Jeremias 47:3 - Ti Biblia (1973)

³ Gapu iti daranudor ti panagbaddec dagiti cuco dagiti maingel, gapu iti dalagudug dagiti luganna, gapu iti caraducud dagiti pilidna, dagiti amma dida tumaliaw cadagiti annacda a gapu iti kinacapuy dagiti imada;

Ti Baro a Naimbag a Damag Biblia

³ Mangngegdanto ti dalagudog dagiti kabalio, ti karadakad dagiti luglugan a pakigubat dagiti ranitrit dagiti pilpilid. Saanto a sublien dagiti amma dagiti annakda, gapu ta agsalupaypay dagiti imada.

Jeremias 47:3 Iomraidhean Croise

Isaias 5:28

A dagiti panada natarumamis, ken sibibiat dagiti ba-ida; ket dagiti cuco dagiti cabayoda maibilangdanto a cas la pamulinawen, ken dagiti pilid dagiti lugluganda cacasda la maysa nga alawig:

Jeremias 46:9

Dumucloscayo, dacayo cabayo; ket agrungsotcayo, dacayo lugan; ket dagiti mamaingel a tattao magnada coma; da Cus ken Put, nga agiggem iti calasag; ken dagiti Ludim a mangiggem ken mangbiat iti ba-i.

Jeremias 50:42

Agiggemda iti ba-i ken pica; nadawelda, ket awan ti asida; ti timecda agungor a cas iti baybay; ket agsacayda cadagiti cabayo, tunggal maysa sioornos a cas ti tao iti gubat, a maibusor kenca, O anac a babai ti Babilonia.

Jeremias 8:16

Ti banang-es dagiti cabayona nangngeg nanipud iti Dan: gapu iti uni ti garaigi dagiti nabilegna ti amin a daga agkintayeg; ta immayda, ket linamutda ti daga ken amin nga adda kencuana; ti ili ken dagiti agnaed idiay.

Ezekiel 23:24

Ket umaydanto a bumusor kenca nga adda ig-igamda, luglugan, ken bagbagon, ken agraman cacuyogan dagiti il-ili; isuda agiintardanto a maibusor kenca iti aglicmut agraman sarapa ken kalasag ken cabal ti olo: ket yawatconto ti panangocom cadacuada, ket isuda ocomendacanto a cas mayannugot cadagiti panangocomda.

Nahum 2:4

Dagiti luglugan agpeggesda cadagiti daldalan; agtarayda cadagiti nalawa a daldalan; nga agsublisubli: ti langada cas la cadagiti aluten a sidadarang; agtarayda a cas la kimat.

Nahum 2:8

Ngem ti Ninive nanipud idi ugma isu cas la ban-aw ti danum: nupay casta agtalawda. Aginteccayo, aginteccayo, ipuccawda; ngem awan ti tumaliaw a cumita.

Paltiing 9:9

Ket adda cabalda, a cas la cabal a landoc; ket ti daranudor dagiti paypayacda cas la iti daranudor dagiti luglugan ken dagiti adu a cabcabayo, a sisisiglat a simbrec iti gubat.

Uk-ukom 5:22

Idin dagiti cuco dagiti cabcabayo nagpadacpadacda a gapu iti panagburang-it, dagiti panagburang-it dagiti mamaingelda.