Jeremias 4:7 - Ti Biblia (1973)

⁷ Maysa a leon simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga awan ti agnaed.

Ti Baro a Naimbag a Damag Biblia

⁷ Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Jeremias 4:7 Iomraidhean Croise

2 Ar-ari 24:1

Cadagidi al-aldawna ni Nabucodonozor nga ari sadi Babilonia simmang-at, ket ni Joacim nagbalin nga adipenna bayat iti tallo a tawen: sa nagsubli ket immalsa a maibusor kencuana.

2 Ar-ari 25:1

Ket naaramid idi iti maicasiam a tawen ti panagarina, idi bulan a maicasangapulo, iti maicasangapulo nga aldaw ti bulan, a ni Nabucodonozor nga ari ti Babilonia immay agraman amin a buyotna a maibusor iti Jerusalem, ket nagpacarsoda a maibusor kencuana; ket namangonda a maibusor kencuana cadagiti sarsarikedked nga agliclicmut.

Isaias 1:7

Ti dagayo aglangalang: dagiti il-iliyo naururamda iti apuy; ti dagayo isu ti alun-unen dagiti gangannaet iti saclangyo, ket aglangalang, a cas narbec gapu cadagiti sangsangaili.

Isaias 5:9

Iti lapayagco cuna ni Jehova dagiti buybuyot, Iti kinapudnona, adu a balbalay ti agongaongto, uray no dackel ken nasayaat, awanto ti agnaed kencuana.

Isaias 6:11

Idin kinunac, Apo, casano aya ti cabayagna? Ket isu simmungbat, Agingga iti maracrac dagiti il-ili nga awan matagtagitao, ken dagiti balbalay nga awan tattaoda, ken ti daga aglangalang a maikisap.

Jeremias 2:15

Dagiti urbon dagiti leon nagungorda kencuana ken nagugada; ket pinagbalinda ti dagana a langalang; nauram dagiti il-ilina, awan ti agnaed cadacuada.

Jeremias 22:6

Ta castoy ti cuna ni Jehova maipapan iti balay ti ari ti Juda: Sica ti Galaad caniac ken ti olo ti Libano; nupay casta aramidencanto a di bumurong a maysa a let-ang ken il-ili nga awan agnaed.

Jeremias 22:7

Ket mangisaganaacto cadagiti managdadael a maibusor kenca, tunggal maysa agraman cadagiti igamna; ket pucanendanto dagiti napili a cantingenmo, ket ipurruacda ida iti apuy.

Jeremias 25:38

Pinanawanna ti paglemmenganna, a cas ti leon; ta ti daga nagbalin a langalang a gapu iti rungsot ti mangirurumen a campilan, ken gapu iti narungsot nga ungetna.

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 26:9

Apay a nangipadtoca iti nagan ni Jehova, a kinunam, Daytoy a balay caslanto iti Silo, ket daytoy nga ili langalangto, nga awan ti agnaed? ket amin nga umili naurnong ken Jeremias iti balay ni Jehova.

Jeremias 27:8

Ket maaramidto a ti nacion ken ti pagarian a dinto agservi ken naisao a Nabucodonosor nga ari ti Babilonia, ken saanto a mangisaad iti tengngedda iti baba ti sangol ti ari ti Babilonia, dayta a nacion dusaecto, cuna ni Jehova, babaen ti campilan, iti bisin, ken iti angol, agingga iti maibusco ida babaen ti imana,

Jeremias 33:10

Castoy ti cuna ni Jehova: Mangngeganto manen ditoy a disso a pagcunaanyo, nga isu langalang, awan ti tao ken awan ti animal, cadagiti met laeng il-ili ti Juda, ken cadagiti lansangan nga awan ti tao idiay Jerusalem, isuda a langalang, ken awan ti agned ken awan ti animal.

Jeremias 34:22

Adtoy, agbilinacto, cuna ni Jehova, ket pasubliecto ida iti daytoy nga ili; ket gumubatdanto a maibusor kencuana, ket isu alaendanto, ket puurandanto iti apuy: ket pagbalinecto dagiti il-ili ti Juda a langalang, nga awan ti matagtagitao.

