Jeremias 48:12 - Ti Biblia (1973)

¹² Gapuna adtoy, dagiti al-aldaw dumtengda, cuna ni Jehova, tapno ibaonco kencuana dagiti mangibungobong, ket isu ibungobongdanto; ket pagongaongendanto dagiti al-alicamenna, ket burakendanto dagiti gorgorita.

Ti Baro a Naimbag a Damag Biblia

¹² “Ngem, dumtengen ti tiempo a panangibaonko kadagiti tattao a mangibukbok iti Moab a kasla arak. Ipakbodanto amin ti arak ket burakburakenda pay dagiti burnay a nagyananna.

Jeremias 48:12 Iomraidhean Croise

Dagiti Salmo 2:9

Rumekemto ida iti pang-or a landoc; burakemto ida a casla banga ti agdamdamili.

Isaias 16:2

Ta isunto, cas cadagiti agtawtawataw a tumatayab, a cas mawarawara nga umoc, castadanto dagiti annac a babbai ti Moab cadagiti ballasiwan ti Arnon.

Isaias 30:14

Ket isu maburacto a cas pannacaburac ti maysa a caramba ti agdamdamili, nga isu ti burakenna nga awan ti mailiclic; iti casta nga awan ti masaracanto cadagiti narumec a maysa a tipping isu a pangala iti apuy iti dalican, wenno pangtaco iti danum iti tangke.

Jeremias 14:3

Ket dagiti natan-ocda ibaonda dagiti babaonenda cadagiti dandanum: umayda cadagiti tangke, ket dida macasarac iti danum; agawidda nga awan agyan cadagiti alicamenda; nabainanda ken nariribucda ket abbonganda dagiti oloda.

Jeremias 19:10

Calpasanna buongemto ti gorgorita iti imatang dagiti lallaki a makicuyog kenca,

Jeremias 25:34

Agdung-awcayo, dacayo a paspastor, ken agsangitcayo; ket lumumlumcayo iti dapo, dacayo cangronaan ti arban; ta dagiti al-aldaw ti pannacapapatayyo ken ti pannacaiwarayo dimtengen, ket matnagcayto a cas nacaayayo a dinamili.

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 48:11

Ti Moab adda a sinanam-ay nanipud iti kinaubingna, ket adda a sitataeng iti rabaw dagiti arinsaedna, ket saan a naibungobong a manipud iti alicamen iti sabali nga alicamen, saan met a nacayawan: gapuna a ti nanamna agtaeng kencuana, ken ti banglona saan a mabaliwan.

Jeremias 48:13

Ket ti Moab mabainto gapu iti Cemos, a cas ti balay ni Israel nabainan iti Beth-el a pagtalcanda.

Jeremias 48:15

Ti Moab marban, ket simmang-atdan cadagiti il-ilina, ket dagiti napili a lallakina nga agtutubo simmalogdan iti pacapatayan, cuna ti Ari, a ti naganna Jehova dagiti buybuyot.

Jeremias 48:38

Cadagiti toctoc dagiti amin a balbalay ti Moab ken cadagiti lansanganna adda un-unnoy iti amin a yan; ta binuraccon ti Moab a cas maysa nga alicamen a saan a macaayayo iti siasinoman, cuna ni Jehova.

Jeremias 48:8

Ket ti mangdadael dumtengto iti tunggal ili, ket awanto ti ili a macalisi; ti lobong met agpucawto, ket ti tanap madadaelto; a cas sinao ni Jehova.

Nahum 2:2

Ta ni Jehova pabaroenna ti kinatan-oc ni Jacob, a cas ti kinatan-oc ti Israel, ta dagiti agibuybuyat imbuyatda ida, ket dinadaelda dagiti santac ti uvasda.