Jeremias 4:11 - Ti Biblia (1973)

¹¹ Iti dayta a pannawen maisaonto iti daytoy nga umili ken iti Jerusalem, Maysa a napudot nga angin manipud cadagiti nalucasan a panpantoc iti let-ang nga agturong iti anac a babai ti ilic, saan nga mangsariwagwag, wenno mangdalus;

Ti Baro a Naimbag a Damag Biblia

¹¹ Dumtengen ti tiempo a maipakaammo kadagiti tattao ti Jerusalem nga addanto makasinit nga angin-let-ang nga agturong kadakuada. Saanto a nakapsut nga angin a mangikay-ab laeng iti taep—

Jeremias 4:11 Iomraidhean Croise

Dagiti Salmo 11:6

Cadagiti nadangkes isu tudonanto dagiti silsilo; apuy ken azufre ken nabara nga angin isudanto ti pannacabagi ti copada.

Isaias 22:4

Gapuna a kinunac, Ibawingyo ti ikikitayo caniac, agsangitacto iti napait unay; dicayo agbannug a mangliwliwa caniac a gapu iti pannacarbec ti anac a babai ti ilic.

Isaias 27:8

Iti maitutop, intono pagtalawem ida, makisusicca cadacuada; isu iniccatna ida babaen ti napigsa a daranudor iti aldaw ti casaor.

Isaias 41:16

Itaepmonto ida, ket ti angin itayabnanto ida, ken ti alipugpug warawaraennanto ida; ket sica agragsaccanto ken ni Jehova, agrag-ocanto iti Santo ti Israel.

Isaias 64:6

Ta dacamin amin nagbalincami a cas maysa a narugit, ket amin a kinalintegmi isuda ti cas maysa a narugitan a pagan-anay; ket dacami amin malaylaycami a cas la bulong; ket dagiti kinadangkesmi, cas la iti angin, ipalaisdacami.

Jeremias 13:24

Gapuna iwarisconto ida a cas ti puon ti garami a maawan babaen ti angin ti let-ang.

Jeremias 14:17

Ket cunaemto daytoy a sao cadacuada, Dagiti matac pagayusan coma ti lulua iti rabii ken aldaw, ket saanda coma nga agsardeng; ta ti virgen nga anac ti ilic nadadael iti dackel a gutbaw, iti maysa a nasaem unay a sugat.

Jeremias 23:19

Adtoy, ti bagio ni Jehova, nga isu ti pungtotna, rimmuar, wen maysa nga alipugpug a bagio: isu agtinnagto iti rabaw ti olo ti nadangcoc.

Jeremias 4:12

Maysa a napigpigsa nga angin nga aggapu cadagitoy umayto caniac: ita iyebcasconto met ti panangocom a maibusor cadacuada.

Jeremias 8:19

Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?

Jeremias 9:1

O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Jeremias 9:7

Gapuna castoy ti cuna ni Jehova dagiti buybuyot, Adtoy, tunawecto ida, ken suutec ida; ta ania pay ti aramidec coma maipuon iti anac a babai iti ilic?

Dungdung-aw 2:11

Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.

Dungdung-aw 3:48

Ti danum agayus iti matac gapu iti pannacarbec ti anac a babai ti ilic.

Dungdung-aw 4:10

Dagiti im-ima dagiti naasi a babbai linutoda dagiti annacda met laeng; isuda idi ti taraonda iti pannacarbec ti anac a babai ti ilic.

Dungdung-aw 4:3

Uray pay dagiti aso ti bakir iruarda ti barucongda, pasusoenda dagiti annacda: ti anac a babai ti ilic nagbalin a nadawel, a cas cadagiti avestruz iti let-ang.

Dungdung-aw 4:6

Ta ti kinadakes ti anac a babai ti ilic dacdackel ngem ti basol ti Sodoma, a narbec iti maysa a canito, ket awan ti im-ima a kimmalbit kencuana.

Ezekiel 17:10

Wen, adtoy, idinto a naimulan, rumang-ayto ngata? dinto ngata magango nga awan tidda, no ti angin nga aggapu iti daya tignayenna? Isu magangonto iti pagpalacayan a tinuboanna.

Ezekiel 19:12

Ngem isu naparut babaen ti pungtot, naibelleng iti daga, ket ti angin ti daya pinamagaanna ti bungana; dagiti natibker a sarsarucodna natuctuccolda ken nagangoda; ti apuy inibusna ida.

Oseas 13:15

Uray pay nabunga cadagiti cacabsatna, umayto ti angin nga aggapu iti daya, ti anges ni Jehova nga aggapu iti let-ang; ti ubbogna agmaganto, ket ti burayocna mamagaanto: isu samsamennanto ti gupit dagiti amin nga agcacapateg nga al-alicamen.

Oseas 13:3

Gapuna maipadadanto iti ulep iti agsapa ken cas iti linnaaw nga agpucaw a masapa, cas iti taep a paadayuen ti alipugpog iti pagtaltagan, ken vas iti taep a paadayuen ti alinpugpog iti pagtaltgan, ken cas iti asuc a rumuar iti pasngaw.

Oseas 4:19

Isu binalcut ti angin cadagiti payacna; ket maibabaindanto gapu cadagiti datdatonda.

Habakuk 1:11

Iti casta lumabas a cas angin, ket lumasatto, ket mapabasolto, daydiay a ti kinamaingelna isu ti diosna.

Habakuk 1:6

Ta adtoy, a patacderec dagiti Caldeos, daydiay nacas-ang ken nasiglat a nacion, a magna iti pagacabaan ti daga, a mangtagicua cadagiti disso a pagnaedan a saanda a cucua.

San Mateo 3:12

Ti paidna adda iti imana ket sapridannanto a nalaing ti pagbayoanna; ket urnungennanto ti trigona iti camaligna, ket puurannanto ti garami iti apuy a di maiddep.

San Lucas 3:17

Ti paidna adda iti imana, tapno sapridanna a naimbag ti pagbayoanna ken tapno urnongenna ti trigo iti camaligna; ngem puurannanto ti taep iti apuy a di maiddep.