Jeremias 4:16 - Ti Biblia (1973)

¹⁶ Saritaenyo cadagiti nasnacion; adtoy, iwarragawagyo a maicaniwas iti Jerusalem, a dagiti agbanbantay umayda manipud iti adayu a daga, ket agtimecda a maicaniwas cadagiti il-ili ti Juda.

Ti Baro a Naimbag a Damag Biblia

¹⁶ Immayda a mangballaag kadagiti nasion ken mangibaga iti Jerusalem nga addan dagiti kabusor nga aggapu iti adayo a daga. Yikkisto dagitoy a kabusor ti pammutbuteng kadagiti siudad ti Juda.

Jeremias 4:16 Iomraidhean Croise

Isaias 34:1

Umasidegcayo a dumngeg dacayo a nasnacion; ken timudenyo, dacayo nga il-ili dumngeg coma ti daga, ken ti linas-udna, ti lubong, ken amin a tumaud kencuana.

Isaias 39:3

Idin immay ni Isaias a mammadto ken ari Ezekias, ket kinunana kencuana, Ania ti kinuna dagitoy a lallaki? ken sadino ti naggapuanda nga immay kenca? Ket ni Ezekias kinunana, Nanipud iti maysa nga adayu a daga immayda caniac, nanipud met laeng Babilonia.

Jeremias 1:15

Ta adtoy, mangayabacto cadagiti isu-amin a familia dagiti pagpagarian ti amianan, cuna ni Jehova; ket umaydanto, ket tunggal maysa icabilnanto ti tronona iti pagsercan cadagiti ruangan ti Jerusalem, ket maibusor cadagiti bacudna nga aglicmut, ken maibusorto cadagiti isu-amin nga il-ili ti Juda.

Jeremias 16:6

Ti dackel ken castamet ti bassit agpadpada mataydanto ditoy a daga, saandanto a maiponpon, ket dagiti tattao didanto met agunnoy gapu cadacuada wenno sugatenda met laeng, dagiti bagbagida wenno kiskisan ti oloda gapu cadacuada;

Jeremias 2:15

Dagiti urbon dagiti leon nagungorda kencuana ken nagugada; ket pinagbalinda ti dagana a langalang; nauram dagiti il-ilina, awan ti agnaed cadacuada.

Jeremias 31:10

Denggenyo ti sao ni Jehova, O dacayo a nasnacion, ket ipalawagyo cadagiti adayu a purpuro; ket cunayo, Ti nangiwaras iti Israel urnongennanto, ket aywanannanto a cas ti pastor cadagiti arbanna.

Jeremias 39:1

Ket naaramid idi a ti Jerusalem naala (iti maicasiam a tawen ni Sedekias nga ari ti Juda, iti maicasangapulo a bulan, immay ni Nabucodonosor nga ari ti Babilonia ken amin a buyotna a maibusor iti Jerusalem ket limmacubda kencuana;

Jeremias 4:17

Cas cadagiti agbanbantay iti talon casta ti pannacailicmut dagiti maibusor kencuana, agsipud ta isu nagsukir a maicaniwas caniac, cuna ni Jehova.

Jeremias 5:15

Adtoy, iyegconto ti maysa a nacion cadacayo manipud iti adayu, O balay ti Israel, cuna ni Jehova: isu nabileg a nacion, isu nabayagen a nacion, maysa a nacion a ti pagsasaona dica ammo, ket dica met maawatan ti saoenda.

Jeremias 5:6

Gapuna maysa a leon nga aggapu iti cabakiran patayennanto ida, maysa a lobo nga aggapu cadagiti let-ang pucawennanto ida, maysa a leopardo agbantayto a maibusor cadagiti il-ilida, isu-amin a rumuar idiay mapisangpisangto; agsipud ta dagiti salungasingda adu, k ket ti kinamanaglicudda nanayonan.

Jeremias 50:2

Ipalawagyo cadagiti nasnacion ket iwarragawagyo, ket ipatacderyo ti wagayway, iwarasyo ket dicayo ilimed: cunayo, Ti Babilonia naalan, ni Bel mabainan, ni Merodac agcullayaw; dagiti ladawanna a kinitikitan mabainanda, dagiti diosenna agcullayawda.

Jeremias 6:18

Denggenyo ngarud, dacayo a nasnacion, ket ammoenyo, O gimong, no ania ti adda iti nagtengngaanda.

Jeremias 6:19

Denggem, O daga; adtoy, iyeg-conto ti dakes ditoy nga umili, ti met laeng bunga dagiti pampanunotda agsipud ta saanda nga impangag dagiti sasaoc; ket no maipapan iti lintegco, naglictadanda.

Jeremias 6:22

Castoy ti cuna ni Jehova, Adtoy, ti umili umay nga aggapu iti amianan a daga; ket maysa a dackel a nacion mariingto manipud caadayuan a paspaset ti daga.

Jeremias 6:23

Nacaiggemda iti bai ken gayang; isuda naulpitda, ket awan ti asida; ti timecda agungor a cas ti baybay, ket sumacayda cadagiti cacabayo, tunggal maysa makiintar, cas iti lalaki iti gubat, a maicaniwas kenca, O anac a babai ti Sion.

Jeremias 8:19

Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?

Ezekiel 21:22

Iti canawan nga imana adda buyon a maicaniwas iti Jerusalem, tapno icabilna dagiti makina a pangracrac, luctanna ti ngiwat iti panangpapatay, impigsana ti timec iti panagriaw, icabilna dagiti makina a pangracrac a maibusor cadagiti ruangan, tapno agibangon cadagiti turturod, agpatacder cadagiti sarikedked.