Jeremias 48:7 - Ti Biblia (1973)

⁷ Gapu ta nagtalecca cadagiti aramidmo ken cadagiti gamengmo, sica maalacanto met ket ti Cemos mapanto iti pannacacayaw, dagiti papadi ken dagiti piprincipena maicanunongdanto.

Ti Baro a Naimbag a Damag Biblia

⁷ “Moab, nagtalekka idi iti pigsa ken kinabaknangmo, ngem uray sika maipanawkanto. Maitalawto ni Kemos a didiosen, agraman dagiti prinsipe ken papadina.

Jeremias 48:7 Iomraidhean Croise

2 Samuel 5:21

Ket nabatida idiay dagiti ladladawan: ket ni David ken dagiti lallakina impanawda ida.

1 Ar-ari 11:33

Agsipud ta isuda binaybay-andac, ket nagrucbabda ken ni Astarot a babai a diosen dagiti Sidonios, ken ni Cemos a diosen ti Moab, ken ni Milcom a diosen dagiti annac ni Ammon: ket isuda saanda a nagna cadagiti daldalanco, tapno aramidenda ti nalinteg cadagiti matmatac, ken tapno salimetmetanda dagiti ipapaalagadco ken dagiti linlintegco, a cas inaramid ni David nga amana.

1 Ar-ari 11:7

Iti casta ni Salomon namutar iti maysa a nangato a disso a maipaay ken Cemos ti kinarimon ti Moab, iti bantay nga adda iti sango ti Jerusalem, ken maipaay ken Moloc ti kinarimon dagiti annac ni Ammon.

Dagiti Salmo 40:4

Bendito ti tao a pagbalinenna a pagcammatalcanna ni Jehova, ket saanna a pagraeman ti natangsit, casta met dagiti agturong cadagiti ululbod.

Dagiti Salmo 52:7

Ni, daytoy isu ti tao a dina pinagbalin ti Dios a pigsana, ngem nagtalec ketdi iti caadu dagiti kinabacnangna, ken pinagbilbilegna ti bagina iti kinadangkesna.

Jeremias 13:25

Daytoy ti gasatmo, ti apag a naituding kenca a naggapu caniac, cuna ni Jehova; agsipud ta linipatannac, ken nagtalecca iti kinaulbod.

Jeremias 43:12

Ket pasgedacto ti apuy cadagiti balbalay dagiti diosen ti Egipto; ket puurannanto ida, ket ipannanto ida a nacayawan: ket cawesannanto ti bagina met laeng iti daga nga Egipto, cas la iti panagcawes ti maysa a pastor; ket rumuarto sadiay a sitatalna.

Jeremias 48:13

Ket ti Moab mabainto gapu iti Cemos, a cas ti balay ni Israel nabainan iti Beth-el a pagtalcanda.

Jeremias 48:46

Asica pay, O Moab! dagiti tattao ti Cemos napucawda; ta dagiti annacmo a lallaki maalada a macayawan, ken dagiti annacmo a babbai iti pannacacayaw.

Jeremias 49:3

Agdung-awca, O Hesbon, ta ti Ar marba; agickiscayo, dacayo annac a babbai ti Rabba, agbarikescayo iti nakersang a lupot: agunnoycayo ket agtaraycayo nga agal-laal-la iti nagtengngaan dagiti al-alad; ta ti Malcam macayawanto, agraman dagiti papadina ken piprincipena.

Jeremias 49:4

Apay nga agragsacca cadagiti lobong, ti agay-ayus a lobongmo, O managlicud nga anac a babai? nga agtalec cadagiti gamengna, a cunana, Asino ti umayto caniac?

Jeremias 9:23

Castoy ti cuna ni Jehova, Ti masirib a tao saan coma nga agpasindayag iti siribna, ket ti nabileg a tao saan met coma nga agpasindayag iti bilegna, ti nabacnang a tao saan coma nga agpasindayag cadagiti kinabacnangna;

Oseas 10:13

Nagaradocayo iti kinadakes, naganicayo iti kinadangkes; kinnanyo ti bunga dagiti ul-ulbod; ta sica nagtalecca iti dalanmo, iti caadu dagiti nabileg a tattaom.

Numero 21:29

Moab, ay-ayca pay: Sica, O ili ti Cemos, nawarawaracan: isu intedna dagiti annacna a lallaki cas tumatalaw, ken dagiti annacna a babbai iti pannacacayaw, ken Sehon nga ari dagiti Amorreo.

1 Timoteo 6:17

Cadagiti nabacnang itoy lubong ibilinmo cadacuada a dida agtangtangsit, ket dida met imaldit ti inanamada cadagiti kinabacnang a pagduaduaan, no di ket iti Dios. Isu a mangted cadatayo iti nawadwad cadagiti isu-amin a pagnam-ayantayo;

Paltiing 18:7

No casano ti panagpasindayagna ken panagbuslonna cadagiti ragragsac casta ti itedyo a tuoc ken sangsangit, ta isu cunana iti pusona: Naisaadac a reina, ken saanac a balo, ket uray caano diacto aglac-am ti ladingit.

Uk-ukom 11:24

Dicanto tagicuaen daydiay a ni Cemos a diosmo itedna kenca a tagicuaem? iti casta ngarud tagicuaenmi amin daydiay a namagtalaoan ni Jehova a Diosmi iti sangoananmi.