Jeremias 26:2 - Ti Biblia (1973)

² Castoy ti cuna ni Jehova: Agtacderca iti paraangan ti balay ni Jehova, ket agsaoca cadagiti amin nga il-ili ti Juda, nga umay nga agrucbab iti balay ni Jehova, amin dagiti sasao nga ibilinco kenca nga isaom cadacuada; dica kessayan ti maysa a sao.

Ti Baro a Naimbag a Damag Biblia

² kinuna ti Apo kaniak, “Agtakderka iti paraangan ti Templo ket ipakaammom kadagiti taga-Juda a mapan agdaydayaw sadiay ti amin nga imbilinko kenka. Awan ti ilimlimedmo. Ibagam amin.

Jeremias 26:2 Iomraidhean Croise

Jeremias 1:17

Sica ngarud baricsam dagita lomom, ket tumacderca, ket isaom cadacuada dagiti isu-amin nga ibilinco kenca: saanca nga agcullayaw cadacuada, di la ket ta upayenca iti saclangda.

Jeremias 1:7

Ngem ni Jehova kinunana caniac, Saanmo a saoen, Siac ubingac; ta amin cadagiti pangibaonacto kenca incanto, ket saritaemto amin nga ibilinconto kenca.

Jeremias 19:14

Idin immay ni Jeremias a naggapu iti Tofet, a nangibaonan kencuana ni Jehova nga agipadto; ket isu nagtacder iti paraangan ti balay ni Jehova, ket kinunana iti amin nga umili:

Jeremias 23:28

Ti mammadto nga addaan tagtagainepna, ibagana coma a tagtagainep; ket dayta nga addaan iti saoc, saoenna coma iti saoc a sipupudno. Ania aya ti garami iti trigo? cuna ni Jehova.

Jeremias 25:2

Nga sinao ni Jeremias a mammadto iti amin nga umili ti Juda, ken cadagiti amin a agnaed ti Jerusalem, a kinunana:

Jeremias 28:5

Idin ni mammadto a Jeremias kinunana ken mammadto nga Hananias iti sangoanan dagiti papadi, ken iti sangoanan ti amin nga umili a nagtacder iti balay ni Jehova,

Jeremias 36:10

Idin binasa ni Baruc iti libro dagiti sasao ni Jeremias, iti balay ni Jehova, iti siled ni Gemarias nga anac ni Safan nga escriba, iti akinngato a paraangan, idiay sercan ti baro a ruangan ti balay ni Jehova, cadagiti pagdengngeg dagiti amin a tattao.

Jeremias 42:4

Idin ni Jeremias a mammadto kinunana cadacuada, Nangngegcayo; adtoy, agcararagacto ken Jehova a Diosyo a mayannurot cadagiti saoyo; ket maaramidto nga ti uray ania a ni Jehova isungbatnanto cadacayo, ipalawagconto cadacayo; awanto ti ilimedco cadacayo.

Jeremias 7:2

Agtacderca iti ruangan ti balay ni Jehova, ket iwarragawagmo idiay daytoy a sao, ket cunaem, Denggenyo ti sao ni Jehova, dacayo amin a taga Juda, a sumrec cadagitoy a ruangan tapno agrucbabcayo ken Jehova.

Jeremias 7:27

Ket saoemto amin dagitoy a sasao cadacuada; ngem saandacanto nga ipangag: umayabcanto met cadacuada; ngem didacanto sungbatan.

Ezekiel 3:10

Kinunana manen caniac, Anac ti tao, dagiti amin a sasaoc a saoecto kenca awatem ita pusom, ket imdengam cadagita pagdengngegmo.

Ezekiel 33:7

Gapuna a sica, anac ti tao, insaadca nga agbantay iti balay ti Israel; denggem ngarud ti sao iti ngiwatco, ket ipacaammom cadacuada ti naggapu caniac.

Ezekiel 40:4

Ket daydi lalaki kinunana caniac, Anac ti tao, matmatam, ket timudem, ket ipapusom dagiti amin nga iparangconto kenca; tapno iti casta isuda maiparangco coma, kenca maiyegca ditoy, ipalawagmo amin a makitam iti balay ti Israel.

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

San Lucas 19:47

Ket nanursuro nga inaldaw idiay Templo; ngem dagiti panguloen dagiti papadi ken dagiti escriba ken dagiti nangnangrona cadagiti umili inagawaanda a papatayen:

San Juan 18:20

Ni Jesus simmungbat kencuana: Siac nagsaoac iti napanayag iti lubong: siac agnanayon a nangisursuroac idiay sinagoga ken idiay Templo, isu a paguurnongan amin dagiti Judio: ket awan ti sinaoc iti nalemmeng.

San Juan 8:2

Ket iti agsapa unay napan manen iti Templo, ket amin dagiti umili immayda kencuana; ket isu nagtugaw, ket insursurona ida.

Dagiti Aramid 20:20

Ta awan ti aniaman a macapalaing a binaybay-ac nga impacaammo cadacayo ket insuroc cadacayo iti sangoanan dagiti tao ken cadagiti balbalay.

Dagiti Aramid 20:27

Ta saanco a binaybay-an ti panangipacaammo cadacayo ti amin a bagbaga ti Dios.

Dagiti Aramid 5:25

Ket immay ti maysa ket impacaammona cadacuada a kinuna: Adtoy, dagiti lallaki nga impisocyo iti pagbaludan, addada a sitatacder idiay templo, ket sursuroanda dagiti umili.

Dagiti Aramid 5:42

Ket inaldawaldaw iti templo ken cadagiti balbalay, dida namingga a manursuro ken mangicascasaba a ni Jesus isu ti Cristo.

Deuteronomio 12:32

Uray aniaman nga ibilinco cadacayo dayta ti tungpalenyonto nga aramiden: saanmonto a naynayonan, wenno curangan.

Deuteronomio 12:5

Ngem iti disso a ni Jehova a Diosyo piliennanto nga aggapu cadagiti amin a capcaputotanyo tapno icabilna idiay ti naganna, uray iti taengna sapulenyonto, ket idiay ti papanamto;

Deuteronomio 4:2

Dicayto sursurocan ti sao nga ibilinco cadacayo, wenno dicayto met kessayan, tapno mabalinyo a salimetmetan dagiti bilbilin ni Jehova a Diosyo, nga igunamgunamco cadacayo.

Josue 8:35

Awan idi ti sao cadagiti amin nga imbilin ni Moises a di-imbasa ni Josue iti sango ti isu-amin a gimong ti Israel, cadagiti babbai ken ububbing, ken cadagiti gangannaet nga adda cadacuada idi.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.