Jeremias 4:1 - Ti Biblia (1973)

¹ No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Ti Baro a Naimbag a Damag Biblia

¹ Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Jeremias 4:1 Iomraidhean Croise

Genesis 35:2

Idin ni Jacob kinunana cadagiti cabbalayna, ken cadagiti amin a nakipagyan kencuana, Iwagsacyo dagiti didiosen a sabsabali cadacayo, ket agdaluscayo, ket sucatanyo dagiti pagananayyo:

2 Ar-ari 23:13

Ket dagiti nangato a disdisso nga addada idi iti sango ti Jerusalem, nga addada iti macanawan ti bantay ti panagrupsa, a binangon idi ni Salomon nga ari ti Israel a maipaay idi ken ni Astarot a kinarimon dagiti Sidonio, ken ni Cemos a kinarimon ti Moab, ken ni Milcom a kinarimon dagiti annac ni Ammon ti ari rinabngisna.

2 Ar-ari 23:24

Casta met dagidi baglan, ken manag salamangca, ken dagiti terafim, ken ladladawan, ken isu-amin dagiti kinarimon a naimatangan iti daga ti Juda, ken iti Jerusalem, imbelleng ni Josias, tapno mapanecnecan dagiti sasao ti linteg a naisurat iti libro a nasaracan ni Helcias a padi idi balay ni Jehova.

2 Cronicas 15:8

Ket idi nangngeg ni Asa dagitoy a sasao ken padto ni Obed a mammadto timmured, ket iniccatna dagiti kinarimon iti amin a daga ti Juda ken Benjamin, ken cadagiti il-ili nga innalana idi iti caturodan ti Efraim, ket pinabarona ti altar ni Jehova, nga adda idi iti sango ti balcon ni Jehova.

2 Cronicas 33:8

Uray caano diacto pagbariwasenen ti saca ti Israel manipud iti daga nga intudingco a maipaay cadagiti ammayo, no tungpalendanto la ket di nga aramiden ti mayalubog cadagiti isu-amin nga imbilinco cadacuada, ti amin met laeng a linteg ken al-alagaden ken an-annuroten a naited idi iti pannacaaramat ni Moises.

2 Cronicas 34:33

Ket ni Josias iniccatna amin a kinarimon cadagiti amin a dagdaga a cucua idi dagiti annac ti Israel, ket inaramidna nga amin a nasaracan idi iti Israel agservida, nga agservida met laeng ken Jehova a Diosda. Cadagit amin nga al-aldaw na saanda a simmina iti isusurotda ken Jehova a Dios dagiti ammada.

Isaias 31:6

Tumalliawcayo iti daydiay nagsukiranyo a napalalo unay, O annac ti Israel.

Jeremias 15:19

Gapuna castoy ti cuna ni Jehova, No agsublica, iyegcanto ngarud manen, tapno mabalinmo ti agtacder iti sangoanac; ket no isinam ti napateg iti awan pategna, sicanto ti cas ngiwatco: agsublidanto kenca, ngem saancanto nga agsubli cadacuada.

Jeremias 15:4

Ket paipalladawconto ida nga agallaalla cadagiti amin a pagarian iti daga, a gapu ken Manases, nga anac a lalaki ni Ezekias nga ari ti Juda, gapu iti inaramidna idiay Jerusalem.

Jeremias 18:11

Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.

Jeremias 24:9

Baybay-acto ida a maipalladaw nga agal-laal-la iti nagtengngaan dagiti amin a pagarian ti lubong a maipaay iti pagdacsan; tapno agbalin a maysa nga umsi ken maysa a proverbio, maysa a pagrabacan ken maysa a lunod, cadagiti amin a diso a pangipaturongacto cadacuada.

Jeremias 25:5

A kinunana, Agsublicayo ita tunggal maysa manipud iti dakes a dalanna, ken manipud iti kinadakes dagiti aramidyo, ket agnaedcayo iti daga nga inted ni Jehova cadacayo ken cadagiti ammayo, nanipud idi ugma agingga met laeng iti agnanayon;

Jeremias 3:1

Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Jeremias 3:12

Inca, ket iwarragawagmo dagitoy a sasao nga isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.

Jeremias 3:14

Agsublicayo, O managlicud nga annac, cuna ni Jehova; ta siac ti asawayo a lalaki; ket mangalaac cadacayo ti maysa iti tunggal ili, dua iti tunggal familia, ket ipancayto idiay Sion.

