Jeremias 39:3 - Ti Biblia (1973)

³ Nga amin a piprincipe ti ari ti Babilonia simrecda, ket nagtugawda iti ruangan a nagtengnga, da Nergal-sarezer, Samgar-nebo, Sarsekim, Rabsaris, Nergal-sarezer, Rabmag, agraman cadagiti amin a sabali a piprincipe ti ari ti Babilonia.

Ti Baro a Naimbag a Damag Biblia

³ Idi naparmek ti Jerusalem, napan dagiti amin nga ofisiales ti ari ti Babilonia iti lugarda iti Nagtengnga a Ruangan. Kimmuyog kadakuada da Nergal-sarezer, Samgar Nebo, Sarsekim ken sabali pay a Nergal-sarezer.)

Jeremias 39:3 Iomraidhean Croise

2 Ar-ari 17:30

Ket dagiti tattao a taga Babilonia inaramidda ti Succot-benot, ket dagiti tattao a taga Cuta inaramidda ti Nergal, ket dagiti tattao a taga Hamat inaramidda ti Asima,

Jeremias 1:15

Ta adtoy, mangayabacto cadagiti isu-amin a familia dagiti pagpagarian ti amianan, cuna ni Jehova; ket umaydanto, ket tunggal maysa icabilnanto ti tronona iti pagsercan cadagiti ruangan ti Jerusalem, ket maibusor cadagiti bacudna nga aglicmut, ken maibusorto cadagiti isu-amin nga il-ili ti Juda.

Jeremias 21:4

Castoy ti cuna ni Jehova, a Dios ti Israel, Adtoy, isanodconto dagiti igigam ti gubat nga adda cadagiti im-imayo, isu a panggubatyo a maicaniwas iti ari ti Babilonia, ken maibusor cadagiti Caldeos a manglacub cadacayo, iti ruar dagiti bacbacud; ket urnongecto ida iti tengnga daytoy nga ili.

Jeremias 38:17

Idin kinuna ni Jeremias ken Sedekias, Castoy ti cuna ni Jehova, a Dios dagiti buybuyot, a Dios ti Israel: No sica mapanca cadagiti piprincipe ti ari ti Babilonia, iti casta agbiagto ta cararuam, ket daytoy nga ili dinto mapuuran iti apuy; ket sica agbiagcanto ken ti balaymo.

Jeremias 39:13

Iti casta ni Nabuzaradan a capitan ti guardia nagbaon, ket da Nabusazban, Rabsaris, ken Nergal-sarezer, Rabmag, ken dagiti amin a cangronaan nga agtuturay ti ari ti Babilonia;

Ezekiel 26:10

Agtaud iti caadu dagiti cabayona ti tapucda abbongandacanto: dagiti bacudmo agkintayegdanto iti daranudor dagiti lallaki a nagcabayo, ken dagiti bagon, ken dagiti lugan, intono isu sumrec cadagiti ruanganmo, cas dagiti tattao sumrecda iti maysa nga ili a nacaaramidan ti maysa a gutbaw.