Jeremias 3:8 - Ti Biblia (1973)

⁸ Ket siac nakitac, a gapu iti daytoy met laeng a panggep ni managlicud nga Israel nagaramid ti pannakicamalala, isu insinac, ket iniccac iti surat ti panagsina ti agasawa, nupay casta ni nagulib a Juda a cabsatna a babai saan a nagbuteng; no di ket napan met ket nagbalangcantis.

Ti Baro a Naimbag a Damag Biblia

⁸ Nakita met ti Juda nga insinak ti Israel, ket pinanawak agsipud ta naglikudannak ket nakikamkamalala. Nupay kasta, saan latta a nagbuteng ti mangliliput a kabsatna a Juda. Nakikamkamalala met

Jeremias 3:8 Iomraidhean Croise

2 Cronicas 21:11

Maysa pay inaramidna dagiti nangato a disdisso cadagiti banbantay ti Juda, ket pinagbalangcantisna dagiti agnaed idiay Jerusalem, ket inyawawanna ti Juda.

Isaias 50:1

Castoy ti cuna ni Jehova, Sadino ti yan ti surat ti pannakisina ni inam, nga isu ti namagtalawac kencuana? wenno asino cadagiti nacautangac ti nangilacoac cadacayo? Adtoy nailacocayo gapu cadagiti kaindangkesyo, ken gapu cadagiti panaglabsingyo napagtalaw ni inayo.

Jeremias 2:19

Ta kinadakesmo met laeng bagbagaandacanto, ket dagiti panaglicudmo tubngarennacanto: ammoem ngarud ket kitaem nga isu dakes a banag ken napait ta naglicudca ken Jehova a Diosmo, ken awan kenca ti panagraem caniac, cuna ti Apo, ni Jehova dagiti buybuyot.

Jeremias 3:1

Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Jeremias 33:24

Dica inutob aya ti saoen daytoy nga umili, a kinunana, Dagiti dua a familia a pinili ni Jehova, imbellengna ida? castoy ti pananguyawda iti ilic, tapno saandanton coma a nacion iti sangoda.

Jeremias 5:7

Casano ti panangpacawanco kenca? Dagiti annacmo pinanawandac, ket nagsapatada gapu cadagidiay saan a dios. Idi pinacanco ida a napnecda, nakicamalalada, ket nagoornongda a nagbubunggoy cadagiti balbalay dagiti balangcantis.

Ezekiel 16:46

Ket ti cabsatmo a babai nga inauna isu ti Samaria, nga agnaed iti macatigidmo, isu ken dagiti annacna a babbai: ket ti inaudi a cabsatmo a babai, nga agnaed iti macanawanmo isu ti Sodoma ken dagiti annacna a babbai.

Ezekiel 16:47

Nupay casta saanca a nagna cadagiti daldalanda, ket dica met nagaramid a cas cadagiti kinarimonda; no di ket cas dayta bassit unay a banag, sica narugrugitca ngem isuda cadagiti amin a daldalanmo.

Ezekiel 16:51

Ti Samaria saan met a nagar-aramid iti uray cagudua laeng dagiti basbasolmo; ngem pinaadum dagiti kinarimonmo nga adadda ngem isuda, ket cas la pinaglintegmo dagiti cacabsatmo a babbai babaen dagiti amin a kinarimonmo nga inaramidmo.

Ezekiel 23:44

Ket simrecda kencuana, a cas ti iseserrecda iti maysa a balangcantis: iti casta simrecda cada Ahola ken ni Aholiba, dagiti naderrep a babbai.

Ezekiel 23:9

Gapuna nga isu inyawatco iti ima dagiti caayanayatna, iti ima dagiti Asiros isuda nga inaremna.

Oseas 3:4

Ta dagiti annac ti Israel agtaengdanto iti adu nga al-aldaw nga awanan ari, ken awanan principe, ken awanan daton, ken awanan monmon, ken awanan efod wenno terafin:

Deuteronomio 24:1

No ti maysa a lalaki mangala iti maysa a babai ket asawaenna, maaramidto ngarud a no ti babai dina masaracan ti parabur cadagiti mata ni lalaki, gapu ta ti lalaki nasaracanna kencuana ti maysa nga aramid a di-tumutop, isuratannanto ti pacdaar ti panagsina ket ipaiggennanto iti imana, ket papanawennanto iti balayna.

Deuteronomio 24:3

Ket no ti naudi a nangasawa gumura kencuana, ket isuratanna ti pacdaar ti panagsina, ket ipaiggenna iti imana, ket papanawenna iti balayna; wenno no ti naudi a nangasawa matay, isu a nangala kencuana tapno asawaenna;