Jeremias 4:4 - Ti Biblia (1973)

⁴ Agcugitcayo ken Jehova, ket iccatenyo ti makinrabaw a cudil ti pusoyo, dacayo lallaki ti Juda ken agnaed ti Jerusalem; di la ket ta ti pungtotco rumuar a cas apuy, ket aguram nga awan ti macaiddep kencuana, gapu iti cadakes dagiti gapuananyo.

Ti Baro a Naimbag a Damag Biblia

⁴ Tungpalenyo ti nakitulaganyo kaniak nga Apo yo ket idatonyo dagiti pusoyo kaniak, dakayo a tattao ti Juda ken Jerusalem. Ta no saan, gumil-ayabto ti pungtotko gapu kadagiti dakes nga aramidyo, ket sumged nga awan ti makaiddep.”

Jeremias 4:4 Iomraidhean Croise

2 Cronicas 34:25

Agsipud ta indiandac, ket nagpupuurda iti incienso cadagiti didios a sabsabali, tapno gargariendac nga agpungtot iti isu-amin nga ar-aramid dagiti imada; gapuna a ti pungtotco maibuyat iti rabaw daytoy a disso, ket saanto a maeddep.

Isaias 10:17

Ket ti silaw ti Israel maipaayto a cas maysa nga apuy, ket ti Santona maipaay a maysa a darang; ket uramennanto ket runutennato dagiti calcalunayna ken cascasumbana iti maysa nga aldaw.

Isaias 30:33

Ta maysa a pagpuuran naisagana pay laeng idi; wen, ta ti ari naisaganan; isu inaramidna a nauneg ken dackel; ti dalusonna isu ti apuy ken adu a cayo; ti sang-aw ni Jehova, cas maysa nga ayus ti azufre, isu ti pasgedanna.

Isaias 51:17

Agriingca, agriingca, bumangonca, O Jerusalem, sica nga imminum iti copa ti pungtot ni Jehova nga adda iti imana; sica imminumca iti malucong ti copa ti panagibar-ibar, ket isu ti impaaruyotmo.

Jeremias 15:14

Ket palasatecto ida agraman cadagiti cabusormo iti maysa a daga a dica ammo; ta maysa nga apuy napasgedan iti pungtotco, isu nga agpuurto cadacayo.

Jeremias 21:12

O balay ni David, castoy ti cuna ni Jehova, Tungpalem ti kinajusticia iti agsapa, ket ispalem ti natacawan iti ima ti mangidadanes, di la ket ta ti pungtotco rumuar a cas iti apuy, ket aguram nga awan ti macaiddep kencuana, gapu iti kinadakes dagiti gapuannanyo.

Jeremias 21:5

Ket siac met laeng makigubatacto a maicaniwas cadacayo babaen ti siunnat nga ima ken maysa a napigsa a tackiag, ken babaen met ti unget, ken iti rungsot ken iti dackel a pungtot.

Jeremias 23:19

Adtoy, ti bagio ni Jehova, nga isu ti pungtotna, rimmuar, wen maysa nga alipugpug a bagio: isu agtinnagto iti rabaw ti olo ti nadangcoc.

Jeremias 36:7

Mabalin nga idatagdanto ti ararawda ken Jehova, ket agsublidanto tunggal maysa manipud iti dakes a dalanna; ta dackel ti unget ken ti pungtot nga imbalicas ni Jehova a maibusor itoy nga ili.

Jeremias 44:22

Iti casta ni Jehova saanen a nacaitured, a gapu iti kinadakes dagiti aramidyo, ken gapu cadagiti kinarimon nga inaramidyo; gapuna a ti dagayo agbalinen a langalang, ken pagsidsiddaawan, ken pacailunodan, nga awan ti agnaed a cas itoy nga aldaw.

Jeremias 9:25

Adtoy, dagiti al-aldaw umayda, cuna ni Jehova, a dusaecto dagiti amin a nacugit agraman saan a nacugit;

Jeremias 9:26

Ti Egipto, ken Juda, ken Edom, ken dagiti annac ti Ammon, ken Moab, ken amin a napukisan ti ngarab ti buocda, nga agnaed iti let-ang; ta amin dagiti nasnacion saanda a nacugit, ket amin ti balay ti Israel saanda a nacugit iti puso.

