Jeremias 4:9 - Ti Biblia (1973)

⁹ Ket maaramidto iti dayta nga aldaw, cuna ni Jehova, a ti puso ti ari marunawto, ken ti puso dagiti piprincipe; ken dagiti papadi masdaawdanto, ket dagiti mammadto aglagawdanto.

Ti Baro a Naimbag a Damag Biblia

⁹ Kinuna ti Apo, “Iti dayta nga aldaw, tumakrotto dagiti ari ken dagiti ofisiales. Makigtotto dagiti papadi ken maikulengto dagiti profeta.”

Jeremias 4:9 Iomraidhean Croise

2 Ar-ari 25:4

Idin maysa a gutbaw ti naaramid iti ili, ket isu-amin dagiti lallaki ti gubat nagtalawda iti rabii iti dalan ti ruangan nga adda idi iti nagbaetan dagiti dua a bacud, nga adda idi iti denna ti minuyungan ti ari (dagiti Caldeos addada a nailicmut a maibusor iti ili); ket di ari napan iti dalan ti Araba.

Dagiti Salmo 102:4

Ti pusoc makeltay a casla root, ket malaylay; ta malipatac ti mangan iti tinapayco.

Isaias 19:16

Iti dayta nga aldaw dagiti lallaki ti Egipto casladanto la babbai; ket agpigergerdanto ken agbutengdanto iti panaggungon ti ima ni Jehova dagiti buybuyot, isa a pangbusorna cadacuada.

Isaias 19:3

Ket ti espiritu ti Egipto maawanto iti tengngana; ken dadaelecto ti pinanggepda: ket umumandanto cadagiti didiosen, ken cadagiti bagbaglanda, ken cadagiti mangnganito, ken cadagiti mammuyon.

Isaias 28:19

Cas iti masansan nga ilalasatna, alaennacayto; ta biniganbigat a lumasatto, iti aldaw ken iti rabii: ket awanto sabali no di laeng ti kigtot a macaawat iti paibaga.

Jeremias 2:26

Cas iti pannacabain ti mannanacaw no masucalan, castamet ti pannacabain ti balay ti Israel; isuda, dagiti ar-arida, piprincipeda, papadida, ken dagiti mammadtoda;

Jeremias 25:34

Agdung-awcayo, dacayo a paspastor, ken agsangitcayo; ket lumumlumcayo iti dapo, dacayo cangronaan ti arban; ta dagiti al-aldaw ti pannacapapatayyo ken ti pannacaiwarayo dimtengen, ket matnagcayto a cas nacaayayo a dinamili.

Jeremias 37:19

Sadino ti yan dagiti mammadtoyo a nagpadtoda cadacayo, a kinunada, Ti ari ti Babilonia dinto umay a maibusor cadacayo, wenno maibusor itoy a daga?

Jeremias 48:41

Ti Keriot maala, ken dagiti sarikedked maparucmada, ket ti puso dagiti mannacabalin a lallaki ti Moab iti dayta nga aldaw caslanto iti puso ti maysa a babai iti panagpasicalna.

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Jeremias 52:7

Idin maysa a gutbaw naaramid iti ili, ket amin a lallaki ti gubat nagtalawda, ket rimmuarda iti ili iti rabii iti dalan ti ruangan iti nagbaetan dagiti dua a bacud, nga adda idi iti denna ti minuyungan ti ari (dagiti Caldeos maibusorda idi iti ili iti aglicmut); ket nagpa-Arabada.

Dagiti Aramid 13:41

Kitaenyo, dacayo a managuyaw; ket agsiddaawcayo ket mapucawcayo; Ta aramidec ti maysa nga aramid cadagiti aldawyo. Maysa nga aramid a dicayto patien uray caanoman no adda mangsarita iti daytoy cadacayo.