Jeremias 3:12 - Ti Biblia (1973)

¹² Inca, ket iwarragawagmo dagitoy a sasao nga isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.

Ti Baro a Naimbag a Damag Biblia

¹² Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Jeremias 3:12 Iomraidhean Croise

Genesis 4:7

No naimbag ti aramidem apay a dinto macaparagsac? ket no dica agaramid iti naimbag, ti basol cumleb iti ruangan; ket ti calicagumanna sica; ngem sica gundawayam coma.

2 Ar-ari 15:29

Cadagidi al-aldaw ni Peka nga ari ti Israel immay ni Teglat-palasar nga ari ti Asiria, ket innalana ti Aion, ken ti Abel-bet-maaca, ken ti Janoe, ken ti Cedes, ken ti Asor, ken ti Galaad, ken ti Galilea, ken isu-amin a daga ti Neftali, ket inyallatiwna ida a nacayawan idiay Asiria.

2 Ar-ari 17:23

Agingga iti iniccat ni Jehova ti Israel iti imatangna, a cas kinunana a naaramat dagiti isu-amin nga ad-adipenna a mammadto. Casta ti pannacayalis ti Israel nanipud iti dagada agingga iti Asiria agingga itoy nga aldaw.

2 Ar-ari 17:6

Iti maicasiam a tawen ni Oseas ti ari ti Asiria innalana ti Samaria, ket inyallatiwna ti Israel sadi Asiria, ket incabilna ida idiay Hala, ken iti Habor, a carayan ti Gozan, ken cadagiti il-ili dagiti Medos.

2 Ar-ari 18:1

Naaramid idi maicatlo a tawen ni Oseas nga anac ni Ela nga ari ti Israel, a ni Ezekias, nga anac ni Acaz nga ari ti Juda nangrugi a nagari.

2 Cronicas 29:10

Ita ipapusoc ti makitulag ken Jehova, a Dios ti Israel, tapno ti narungsot a pungtotna maipanaw coma cadatayo.

2 Cronicas 30:9

Ta no agsublicayo ken Jehova, dagiti cacabsatyo ken annacyo masaracandanto ti asi iti sango dagidiay a nangayaw cadacuada, ket umaydanto manen iti daytoy a daga: ta ni Jehova a Diosyo naparabur ken naasi, ket saannanto nga itallicod ti rupana cadacayo, no agsublicayo kencuana.

Dagiti Salmo 103:17

Ngem ti kinamanagayat ni Jehova cadagiti agbuteng kencuana manipud iti kinaagnanayon agpapan iti kinaagnanayon, ket ti kinalintegna agpaay cadagiti annac dagiti anannac;

Dagiti Salmo 103:8

Ni Jehova sicacaasi ken siaayat, namayamay nga agpungtot, ket aglaplapusanan iti kinamanagayat.

Dagiti Salmo 103:9

Saanto a cancanayon a mangbabalaw; ket dinanto met ingingpen a canayon ti pungtotna.

Dagiti Salmo 145:8

Ni Jehova managparabur, ken nacaasi; naanat nga agpungtot, ken dackel ti kinamanagayatna.

Dagiti Salmo 79:5

Casano ti capautna, O Jehova? sipupungtotcanto aya nga agnanayon? Ti panagimonmo manguramto aya a cas apuy?

Dagiti Salmo 86:15

Ngem sica, O Apo, Diosca a naasi ken managparabur, naanatca nga agpungtot, ken aglaplapusananca iti kinamanagayat ken kinapudno.

Dagiti Salmo 86:5

Ta sica, Apo, naimbagca, ken sisasaganaca a mamacawan, ken aglaplapusananca iti kinamagayat cadagiti amin nga umawag kenca.

Dagiti Proverbio 28:13

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Isaias 31:6

Tumalliawcayo iti daydiay nagsukiranyo a napalalo unay, O annac ti Israel.

Isaias 44:22

Siac pinucawco a cas la ulep a napuscol dagiti kinasukirmo, ken cas maysa nga ulep dagiti basbasolmo: agsublica caniac; ta siac sinubbotca.

Jeremias 11:6

Ket ni Jehova kinunana caniac, Iwarragawagmo amin dagitoy a sao cadagiti il-ili ti Juda, ken cadagiti lanlansangan ti Jerusalem, a cunam, Denggenyo dagiti sasao daytoy a tulag, ket aramidenyo ida.

Jeremias 12:15

Ket maaramidto, calpasan ti panangparutco cadacuada, nga agsubliacto ken caasiacto ida, ket iyegconto ida manen, tunggal tao iti tawidna, ken tunggal tao iti dagana.

Jeremias 23:8

No di ket, Cas sibibiag ni Jehova, isu a nangaon ken nangidalan iti capuonan ti balay ti Israel manipud iti makinamianan a daga, ken manipud iti isu-amin a daga a nangipaturongac cadacuada. Ket isuda agnaeddanto iti dagada met laeng.

