Jeremias 3:1 - Ti Biblia (1973)

¹ Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Ti Baro a Naimbag a Damag Biblia

¹ Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:1 Iomraidhean Croise

Dagiti Salmo 106:38

Ken imbuyatda ti dara a nadalus, uray pay ti dara dagiti annacda a lallaki ken babbai, isuda nga indatonda cadagiti didiosen ti Canaan; ket ti daga namulitan iti dara.

Isaias 24:5

Ti lubong met narugitan babaen cadagiti agtaeng kencuana; agsipud ta naglabsingda cadagiti linteg, kinaniwasda dagiti bilbilin, rinacracda ti agnanayon a tulag.

Jeremias 2:20

Ta nanipud ugma dinadaelco ti sangolmo, ket binucaac dagiti reppetmo; ket kinunam, Saanacto nga agservi; ta iti rabaw ti tumunggal bantay a nangato ken siroc ti tumunggal cayo a narucbus nagrucbabam a nagbalangcantisca.

Jeremias 2:23

Casano ti panagcunam, Saanac a natulawan saanac a simmurot ken Baal? kitaem ti dalanmo iti lobong; ammoem ti inaramidmo: camelloca a nasiglat a magmagna cadagiti daldalanna;

Jeremias 2:7

Ket inserreccayo iti daga a nabacnang, tapno canenyo ti bungana ken imbagna; ngem idi simreccayo, tinulawanyo ti dagac, ket inaramidyo ti tawidco a kinarimon.

Jeremias 22:20

Sumang-atca idiay Libano, ket agriawca; ket ipuccawmo ti timecmo idiay Basan, ket agriawca manipud Abarim; ta amin dagiti caayanayatmo nadadaelda.

Jeremias 3:22

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Jeremias 3:9

Ket naaramid gapu iti nalaca a pannakicamalalana, ti daga natulawan, ket isu nakicamalala cadagiti batbato ken cadagiti puon ti cayo.

Jeremias 31:22

Casano ti cabayagmo nga agal-laal-la, O sica managlicud nga anac a babai? ta ni Jehova pinarsuana ti baro a banag ditoy daga: Ti babai lawlawennanto ti lalaki.

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Jeremias 4:14

O Jerusalem, dalusam ti pusom iti kinadakes, tapno maisalacanca. Casano ti cabayag ti panagtalinaedda kenca, dagiti dakes a pampanunotmo?

Dungdung-aw 1:2

Isu agsangit iti napait iti rabii ket dagiti luluana addada cadagiti pingpingna; cadagiti amin a caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.

Ezekiel 16:26

Nakicamalalaca met cadagiti Egipcios, dagiti carrubam, a nalasag; ket pinaadum ti kinabalangcantismo a panggargari caniac nga agpungtot.

Ezekiel 16:30

Anian a capsut iti pusom, cuna ni Apo Jehova, idinto nga aramidem amin dagitoy a banbanag, aramid ti nasabrac a balangcantis;

Ezekiel 16:35

Gapuna, O balangcantis, denggem ti sao ni Jehova:

Ezekiel 33:11

Cunam cadacuada, Cas sibibiagac, cuna ni Apo Jehova, Awan ti ragsacco iti ipapatay ti nadangkes; no di ket ti nadangkes agbawing coma iti dalanna ket agbiag; agbawingcayo, agbawingcayo cadagiti dakes a daldalanyo; ta apay a mataycayo, O balay ti Israel?

Oseas 1:2

Idi immuna a panagsao ni Jehova babaen ken ni Oseas, ni Jehova kinunana ken ni Oseas, Inca mangalaca iti maipaay kenca ti maysa nga asawa ti pannakicamalala ken annac ti pannakicamalala; ta iti daga agaramid ti dackel a pannakicamalala a sumina ken ni Jehova.

Oseas 2:2

Makiringgorcayo ken inayo, makiringgorcayo; ta isu saanco nga asawa, ken uray siac saannac met nga asawa; iccatenna coma iti sangoananna dagiti pannakiabigna, ken dagiti pannakicamcamalalana iti nagbaetan dagiti susona:

Mikias 2:10

Tumacdercayo, ket pumanawcayo; ta daytoy saan nga isu ti paginanaanyo; agsipud iti kinarugit a mangdadael, agraman maysa met laeng a nasaem a pannacarba.

Zacarias 1:3

Gapuna cunaem cadacuada, Castoy ti cuna ni Jehova dagiti buybuyot: Agsublicayo caniac, cuna ni Jehova dagiti buybuyot, ket siac agsubliacto cadacayo, cuna ni Jehova dagiti buybuyot.

San Mateo 5:31

Casta met a naisao: uray siasinoman a mamagtalaw iti asawana a babai, itedna kencuana ti surat ti pinagsina.

Deuteronomio 22:21

Isuda, ngarud iruardanto ti balasang a mapan iti ruangan ti balay ni amana, ket uburendanto tapno matay cadagiti batbato, gapu ta nagaramid iti naalas iti Israel ta nagbalangcantis iti balay ni amana: casta ti panangiccatmonto ti dakes iti tengngam.

Uk-ukom 19:2

Ket di camalalana nagbalangcantis a maibusor kencuana, ket nagawid nanipud kencuana agingga iti balay ni amana idiay Belen ti Juda, ket adda idi sadiay iti bayat ti uppat a bulan.