Jeremias 22:6 - Ti Biblia (1973)

⁶ Ta castoy ti cuna ni Jehova maipapan iti balay ti ari ti Juda: Sica ti Galaad caniac ken ti olo ti Libano; nupay casta aramidencanto a di bumurong a maysa a let-ang ken il-ili nga awan agnaed.

Ti Baro a Naimbag a Damag Biblia

⁶ “Ibilangko a napintas ti palasio ti Juda a kas iti Galaad ken iti Bantay Libano, ngem paglangalangekto agingga nga awan ti agnaed.

Jeremias 22:6 Iomraidhean Croise

Genesis 37:25

Ket nagtugawda a nangan iti tinapay: ket intangadda dagiti matmatada ket kinitada, ket, adtoy, sumungad ti maysa a sangcacuyog dagiti Ismaelitas nga aggapu idiay Galaad, ket dagiti camcamelloda inawitda dagiti especias ken balsamo ken mirra, ket ipanda idi sadi Egipto.

Dagiti Salmo 107:34

Daga a pagapapitan, a naapaya a daga, gapu iti kinadakes dagiti agnaed cadacuada.

Kanta ni Solomon 4:1

Adtoy, sica naimnasca, ayayatec; adtoy, sica naimnasca; dagiti matam cacasda cadagiti calapati iti licudan ti abungotmo. Ta buocmo cas maysa a pangendagiti calding, a siidda iti bacrang ti bantay Galaad.

Kanta ni Solomon 5:15

Dagiti luppona cas la cadagiti adigi a marmol, a naisaad iti rabaw dagiti batay a balitoc a nasudi: ti langana umasping iti Libano, a nadayag a cas cadagiti cantingen.

Isaias 27:10

Ta ti nasarikedkedan nga ili agwaywayas, maysa a pagtaengan a napanawan ken binaybay-an, a caasping ti let-ang: idiay agarabto ti urbon ti vaca, ken agiddanto idiay, ken arabenna dagiti sangana.

Isaias 37:24

Iti pannacaaramat dagiti ad-adipenmo kinaritmo ti Apo, ket kinunam, Iti kinaadu dagiti lugluganco simmang-atac iti tapaw dagiti banbantay, cadagiti caunegan ti Libano; ket pucanecto dagiti natayag a cantingenna, ken dagiti casayaatan a parwana; ket sumrecacto iti cangatoan a tapawna, ti bakir ti nabunga a talonna;

Isaias 6:11

Idin kinunac, Apo, casano aya ti cabayagna? Ket isu simmungbat, Agingga iti maracrac dagiti il-ili nga awan matagtagitao, ken dagiti balbalay nga awan tattaoda, ken ti daga aglangalang a maikisap.

Jeremias 21:11

Ket no maipapan iti balay ti ari ti Juda, denggenyo ti sao ni Jehova:

Jeremias 21:14

Ket dusaencayto cas mayannurot iti bunga dagiti gapuananyo, cuna ni Jehova; ket mangpasgedacto iti maysa nga apuy idiay bakirna, ket runawennanto amin nga adda nga aglicmut kencuana.

Jeremias 22:24

Cas sibibiagac, cuna ni Jehova, uray no ni Conias nga anac a lalaki ni Joakim nga ari ti Juda isu coma ti singsing a pagtanda iti macanawan nga imac, nupay casta lapsutenca coma iti imac;

Jeremias 26:18

NI Mikeas a Morastita nagipadto cadagiti aldaw ni Ezekias nga ari ti Juda; ket isu nagsao iti amin nga umili ti Juda, a kinunana, Castoy ti cuna ni Jehova dagiti buybuyot; Ti Zion maaradonto a cas maysa a talon, ket ti Jerusalem agbalinto a bonbontoon, ket ti bantay ti balay cas cadagiti nangato a disso ti cabakiran.

Jeremias 4:20

Pannacarbec ken pannacarbec ti maiririaw; ta sui-amin a daga nalangalang: pettat a nadadael dagiti toltoldac, ken dagiti bengbengco iti maysa a canito.

Jeremias 4:7

Maysa a leon simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga awan ti agnaed.

Jeremias 50:12

Ni inayo mabainanto a naananay; daydiay nangyanac cadacayo marironto: adtoy, isunto ti caudian cadagiti nasnacion, maysa a let-ang, namaga a daga, ken langalang.

Jeremias 7:34

Ket pasardengecto cadagiti il-ili ti Juda, ken cadagiti lanlansangan ti Jerusalem, ti timec ti rag-o ken ti timec ti ragsac, ti timec ti novio ken ti timec ti novia; ta ti daga agbalinto a langalang.

Jeremias 8:22

Awan ti balsamo aya idiay Galaad? Awan ti mangngagas aya idiay? Apay ngarud a ti salunat ti anac a babai ti ilic saan a maipulang?

Jeremias 9:11

Ket pagbalinecto ti Jerusalem a gabgabsuon, gucayab dagiti aso ti let-ang; ket pagbalinecto dagiti il-ili ti Juda a langalang, nga awan ti agnaed.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.

Zacarias 11:1

Luctam dagita ruanganmo, O Libano, tapno ti apuy lamutenna dagita cantingenmo.

Numero 32:1

Ita dagiti annac ni Ruben ken dagiti annac ni Gad addaanda idi iti nagpaiduma a caadu nga an-animal: ket idi nakitada ti daga a Jazer, ken ti daga a Galaad, nga adtoy, lugar idi a maysa a maipaay iti an-animal;

Deuteronomio 3:25

Ipalubosmo a lumasatac coma, dawatec ken, a kitaen ti nasayaat a daga nga adda iti bal-lasiw ti Jordan daydiay napanayag a bantay ken ti Libano.