Jeremias 26:5 - Ti Biblia (1973)

⁵ Tapno ipangagyo dagiti sasao dagiti adipenco a mammadto, isuda nga ibaonco cadacayo, a bimmangonac met laeng a masapa ken imbaonco ida, ngem saancayo a nangipangag;

Ti Baro a Naimbag a Damag Biblia

⁵ Masapul a denggenyo ti sao dagiti adipenko, dagiti profeta a masansan nga ibabaonko kadakayo. Pulos a saanyo nga impangag dagiti sinaoda.

Jeremias 26:5 Iomraidhean Croise

2 Ar-ari 17:13

Nupay casta ni Jehova namanecnec iti Israel, ken iti Juda, iti tunggal mammadto, ken cadagiti isu-amin a macakita iti masacbayan, a cunana, Sumiasicayo cadagita daldalanyo a dakes, ket tungpalenyo dagiti bilbilinco ken pagal-alagadac, a mayalubog iti isu-amin a linteg nga imbilinco cadagidi ammayo, ken imbaonco cadacayo a naaramat dagiti ad-adipenco a mammadto.

2 Ar-ari 17:23

Agingga iti iniccat ni Jehova ti Israel iti imatangna, a cas kinunana a naaramat dagiti isu-amin nga ad-adipenna a mammadto. Casta ti pannacayalis ti Israel nanipud iti dagada agingga iti Asiria agingga itoy nga aldaw.

2 Ar-ari 24:2

Ket ni Jehova nangibaon iti maibusor kencuana cadagiti buybuyot dagiti Caldeos, ken dagiti buybuyot dagiti Sirios, ken dagiti buybuyot dagiti Moabitas, ken dagiti buybuyot dagiti annac ni Ammon; ket imbaonna ida a maibusor iti Juda tapno isu ti dadaelenda, a mayalubog iti sao ni Jehova, nga insaona idi a naaramat dagidi ad-adipenna a mammadto.

2 Ar-ari 9:7

Ket cabilemto ti balay ni Acab nga apom, tapno maibalesco coma ti dara dagiti adipenco a mammadto, ken dagiti dara dagiti isu-amin nga ad-adipen ni Jehova, iti ima ni Jezabel.

ESDRAS 9:11

Nga imbilinmo iti pannacaaramat dagiti ad-adipenmo a mamadto, a kinunam, Ti daga a taguicuaenyo, narugit a daga a gapu iti kinarugit dagiti tattao dagiti dagdaga, gapu cadagiti kinarimonda, a nangpunno manipud iti maysa a bangir agingga iti sabali iti kinarugitda:

Jeremias 11:7

Ta simmuppiatac a siaanep cadagiti ammayo idi aldaw nga inaonco ida iti daga ti Egipto, agingga met laeng iti daytoy nga aldaw, a bimmangonac a nasapa ket simmuppiatac, a kinunac, Tungpalenyo ti timecco.

Jeremias 29:19

Gapu ta isuda dida impangag dagiti sasaoc, cuna ni Jehova, isuda a pinaidanunco cadacuada cadagiti adipenco a mammadto a bimmangonac a masapa ket imbaonco ida; ngem dicayo kinayat a dinengngeg, cuna ni Jehova.

Jeremias 32:33

Ket timmallicudda caniac, a saanda a simmango: ket nupay no insuroc ida, a bimmangonac a masapa ket isuroc ida, nupay casta saanda nga impangag nga awaten ti panangisuro.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 35:17

Gapuna a castoy ti cuna ni Jehova, a Dios dagiti buybuyot, a Dios ti Israel: Adtoy, iyegconto iti Juda ken cadagiti amin nga agnaed sadi Jerusalem amin a kinadakes nga imbalicasco a maibusor cadacuada; agsipud ta nagsaoac cadacuada, ngem saanda a nangngeg; ket inayabac ida, ngem dida simmungbat.

Jeremias 44:4

Nupay imbaonco cadacayo dagiti amin nga adipenco a mammadto, a bumangonac a masapa tapno ibaonco ida, a kinunac, O dicayo agaramid itoy macarimon a banag a guraec.

Jeremias 7:13

Ket ita, agsipud ta inaramidyo amin dagitoy nga aramid, cuna ni Jehova, ket nagsaoac cadacayo, a bimmangonac a nasapa ket nagsaoac, ngem saancayo a dimngeg; ket siac inayabancayo, ngem dicayo simmungbat:

Jeremias 7:25

Nanipud idi aldaw a dagiti ammayo rimmuarda iti daga ti Egipto agingga iti daytoy nga aldaw, imbaonco cadacayo amin dagiti ad-adipenco a mammadto, iti inaldaw a bimmangonac a nasapa ket imbaonco ida:

Ezekiel 38:17

Castoy ti cuna ni Apo Jehova: Sica aya daydi sinaoc idi unana a pannawen babaen cadagiti adipenco a mammadto ti Israel, a nagipadto cadagidi nga al-aldaw bayat ti adu a tawen a pakigubatenca cadacuada?

Amos 3:7

Kinapudnona awanto ti aramiden ni Apo Jehova a dinto maipalgac ti palimedna cadagiti adipenna, dagiti mammadto.

Zacarias 1:6

Ngem dagiti saoc ken bilinco, nga imbilinco cadagiti adipenco a mammadto, saanda aya a nacagteng cadagiti ammayo? ket isuda nagsublida ket kinunada, Cas pinanggep ni Jehova dagiti buybuyot, nga aramiden cadatayo, iti mayalubog cadagiti daldalantayo, ken mayannurot cadagiti ar-aramidtayo, casta ti inaramidna cadatayo.

Paltiing 10:7

No di ket cadagiti al-aldaw ti timec ti maicapito nga angel, inton pagunienna ti tangguyobna, isu metten ti pannacatungpalto ti palimed ti Dios, cas mayannurot iti naimbag a damag nga isu impacaammona cadagiti ad-adipenna a mammadto.

Paltiing 11:18

Ket nacapungtot dagiti pagpagarian, ket dimtengen ti pungtotmo, ken ti aldaw dagiti natay a maipaay iti pannacaocom, ken ti pannacaited ti gonggona cadagiti adipenmo a mammadto ken cadagiti sasanto, ken cadagiti agbuteng iti naganmo, babassit ken dadackel, ken ti panangdadael dagiti mangrebbec iti daga.