Dungdung-aw 4:11

Ni Jehova tinungpalna ti ungetna, imbucbucna ti nacaamamac a pungtotna; ket ginangtanna ti apuy idiay Sion, a nangalun-un cadagiti pamuonna.

Ezekiel 16:38

Ket ocomencanto, cas iti pannacaocom dagiti babbai a makiabig iti dida asawa ken mangibuyat iti dara; ket yegconto kenca ti dara ti pungtot ken panangimon.

Ezekiel 18:31

Iyadayuyo cadacayo dagiti amin a salungasingyo, isuda a sinalungasingyo; ket mangaramidcayo iti maysa a puso a baro ken maysa nga espiritu a baro: ta apay a mataycayto, O balay ti Israel?

Ezekiel 20:33

Cas sibibiagac, cuna ni Apo Jehova, pudno a babaen ti ima a nabileg ken siuunnat a tackiag, ken gura a maibuyat, agariacto cadacayo.

Ezekiel 21:17

Pagsinnipatecto met dagiti im-imac ket paginanaecto ti pungtotco: siac ni Jehova, sinaoc.

Ezekiel 24:13

Iti kinarugitmo isu ti derrep: agsipud ta dinalusanca ket saanca a nadalusan, saancanto a madalusanen iti rugitmo, agingga iti pagsardengec ti pungtotco kenca.

Ezekiel 24:8

Tapno pasang-atenna ti pungtot a mangibales, incabilco ti darana iti rabaw ti nalucasan a bato, tapno isu saan coma a maabbongan.

Ezekiel 44:7

Iti panangiyegyo cadagiti gangannaet, saan a nacugit iti puso ken saan a nacugit iti lasag, tapno agyan iti santuarioc, tapno tabbaawanda, ti met laeng balayco, no idatonyo ti tinapayco, ti taba ken ti dara, ket dinadaelda ti tulagco, nga innayon cadagiti amin a kinarimonyo.

Ezekiel 6:12

Iti adda iti adayu matayto iti angol; ket ti asideg mapasagto iti campilan; ket daydiay matda ken malacub matayto iti bisin: iti castoy tungpalecto ti pungtotco cadacuada.

Ezekiel 8:18

Gapuna agaramidacto met a sipupungtot; ti matac dinto mangisakit, ket diacto met mangaasi; ket uray agpuccawda iti natbag a timec cadagiti pagdengngegco, diacto laeng ipangag ida.

Levitico 26:28

Ti casta siac siuungetacto a bumusor cadacayo ket dusaencayto met ti maminpito gapu cadagiti basbasolyo.

Levitico 26:41

Siac met a maibusor cadacuada, ket impanco ida iti daga dagiti cabusorda: no ngarud no agpacumbaba dagiti puspusoda a di nakugit, ket annugotenda ti dusa ti kinadakesda;

Amos 5:6

Sapulenyo ni Jehova, ket agbiagcayto; di la ket ta tumbuac a cas la apuy iti balay ni Jose, ket ibusenna, ket awan idiay Bet-el ti macaiddep.

Sofonias 2:2

Iti casacbayan ti pannacaibanag ti naikedeng, iti casacbayan ti panaglabas ti aldaw a cas iti taep, iti casacbayan ti iyaay cadacayo ti narungsot a pungtot ni Jehova, iti casacbayan ti iyaay cadacayo ti aldaw ti pungtot ni Jehova.

Taga-Roma 2:25

Ta pudno a ti pannacacugit agbanag a pagnam-ayan, no tungpalem ti linteg; ngem no agsukirca iti linteg, ti pannacacugitmo agbalin a saan a pannacacugit.

Deuteronomio 10:16

Cugitenyo ngarud nga iccaten ti abbong ti pusoyo, ket saancayo metten a natangken ti panaglenglengngesna.

Deuteronomio 30:6

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

Deuteronomio 32:22

Ta maysa nga apuy dimmarang iti pungtotco, ket sumged inggana ti cababaan a tanem, ket alun-unenna ti daga agraman kinalabonna, ket silmutanna ti puon dagiti banbantay.

Taga-Colosas 2:11

Isu met a nacacugitanyo iti maysa a pannacacugit a saan nga inaramid iti ima, babaen ti pannacaiwacsi ti bagi a linalasag gapu iti pangcugit ni Cristo;