Jeremias 4:8 - Ti Biblia (1973)

⁸ Gapu itoy agbarikescayo iti nakersang a lupot, agunnoycayo ken agdung-awcayo; ta ti narungsot a pungtot ni Jehova saan a simmina cadatayo.

Ti Baro a Naimbag a Damag Biblia

⁸ Isut' gapuna nga agkaweskay iti nakersang a lupot; agsangit ken agdung-awkayo agsipud ta gumilgil-ayab pay laeng ti pungtot ti Apo iti Juda.

Jeremias 4:8 Iomraidhean Croise

Dagiti Salmo 78:49

Impalladawna met cadacuada ti kinarungsot ti pungtotna, rurod, ken gura, ken riribuc, bunggoy ti espiritu a dakes.

Isaias 10:4

Agrucnoydanto laeng cadagiti balud, ken mapasagdanto iti babaen dagiti natay. Ta gapu amin daytoy ti pungtotna saan a pimmanaw, no di ket ti imana adda a silalayat pay laeng.

Isaias 13:6

Agdung-awcayo; ta ti aldaw ni Jehova dumteng; cas iti pannacadadael nga aggapu iti Mannacabalin-amin umayto.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Isaias 32:11

Agpigergercayo, babai nga addaan nam-ay; maringgorancayo, dacayo a naliway; agucsobcayo, ken aglamolamocayo, ket barikesanyo iti lupot a nakersang dagiti lomoyo.

Isaias 5:25

Gapuna a ti pungtot ni Jehova simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.

Isaias 9:12

Dagiti Sirios iti sangoanan, ken dagiti Filisteos iti licudan; ket alun-unendanto ti Israel iti nacanganga a ngiwat. Ta gapu amin daytoy ti pungtotna di pay pimmanaw, no di ket ti imana silalayat pay laeng.

Isaias 9:17

Gapuna a ti Apo saannanto a pagragsacan dagiti agtutubuda a tattao, ket dinto sumnec ti asina cadagiti ululilada ken babbaloda a babbai; ta tunggal maysa managtabbaaw, ket managdacdakesda, ken tunggal ngiwat agsao iti kinamaag. Ta gapu amin daytoy ti pungtotna di pay naiccat, no di ket ti imana adda a silalayat pay laeng.

Isaias 9:21

Ti Manases iti Efraim; ket ti Efraim iti Manases; ket isuda agtipondanto a bumusor iti Juda. Ta gapu amin daytoy ti pungtotna saan a pimmanaw, no di ket ti imana adda a silalayat pay laeng.

Jeremias 25:34

Agdung-awcayo, dacayo a paspastor, ken agsangitcayo; ket lumumlumcayo iti dapo, dacayo cangronaan ti arban; ta dagiti al-aldaw ti pannacapapatayyo ken ti pannacaiwarayo dimtengen, ket matnagcayto a cas nacaayayo a dinamili.

Jeremias 30:24

Ti narungsot a pungtot ni Jehova saanto nga agsubli, agingga iti maaramidna, ken agingga iti malpasna dagiti pinanggep ti pusona: cadagiti ud-udina nga aldaw maawatanyonto daytoy.

Jeremias 48:20

Ti Moab mabainan, ta marugpo: agdung-awcayo ken agickiscayo; ibagayo iti denna ti Arnon, a ti Moab marban.

Jeremias 6:26

O anac a babai ti ilic, agbarikesca iti nakersang a lupot, ket lumumlumca cadagiti dapdapu: agladingitca, a cas maipaay iti bugbugtong nga anac a lalaki, ti casaeman nga ununnoy; ta ti managdadael umayto a pettat cadatayo.

Dungdung-aw 1:12

Awan ti aniaman aya cadacayo, dacayo amin a lumabas? Adtoy, ket kitaem no adda aniaman a ladingit a mayasping iti ladingitco, a dimteng caniac, isu a pinangdusa ni Jehova caniac idi aldaw ti nacaro a pungtotna.

Ezekiel 21:12

Umawagca ket agdung-awca, anac ti tao; ta isu maibusor iti ilic, cadagiti amin a piprincipe ti Israel: isuda dagiti mayawat iti campilan agraman ti ilic; cabilem ngarud ti luppom.

Ezekiel 30:2

Anac ti tao, agipadtoca, ket cunaem, Castoy ti cuna ni Apo Jehova: Agdungawcayo, Ilala pay ti aldaw.

Joel 1:13

Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Amos 8:10

Pagbalinecto dagiti rambacyo a dung-aw, ket dagiti cantayo, nga un-unoy; icabilconto cadagiti amin a lomoyo ti lupot a nakersang, ken calvo iti amin nga oloyo; ket aramidecto a cas pagleddaangan iti bugbugtong nga anac, ket iti gibusna cas maysa nga aldaw a napait.

Mikias 1:16

Agcalvoca, ken agpukisca a maipuon cadagiti annac ti ragsacmo: palawaem ti calvom a cas iti aguila; ta pinanawandaca ket napanda iti pannacacayaw.

Numero 25:4

Ket ni Jehova kinunana ken Moises, Alaem amin a pangpangolo ti ili, ket ibitaymo ida a maipaay ken Jehova iti sango ti init, tapno ti narungsot nga unget ni Jehova lumiclic iti Israel.