Jeremias 26:8 - Ti Biblia (1973)

⁸ Ket naaramid nga idi ni Jeremias natungpalna ti amin a panagsaona nga imbilin ni Jehova kencuana nga isao iti amin nga umili, a dagiti papadi ken dagiti mammadto ken amin ti umili isu tiniliwda a kinunada, Sica mataycanto a di-bumurong.

Ti Baro a Naimbag a Damag Biblia

⁸ Apaman a naisaok ti amin nga imbilin ni Yahweh nga ibagak, ginammatandak sada impukkaw, “Rumbeng a mapapatayka gapu iti daytoy!

Jeremias 26:8 Iomraidhean Croise

2 Cronicas 36:16

Ngem isuda rinabrabacda dagiti binaon ti Dios, ket inumsida dagiti saona, ket inuyawda dagiti mammadtona, agingga iti simged ti pungtot ni Jehova a maibusor iti ilina inggana iti awanen idi ti pamuspusan.

Jeremias 1:19

Ket makibacaldanto kenca; ngem saandacanto nga atiwen; ta siac addaac kenca, tapno isalacanca, cuna ni Jehova.

Jeremias 18:18

Idin kinunada, Umaycayo, ket isicattayo dagiti gandat a maibusor ken Jeremias; ta ti linteg iti padi saanto a mapucaw, wenno pammagbaga iti masirib, wenno ti sao iti mammadto. Umaycayo, ket isu pagsasaoantayo, ket saantayo nga ipangag dagiti aniaman cadagiti saona.

Jeremias 18:23

Nupay casta, Jehova, ammom amin ti panagemda a maicaniwas caniac a pangpapatay caniac; dica pacawanen ti kinadakesda, ket dica met punasen ti basolda iti imatangmo; no di ket bay-am ida a marbec iti sangoanam; pagbanagem ida iti pannawen ti pungtotmo.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Jeremias 32:3

Ta ni Sedekias nga ari ti Juda isu impupucna, a kinunana, Ania ti gapuna nga agpadtoca, ket cunam, Castoy ti cuna ni Jehova, Adtoy, itedconto daytoy nga ili iti ima ti ari ti Babilonia, ket isu alaennanto:

Jeremias 43:1

Ket naaramid nga idi a ni Jeremias nagibusannan ti panagsaona cadagiti amin a tattao cadagiti sasao ni Jehova a Diosda isu a pinaibaon ti Dios cadacuada, amin dagitoy met laeng a sasao,

Amos 7:10

Idin ni Amasias a padi idiay Bet-el, pinayammona ken ni Jeroboam nga ari ti Israel, a kinunana, Ni Amos immalsa iti maibusor kenca iti tengnga ti balay ni Israel, ti daga saanna a maibturanen amin dagiti sasaona.

San Mateo 22:6

Ket dagiti dadduma, tiniliwda dagiti adipenna, ket nagsasaoanda ket pinapatayda ida.

San Mateo 27:20

Ngem dagiti panguloen dagiti papadi ken dagiti panglacayen sinulbogda dagiti umili a dawatenda ni Barrabas ket pucawenda ni Jesus.

Dagiti Aramid 5:33

Ngem isuda, idi mangngegda daytoy, nasasakitan ti nakemda ket nagnonommoananda a papatayen ida.

Dagiti Aramid 7:52

Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;

Paltiing 18:24

Ket nasaracan kencuana ti naiparucpoc a dara dagiti mammadto, ken dagiti sasanto, ken dagiti isu-amin a napapatay ditoy daga.