Jeremias 3:1

Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Jeremias 3:14

Agsublicayo, O managlicud nga annac, cuna ni Jehova; ta siac ti asawayo a lalaki; ket mangalaac cadacayo ti maysa iti tunggal ili, dua iti tunggal familia, ket ipancayto idiay Sion.

Jeremias 3:18

Cadagita nga al-aldaw ti balay ti Juda makicuyogto iti balay ti Israel, ket rumuardanto nga agcuyog iti daga ti amianan a mapan iti daga nga intedco a tawid cadagiti ammayo.

Jeremias 3:22

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Jeremias 3:5

Itaginayonnanto aya ti pungtotna iti awan inggana? isu idulinna aya agingga iti panungpalan? Adtoy, nagsaoca ken nagaramidca cadagiti dakes a banbanag, ket inaramidmo ti pagayatam.

Jeremias 3:7

Ket kinunac calpasan ti panangaramidna cadagitoy amin a banbanag, Isu agsublinto caniac; ngem isu saan a nagsubli: ket nakita ni nagulib a cabsatna a babai a Juda.

Jeremias 30:11

Ta siac addaac kenca, cuna ni Jehova, tapno isalacanca: ta uray no aramidec ti naananay a panungpalan dagiti amin a nacion isuda a nangiwarawaraac kenca, nupay casta saanconto nga aramiden ti naananay a panungpalam; ngem babalawencanto a cas maiparbeng, ket uray casano saancanto a baybay-an a saan a madusa.

Jeremias 31:20

Ni Efraim aya ti ay-ayatec nga anacco? isu aya ti dong-dongngoen nga anac? ta no maminano nga agsaoac iti maibusor kencuana, sipapasnecac pay laeng a manglagip kencuana: gapuna a ti pusoc mailiw kencuana; kinapudnona addanto caasic kencuana, cuna ni Jehova.

Jeremias 31:21

Mangipatacderca cadagiti pagtandaanam mangaramidca cadagiti teddec a mangiturong kenca; iturongmo ta pusom iti calsada, ti met laeng dalan a napanam: agsublica manen, O virgen ti Israel, agsublica manen cadagitoy nga il-ilim.

Jeremias 31:8

Adtoy, siac iyegconto ida manipud iti daga iti amianan, ket urnongecto ida manipud cadagiti caadayuan a paspaset ti daga, ket maicuyog cadacuada ti bulsec ken ti pilay, ti babai a masicug ken castamet daydiay nga agpasical nga agipasngay: agsublidanto ditoy a dackel a bunggoy.

Jeremias 33:26

Iti casta ibellengconto metten ti capuonan ni Jacob, ken ni David nga adipenco, tapno saanco nga alaenen ti capuonanna nga agturay iti capuonan da Abraham, Isaac ken Jacob ta pagbaliwecto ti pannacacayawda ken mangaasiacto cadacuada.

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Dungdung-aw 3:22

Isu ti kinamanangngaasi ni Jehova a saantay a maibus, ta dagiti caasina saan nga aggibus.

Ezekiel 11:17

Cunam ngarud, Castoy ti cuna ni Apo Jehova: Siac urnongencayto nga aggapu cadagiti il-ili, ket tiponencayto nga aggapu cadagiti dagdaga a nacaiwarwarasanyo ket itedconto cadacayo ti daga ti Israel.

Ezekiel 33:11

Cunam cadacuada, Cas sibibiagac, cuna ni Apo Jehova, Awan ti ragsacco iti ipapatay ti nadangkes; no di ket ti nadangkes agbawing coma iti dalanna ket agbiag; agbawingcayo, agbawingcayo cadagiti dakes a daldalanyo; ta apay a mataycayo, O balay ti Israel?

Ezekiel 39:25

Gapuna castoy ti cuna ni Apo Jehova: Ita baliwacto ti pannacacayaw ni Jacob, ket addanto caasic iti amin a balay ti Israel; ket agimonacto gapu iti nasantoan a naganco.

Oseas 6:1

Umaycayo ket agsublitayo coma ken ni Jehova; ta isu nangpingis, ket agasannatayto; kimmabil, ket bedbedannatayto.

Levitico 26:40

Ket isuda ipudnodanto dagiti kinadakesda, ken ti kinadakes dagiti ammada, iti salungasingda nga isu ti panangsalungasingda caniac, ken casta met gapu ta nagnada iti maibusor caniac,

Zacarias 1:4

Saancayo coma a cas cadagidi ammayo, isuda a nagickisan dagiti immun-una a mammadto, a kinunada, Castoy ti cuna ni Jehova dagiti buybuyot, Agsublicayo ita manipud cadagiti dakes a daldalanyo, ken manipud cadagita dakes nga aramidyo: ngem dida impangag, dida nagimdeng caniac, cuna ni Jehova.

Deuteronomio 30:2

Ket agsublicanto ken Jehova a Diosmo, ket tungpalemto ti timecna a mayannurot iti amin nga ibilinco kenca ita nga aldaw, sica ken dagiti annacmo, iti isu-amin a pusom, ken iti isu-amin a cararuam;