Jeremias 4:6 - Ti Biblia (1973)

⁶ Mangipasdeccayo iti maysa a wagayway iti agturong idiay Sion: agtalawcayo tapno mailisicayo, dicayo agtactac; ta iyegconto ti dakes manipud iti amianan, ken maysa a dackel a pannacadadael.

Ti Baro a Naimbag a Damag Biblia

⁶ Mangipasdekkay iti bandera iti dalan nga agpa-Sion. Agpaknikayo! Dikay agtaktak! Adda didigra ken adu a panagdadael a yeg ni Yahweh manipud iti amianan.

Jeremias 4:6 Iomraidhean Croise

Isaias 62:10

Sumreccayo, sumreccayo cadagiti ruruangan; saganaenyo ti dalan ti ili; gaburanyo, gaburanyo ti dalan; iccatenyo dagiti batbato; mangibayog cayo iti wagayway a maipaay cadagiti il-ili.

Jeremias 10:22

Ti timec ti damdamag, adtoy, nga umay, ket maysa a dackel a riribuc nga aggapu iti makinamianan a daga, tapno pagbalinenna dagiti il-ili ti Juda a langalang, rukib dagiti aso ti let-ang.

Jeremias 18:11

Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.

Jeremias 21:7

Ket calpasanna, cuna ni Jehova, iyawatconto ni Sedekias nga ari ti Juda, ken dagiti adipenna, ken ti umili, dagidiay natidda iti daytoy nga ili calpasan iti angol, iti campilan, ken iti bisin, iti ima ni Nabucodonosor nga ari ti Babilonia, ken iti ima dagiti cabusorda, ken iti ima dagiti mangsapul iti biagda: ket cabilennanto ida iti tadem ti campilan; awanto ti labsanna cadacuada, ket awan met ti ilalana, wenno caasina.

Jeremias 22:7

Ket mangisaganaacto cadagiti managdadael a maibusor kenca, tunggal maysa agraman cadagiti igamna; ket pucanendanto dagiti napili a cantingenmo, ket ipurruacda ida iti apuy.

Jeremias 25:9

Adtoy, mangibaonacto ket alaec amin dagiti familia manipud iti amianan, cuna ni Jehova, castamet ken Nabucodonosor nga, ari ti Babilonia, nga adipenco, ket iyegconto ida a maibusor ditoy a daga ken maibusor, cadagiti agnaed kencuana, ken maibusor cadagiti amin a nacion iti aglicmut, ket pucawecto ida a maikisap ket aramidecto ida a pagsiddaawan, ken pagsanamtican, ken agnanayon a langalang.

Jeremias 4:21

Casano ti cabayag ti pannacakitac ti wagayway ken panangdengngeg ti uni ti tangguyob?

Jeremias 50:2

Ipalawagyo cadagiti nasnacion ket iwarragawagyo, ket ipatacderyo ti wagayway, iwarasyo ket dicayo ilimed: cunayo, Ti Babilonia naalan, ni Bel mabainan, ni Merodac agcullayaw; dagiti ladawanna a kinitikitan mabainanda, dagiti diosenna agcullayawda.

Jeremias 50:22

Maysa a daranudor ti gubat adda iti daga, ken iti dackel a pannacadadael.

Jeremias 51:12

Ibayogyo ti maysa a wagayway a maibusor cadagiti bacud ti Babilonia, papigsaenyo ti agbantay, isaganayo dagiti agbantay isaganayo dagiti pagsaneban; ta ni Jehova pinanggepna ken inaramidna met ti insaona, iti maipapan cadagiti agnaed idiay Babilonia.

Jeremias 51:27

Ipatacderyo ti wagayway iti daga, pagunienyo ti tangguyob iti tengnga dagiti nasnacion, isaganayo dagiti nasnacion a maibusor kencuana, paguornongenyo a maibusor kencuana dagiti pagpagarian ti Ararat, Minni, ken Askenaz: pilienyo ti maysa a capitan a maibusor kencuana; pasang-atenyo dagiti cabcabayo a cas iti naranggas a lucton.

Jeremias 51:54

Ti aweng ti dir-i manipud Babilonia, ken daranudor ti dackel a pannacadadael a naggapu iti daga dagiti Caldeos.

Jeremias 6:1

Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, ket puyotenyo ti tangguyob idiay Tecoa, ket mangipasdeccay iti maysa a pagilasinan idiay Bet-hacerem; ta ti kinadakes cumita manipud iti amianan, ken dackel a pannacarbec.

Jeremias 6:22

Castoy ti cuna ni Jehova, Adtoy, ti umili umay nga aggapu iti amianan a daga; ket maysa a dackel a nacion mariingto manipud caadayuan a paspaset ti daga.

Ezekiel 9:1

Idin isu nagickis cadagiti pagdengngegco iti natbag a timec, a kinunana, Paasitgenyo ida dagiti agaywan iti ili tunggal tao siiiggem iti igamna a panggubat.

Ezekiel 9:2

Ket adtoy, a dagiti innem a lallaki naggapuda iti dalan ti nangatngato a ruangan, a simmango iti amianan, tunggal maysa siiiggem iti igamna a pagpatay; ket maysa a lalaki iti tengngada nacacawes iti lienzo, nga adda pagtinteroan ti mannurat iti siketna. Ket simrecda, ket nagtacderda iti arpad ti altar a gambang.

Sofonias 1:10

Ket iti daydiay nga aldaw, cuna ni Jehova, addanto anabaab ti anug-og nga aggapu iti ruangan ti ican, ken dung-aw nga aggapu iti maicadua a paset, ken dackel a daranudor nga aggapu cadagiti turturod.

Zacarias 6:6

Ti lugan a yan dagiti nangisit a cabayo mapanda iti daga ti amianan; ket dagiti puraw napanda iti malicudanda; ket dagiti moro napanda iti daga ti abagatan.