pay nagdawat iti parabur ni Jehova a Diosmi, tapno agbabawicami coma cadagitikinadangkesmi, ken adda coma cadacami ti pannacaamiris iti kinapudnom.

Levitico 26:23

Ket no gapu cadagitoy, dicayto la cayat ti mabagbagan caniac no di ket magnacayto laeng iti maibusor caniac;

Amos 4:10

Impawitco cadacayo ti panagangol a cas di casasaad ti Egipto: pinapatayco iti campilan dagiti agtutuboyo a lallaki, ket kinayawac dagiti cabayoyo; ket insacnapco ti buyoc iti pagpacarsoanyo inggana cadagiti agongyo, cascasdi a saancayo laeng a nagsubli caniac, cuna ni Jehova.

Amos 4:11

Dinadaelco dagiti il-ili cadacayo, a cas idi ti Dios dinadaelna ti Sodoma ken Gomorra, ket cascayo la aluten a naiccat iti pagpuuran: cascasdi a dicayo nagsubli caniac, cuna ni Jehova.

Amos 4:6

Castamet a siac intedco cadacayo ti kinadalus dagiti ngipen cadagiti amin a il-iliyo, ken panagcurang ti tinapay cadagiti amin a dissoyo; nupay casta dicayo nagsubli caniac, cuna ni Jehova.

Amos 4:8

Iti casta dua wenno tallo nga il-ili nagal-laal-lada iti maysa nga ili nga uminum iti danum, ket saanda a napnec: cascasdi a dicayo nagsubli caniac, cuna ni Jehova.

Amos 4:9

Kinabilcayo babaen ti eppes ken buut: dagiti adu a minuyunganyo ken dagiti cauvasanyo ken dagiti cahigosanyo ken dagiti caolivoanyo kinnan ida ti dudon: cascasdi a dicayo nagsubli caniac, cuna ni Jehova.

Sofonias 3:7

Kinunac, Isuna laeng nga agbutengca caniac; umawatca iti panangisuro, iti casta ti pagnaedanna dinto mapucaw; a mayalubog iti amin nga inkeddengco a maipapan kencuana: ngem timmacderda a nasapa ket pinadakesda dagiti amin nga aramidda.

Taga-Roma 2:2

Ket ammotayo a ti panangocom ti Dios a maibusor cadagiti agaramid cadagiti cacasta a banbanag isu ti mayannurot iti pudno.

Hebreo 12:9

Ket maysa pay, adda amma ti lasagtayo, isuda a nangdusa cadatayo, ket nagraemtayo cadacuada; dinto nangnangrona a paiturayantayo iti Ama dagiti carcararua, ket agbiagtayo?