Jeremias 3:22

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 36:3

Bareng no ti balay ni Juda denggennanto ti amin a dakes a panggepco nga aramiden cadacuada; tapno agsublida coma tunggal tao manipud iti dakes a dalanna tapno pacawanec coma ti kinadangcocda ken ti basolda.

Jeremias 4:4

Agcugitcayo ken Jehova, ket iccatenyo ti makinrabaw a cudil ti pusoyo, dacayo lallaki ti Juda ken agnaed ti Jerusalem; di la ket ta ti pungtotco rumuar a cas apuy, ket aguram nga awan ti macaiddep kencuana, gapu iti cadakes dagiti gapuananyo.

Jeremias 7:3

Castoy ti cuna ni Jehova dagiti buybuyot, ti Dios ti Israel, Pasayaatenyo dagiti dalanyo ken dagiti gapuananyo, ket pagnaedencayto ditoy a disso.

Jeremias 7:5

Ta no pasayaatenyo a nalaing dagiti dalanyo ken dagiti gapuananyo; no agaramidcayo a naananay iti kinajusticia iti tao ken ti padana a tao.

Jeremias 7:7

Iti casta pagnaedencayto ditoy a disso, iti daga nga intedco cadagiti ammayo, nanipud idi unana agpapan iti agnanayon.

Ezekiel 11:18

Ket umaydanto dita ket iccatendanto dagiti amin a macarurud a banbanagna ken amin dagiti kinarimonna manipud idiay.

Ezekiel 18:13

Nagpaanac ken immawat iti nalabes; isu agbiagto aya ngarud? saanto nga agbiag: inaramidna amin dagitoy a kinarimon; di bumurong nga isu matayto; ti darana addanto iti rabawna.

Ezekiel 43:9

Ngarud ipanawda coma ti kinabalangcantisda, ken dagiti bangcay dagiti arida, iti adayu caniac; ket agnaedacto iti tengngada iti agnanayon.

Oseas 14:1

O Israel, agsublica ken ni Jehova a Diosmo; ta natnagca gapu iti kinadakesmo.

Oseas 2:2

Makiringgorcayo ken inayo, makiringgorcayo; ta isu saanco nga asawa, ken uray siac saannac met nga asawa; iccatenna coma iti sangoananna dagiti pannakiabigna, ken dagiti pannakicamcamalalana iti nagbaetan dagiti susona:

Oseas 7:16

Agsublida, ngem saan a daydiay adda iti ngato; caslada maysa a manangallilaw a ba-i; dagiti panguloenda matuangdanto iti campilan gapu iti pungtot ti dilada: daytoy ti pacaumsiandanto idiay daga ti Egipto.

Joel 2:12

Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes:

Zacarias 1:4

Saancayo coma a cas cadagidi ammayo, isuda a nagickisan dagiti immun-una a mammadto, a kinunada, Castoy ti cuna ni Jehova dagiti buybuyot, Agsublicayo ita manipud cadagiti dakes a daldalanyo, ken manipud cadagita dakes nga aramidyo: ngem dida impangag, dida nagimdeng caniac, cuna ni Jehova.

Deuteronomio 27:15

Mailunod ti tao nga agaramid ti ladawan a kinitikitan wenno sinocog, a maysa a macarimon ken Jehova, a gapuanan dagiti ima ti agar-aramid, ket pagtacderenna iti nalmeng. Ket amin a tattao sumungbatdanto ket cunadanto, Sapay coma.

Deuteronomio 4:30

No addaca iti pagpaglan, ket amin dagitoy dumtengda kenca, iti maududi nga aldaw agsublicanto ken Jehova a Diosmo, ket ipangagmonto ti timecna;

Josue 24:14

Ita ngarud agbutengcayo ken Jehova, ket agservicayo kencuana iti kinadalus ken kinapudno; ket iccatenyo dagiti didios isuda a dagidi ammayo nagservianda iti ballasiw ti Carayan, ken sadi Egipto; ket agservicayo ken Jehova.

Uk-ukom 10:16

Ket iniccatda dagiti sabsabali a didios manipud iti tengngada, ket nagservida ken Jehova; ket ti cararuana napaliday gapu iti kina-ay-ay-ay ti Israel.

1 Samuel 7:3

Ket ni Samuel nagsao iti amin a balay ti Israel, a cunana, No dacayo agsublicayo ken Jehova iti isu-amin a pusoyo, iwacsiyo ngarud dagiti sabsabali a didios, ken ni Astarot manipud iti tengngayo, ket iturongyo dagiti puspusoyo ken Jehova, ket agservicayo kencuana laeng; ket isu isalacancayto iti ima dagiti Filisteos.