Jeremias 23:3 - Ti Biblia (1973)

³ Ket urnongecto ti natda iti pangenco cadagiti amin a dagdaga a nangipaturongac cadacuada, ket iyegconto manen ida cadagiti pagaponanda; ket isuda dagiti nabunga nabungadanto ket umaduda.

Ti Baro a Naimbag a Damag Biblia

³ Ayabakto dagiti natda a tattaok kadagiti daga a nangiwaraak kadakuada ket isublikto ida iti dagada. Adunto dagiti annakda, ket umadudanto.

Jeremias 23:3 Iomraidhean Croise

Dagiti Salmo 106:47

Isalacannacami, O Jehova a Diosmi, ket acoyennacami nga alaen cadagiti nasnacion, tapno agyamancami ita nasantoan a naganmo, ket agballigicami iti pannacaidaydayawmo.

Jeremias 16:15

No di ket, Cas sibibiag ni Jehova, a nangiruar cadagiti annac ti Israel nanipud iti daga ti amianan, ken nanipud cadagiti amin a dagdaga a nangipaturonganna cadacuada. Ket iyegconto manen ida iti dagada nga intedco cadagiti ammada.

Jeremias 29:14

Ket masaracandacto, cuna ni Jehova: ket pagbaliwecto iti pannacacayawyo, ket urnongencayto nga aggapu cadagiti amin a nacion, ken cadagiti amin a disso a nangipaturongac cadacayo, cuna ni Jehova; ket pagsubliencayto manen ditoy a disso a nangigapuac cadacayo a nacayawan.

Jeremias 30:10

Gapuna a saanca nga agbuteng, O adipenco a Jacob, cuna ni Jehova; dica met agcullayaw, O Israel: ta, adtoy, isalacancanto manipud iti adayu, ken dagiti capuonam manipud iti daga ti pannacacayawda; ket ni Jacob agsublinto, ket aginananto ken agtalnanto, ket awanto ti mangpabuteng kencuana.

Jeremias 30:3

Ta, adtoy, dagiti al-aldaw dumtengda, cuna ni Jehova, a siac pagbaliwecto ti pannacacayaw ti ilic nga Israel ken Juda, cuna ni Jehova, ket pasubliecto ida iti daga nga intedco cadagidi ammada, ket tagicuaendanto.

Jeremias 31:7

Ta castoy ti cuna ni Jehova; Agcantacayo a siraragsac a maipaay ken Jacob, ket agdir-icayo a maipaay iti cangronaan cadagiti nasnacion: agibunannagcayo, agdaydayawcayo, ket cunayo, O Jehova, ispalem ti ilim, ti matda iti Israel.

Jeremias 31:8

Adtoy, siac iyegconto ida manipud iti daga iti amianan, ket urnongecto ida manipud cadagiti caadayuan a paspaset ti daga, ket maicuyog cadacuada ti bulsec ken ti pilay, ti babai a masicug ken castamet daydiay nga agpasical nga agipasngay: agsublidanto ditoy a dackel a bunggoy.

Jeremias 32:37

Adtoy, urnongecto ida manipud cadagiti amin a dagdaga, a nangipaturongac cadacuada gapu iti ungetco, ken iti rungsotco, ken iti dackel a pungtotco, ket iyegconto manen ida ditoy a disso, ket pagnaedecto ida a sitatalged.

Jeremias 46:27

Ngem dica agbuteng, O Jacob nga adipenco, dica met agcullayaw; O Israel: ta adtoy, siac ispalencanto manipud iti adayu, ken ti capuonam manipud iti daga ti pannacacayawda; ket ni Jacob agsublinto, ket natalgedto ken natalna, ket awanto ti mangpabuteng kencuana.

Jeremias 50:19

Ket iyegconto manen ti Israel iti pagarabanna, ket agarabto idiay Carmelo ken Basan, ket ti cararuana mapnecto iti rabaw dagiti turturod ti Efraim ken sadi Galaad.

Jeremias 8:3

Ket ti patay mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.

Ezekiel 11:17

Cunam ngarud, Castoy ti cuna ni Apo Jehova: Siac urnongencayto nga aggapu cadagiti il-ili, ket tiponencayto nga aggapu cadagiti dagdaga a nacaiwarwarasanyo ket itedconto cadacayo ti daga ti Israel.

Ezekiel 36:11

Ket paaduecto cadacayo ti tao ken ti animal; ket manayonandanto ken nabungada; ket pagbalinencayto a mapagnaedan a cas idi immun-una a casasaadyo, ket aramidecto ti nasaysayaat cadacayo ngem cadagidi damoyo: ket mabigbigyonto a siac ni Jehova.

Ezekiel 36:24

Ta alaencayto manipud iti tengnga dagiti nasnacion, ket urnongencayto manipud cadagiti amin a dagdaga, ket yegcayto iti dagayo met laeng.

Ezekiel 36:37

Castoy ti cuna ni Apo Jehova: Gapu iti daytoy, mapagdawatanacto met iti balay ti Israel, tapno isu aramidec a maipaay cadacuada: paaduecto ida cadagiti tattao cas maysa nga arban.

Levitico 26:9

Ket patgencayto, ket parangayencayto, ken paaduencayto, ket ibuangayconto ti tulagco cadacayo.

Mikias 2:12

Di bumurong, O Jacob, a siac urnongencanto amin; di bumurong nga urnongecto ti tidda ti Israel; icabilconto ida a natiptipon a cas la carcarnero ti Bosra, cas maysa a pangen iti nagtengngaan ti pagarabanda; mangaramiddanto iti dackel nga anabaab a gapu iti caadu dagiti tao.

Mikias 7:12

Iti dayta nga aldaw umaydanto kenca manipud iti Asiria ken cadagiti ciudad ti Egipto, ken manipud iti Egipto agingga met laeng iti Carayan, ken manipud baybay agingga iti baybay, ken manipud bantay agingga iti bantay.