Jeremias 22:5 - Ti Biblia (1973)

⁵ Ngem no dicayto denggen dagitoy a sasao, agsapataac gapu caniac met laeng, cuna ni Jehova, a daytoy a balay agbalinto a langalang.

Ti Baro a Naimbag a Damag Biblia

⁵ Ngem no diyo tungpalen ti saok, isapatak a madadaelto daytoy a palasio. Siak, ni Yahweh, ti nagsao iti daytoy.

Jeremias 22:5 Iomraidhean Croise

Genesis 22:16

Ket kinunana, Gapu caniac met laeng sinapataac, kinuna ni Jehova, a gapu ta inaramidmo daytoy, ket dica inkedked ti anacmo, ti bugbugtong nga anacmo,

2 Cronicas 7:19

Ngem ket di no sumiasicayo, ket baybay-anyo dagiti ipaalagadco ken bilbilinco nga incabilco iti sangoyo, ket incayo agservi cadagiti didiosen a sabali, ket agrucbabcayo cadacuada;

2 Cronicas 7:21

Ket daytoy a balay a casta unay a nagdaeg, tunggal maysa a lumabas kencuana masdaawto, ket cunaennanto, Apayapay nga inaramid ni Jehova ti castoy iti dagana, ken iti daytoy a balay?

2 Cronicas 7:22

Ket sumungbatdanto, Agsipud ta binay-anda ni Jehova a Dios dagiti ammada, a nangaon cadacuada iti daga ti Egipto, ket nangalada cadagiti sabsabali a didiosen, ket nagrucbabanda ida ket nagservianda ida: gapuna nga isu inyegna cadacuada amin daytoy a dakes.

Dagiti Salmo 95:11

Gapuna insapatac iti panaglucsawco a didanto sumrec iti inanac.

Isaias 1:20

Ngem no paayenyo ken sumukircayo, maalun-uncayto iti campilan; ta ti ngiwat ni Jehova insaona.

Jeremias 12:7

Pinanawac ti balayco, imbellengco ti tawidco; intedco dagiti ay-ayaten unay ti cararuac iti ima dagiti cabusorna.

Jeremias 17:27

Ngem no didac ipangag maipuon iti panagngilinyo ti aldaw a panaginana, ken iti saan a panagawit iti maysa nga awiten ken iseserrec cadagiti ruangan ti Jerusalem iti aldaw a panaginana; pasgedacto ngarud ti maysa nga apuy cadagiti ruanganna, ket alun-unennanto dagiti palacio ti Jerusalem, ket saanto a maiddep.

Jeremias 26:4

Ket cunaemto cadacuada, Castoy ti cuna ni Jehova; No didacto ipangag, tapno magnacayo iti lintegco isu nga incabilco iti sangoananyo,

Jeremias 39:8

Ket dagiti Caldeos pinuuranda ti balay ti ari, ken dagiti balbalay dagiti tattao iti apuy, ket rinebbada dagiti bacud ti Jerusalem.

Jeremias 44:26

Gapuna denggenyo ti sao ni Jehova, amin a taga Juda nga agnaed iti daga nga Egipto: Adtoy, nagsapataac babaen ti dackel a naganco, cuna ni Jehova, a ti naganco saanto a balicsenen ti ngiwat ti siasinoman a tao ti Juda iti amin a daga nga Egipto, a cunana, Cas sibibiag ni Apo Jehova.

Amos 6:8

Ni Apo Jehova sinapataanna kencuana met laeng, cuna ni Jehova a Dios dagiti buybuyot: Guraec ti kinatan-oc ni Jacob, ken cagurac dagiti palaciona; iti casta yawatconto ti ili ken amin a naglas-ud kencuana.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.

San Mateo 23:38

Adtoy, ti balayyo mapanawan cadacayo nga awan naggian.

Hebreo 3:18

Ket siasino dagidi nangisapataanna a didanto sumrec iti paginanaanna no saan a dagiti di nagtulnog?

Hebreo 6:13

Ta idi nagcari ti Dios ken Abraham, gapu ta dina nabalin ti agsapata iti sabali a dacdackel, nagsapata babaen ti kinaisuna met laeng.

Hebreo 6:17

Gapuna, idinto a cayat ti Dios nga ipakita a nalawlawag pay cadagiti agtawid iti cari, ti kinatibker ti panggepna imbal-laetna ti maysa a sapata;