Jeremias 4:29

Tunggal ili agtalaw gapu iti daranudor dagiti lallaki a nagcabayo ken lallaki a panaan; mapanda cadagiti casamecan, ken umulida iti rabaw dagiti batbato: tunggal ili mabaybay-an, ket awan ti tao nga agnaed idiay.

Jeremias 44:2

Castoy ti cuna ni Jehova dagiti buybuyot, a Dios ti Israel: Nakitayon ti amin a dakes nga inyegco iti Jerusalem, ken cadagiti il-ili ti Juda; ket, adtoy, daytoy nga aldaw langalangda, ket awan ti tao nga agnaed cadacuada,

Jeremias 46:18

Cas sibibiagac, cuna ti Ari, a ti naganna Jehova dagiti buybuyot, pudno a cas Tabor iti nagbaetan dagiti banbantay, ken cas Carmelo iti denna ti baybay, casta ti umayto.

Jeremias 49:19

Adtoy, sumang-atto a cas la leon manipud iti kinalabiang ti Jordan: a maibusor iti nalagda a pagnaedan: ta pagtarayecto ida a pettat nga aggapu kencuana; ket siasino ti mapili, daydiay dutocacto iti ngatoenna: ta siasino ti cas caniac? ket siasino ti mangikeddeng caniac iti maysa a pannawen? ket siasino ti pastor nga agtacderto iti sangoc?

Jeremias 5:6

Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Jeremias 50:17

Ti Israel maysa a carnero a maanupan; isu pinagtalaw dagiti leon; umuna ti ari ti Asiria ti nangalun-un kencuana; ket iti camaudiananna ni Nabucodonosor nga ari ti Babilonia tinuccolna dagiti tultulangna.

Jeremias 50:44

Adtoy, ti cabusor sumang-atto a cas leon nga aggapu iti kinalabiang ti Jordan a maibusor iti nalagda a pagnaedan: ta pagtarayecto ida a pettat nga aggapu kencuana; ket ti siasinoman a mapili daydiay dutocacto iti ngatoenna; ta siasino ti cas caniac? ket siasino ti mangikeddeng caniac ti maysa a pannawen? ket siasino ti pastor a macatacder iti sangoc?

Jeremias 8:16

Ti banang-es dagiti cabayona nangngeg nanipud iti Dan: gapu iti uni ti garaigi dagiti nabilegna ti amin a daga agkintayeg; ta immayda, ket linamutda ti daga ken amin nga adda kencuana; ti ili ken dagiti agnaed idiay.

Jeremias 9:11

Ket pagbalinecto ti Jerusalem a gabgabsuon, gucayab dagiti aso ti let-ang; ket pagbalinecto dagiti il-ili ti Juda a langalang, nga awan ti agnaed.

Ezekiel 12:20

Ket dagiti il-ili nga adda agnaed cadacuada maracracdanto, ket ti daga langalangto; ket mabigbigyonto a siac ni Jehova.

Ezekiel 21:31

Ket ibuyatconto ti ungetco kenca; puyotanca iti apuy ti pungtotco; ket yawatcanto iti ima dagiti nasabrac a lallaki a nalaing a mangdadael.

Ezekiel 32:2

Anac ti tao, agunnoyca maipuon ken ni Faraon nga ari ti Egipto, ket cunaem kencuana, Sica naiyaspingca iti maysa a urbon a leon dagiti nasnacion; nupay casta sica casca la maysa nga olimaw cadagiti baybay; ket rimmuarca cadagiti carayanmo, ket kiniburmo dagiti dandanum iti sacam, ket linibegmo dagiti carcarayanda.

Daniel 5:19

Ket gapu iti kinatan-oc nga intedna kencuana, amin dagiti il-ili, nasnacion, ken pagsasao nagpigerger ken nagbutengda iti saclangna: dagiti kinayatna pinatayna, ket dagiti kinayatna binayanna nga agbiag; dagiti kinayatna intan-ocna, ket dagiti kinayatna impababana.

Daniel 7:4

Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Levitico 26:31

Ket pagbalinnecto a langalang dagiti il-iliyo, ket pagwalangwalangecto dagiti sansantuarioyo, ket diacto met say-upen ti banglo dagiti sayamusomyo.

Levitico 26:33

Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.