Jeremias 24:3 - Ti Biblia (1973)

³ Idin kinuna ni Jehova caniac, Ania ti makitam, Jeremias? Ket kinunac, Dagiti higos; dagiti nasayaat nga higos, nasayaat unay; ket daigiti dakes dakesda unay; kot dagiti dakes dakesda unay, a saan a mabalin a canen, ta dakesda unay.

Ti Baro a Naimbag a Damag Biblia

³ Kinuna ni Yahweh kaniak, “Jeremias, ania ti makitam?” “Igos,” insungbatko. “Dagiti nasayaat nga igos, nasayaatda unay. Dagiti nalungsot, nalungsotda ket saanen a makan.”

Jeremias 24:3 Iomraidhean Croise

Jeremias 24:4

Ket ti sao ni Jehova dimteng caniac, a kinunana,

Jeremias 29:17

Castoy ti cuna ni Jehova dagiti buybuyot: Adtoy, ibaonconto cadacuada ti campilan, ti bisin, ken ti angol, ket pagbalinecto ida a cas cadagiti nalaad nga higos, a saan a mabalin a canen, ta dakesda unay.

Amos 7:8

Ket ni Jehova kinunana caniac, Ania ti makitam, Amos? Ket kinunac, Maysa a tinnag. Idin kinuna ti Apo, Adtoy, mangicabilacto iti maysa a tinnag iti tengnga ti ilic nga Israel; diacto labasanen ida;

Amos 8:2

Ket kinunana, Ania ti makitam, Amos? Ket insungbatco, Maysa nga alat ti bunga iti pannawen ti pudot. Idin kinuna caniac ni Jehova, Napagtengen ti canibusanan ti ilic nga Israel; diacto labasanen ida.

Zacarias 4:2

Ket isu kinunana caniac, Ania ti makitam? Ket kinunac, Nakitac, ket adtoy, ti maysa a candelero a biig a balitoc, agraman liccocongna iti rabawna, ken pito a pagsilawan kencuana; adda pito a tubo iti tumunggal pagsilawan, nga adda iti rabawna,

Zacarias 5:2

Ket isu kinunana caniac, Ania ti makitam? Ket simmungbatac, Makitac ti sangcalucot a pagbasaan nga agtaytayab; ti caatiddugna duapulo a sico, ket ti caacabana sangapulo a sico.

1 Samuel 9:9

(Idi ugma iti Israel, no maysa a tao mapan idi agsaludsod iti Dios, castoy ti kinunana, Umaycayo ket intayo coma macakita iti masacbayan; ta dagidiay naganenda ita iti Mammadto nagaladan idi ugma iti Macakita iti masacbayan.)