Jeremias 22:3 - Ti Biblia (1973)

³ Castoy ti cuna ni Jehova: Agaramidcayo ti kinajusticia ken kinalinteg, ket ispalenyo ti natacawan iti ima ti mangidadanes: ket dicayo agaramid iti dakes, dicayo agaramid iti ranggas, iti gangannaet, iti ulila wenno iti balo a babai; ket dicayo met mangibuyat iti awan basolna a dara ditoy a disso.

Ti Baro a Naimbag a Damag Biblia

³ “Siak, ni Yahweh, ibagak nga aramidenyo ti nalinteg ken naimbag. Salaknibanyo ti tao nga idadanes ti padana a tao. Diyo ranggasan wenno parigaten dagiti ganggannaet, dagiti ulila wenno dagiti balo. Diyo patayen ditoy nasantoan a lugar dagiti awan basolna.

Jeremias 22:3 Iomraidhean Croise

2 Samuel 23:3

Ti Dios ti Israel kinunana, ti Bato ti Israel nagsao caniac: ti maysa a mangituray a sililinteg cadagiti tattao, a mangituray iti panagbuteng ti Dios,

2 Ar-ari 24:4

Ken casta met a gapu iti dara nga awanan basol nga imbuyatna; ta pinunnona ti Jerusalem iti dara nga awanan basol: ket saan a pinacawan ni Jehova.

Ti Libro ni Job 22:9

Imbaonmo dagiti babbalo a babbai a sioongaong, ket binungtolmo dagiti tactackiag dagiti ul-ulila.

Ti Libro ni Job 24:9

Adda dagiti mangrabsut cadagiti ul-ulila iti barucong, ken mangala iti maysa a salda ti napanglaw;

Dagiti Salmo 68:5

Ama dagiti ululila, ken ocom dagiti babbalo, ti Dios iti nasantoan a pagnaedanna.

Dagiti Salmo 82:4

Subbotenyo dagiti napanglaw ken macasapul: ispalenyo ida iti ima dagiti managdacdakes.

Dagiti Salmo 94:21

Agtitimpuyogda a mangbusor iti cararwa ti nalinteg, ken mangpabasol iti nadalus a dara.

Dagiti Salmo 94:6

Patayenda ti balo ken ti gangannaet, ken iccatenda ti biag dagiti ululila.

Exodo 22:21

Ket dica ranggasan, wenno parparigaten ti maysa a gangannaet: gapu ta naggangannaetcayo iti daga nga Egipto.

Exodo 22:22

Dicayo parparigaten ti uray siasino a balo a babai uray ti ulila iti ama.

Dagiti Proverbio 23:10

Dica iyalis ti cadaanan a dolon; dica met lumas-ud cadagiti dagdaga dagiti ululila:

Dagiti Proverbio 6:17

Natangsit a matmata, naulbod a dila, ken im-ima a mangibuyat iti dara nga awan basolna;

Isaias 1:23

Dagiti pangpanguloem managalsada, ken cadcadua ida dagiti mannanacaw; tunggal maysa cadacuada ayatenna ti panocsoc, ken surotsurotenna ti gunguna; dida icalintegan ti ul-ulila, ket di met dumanon cadacuada ti darum ti balo a babai.

Isaias 58:6

Saan a daytoy aya ti panagayunar a pinilic: tapno pangketta cadagiti galut ti kinadangkes, tapno pangwarwar cadagiti patapat ti sangol, ket tapno pagwayawayaen ti mailuplupit, ken tapno bungtolenyo coma ti tunggal sangol?

Isaias 58:7

Saan aya a tapno iwarasmo ti tinapaymo iti mabisin, ken ti panangalam iti balaymo iti napanglaw a napagtalaw? no makitam ti silalamolamo, tapno isu cawesam: ket dica coma baybay-an ti lasagmo met laeng?

Jeremias 19:4

Agsipud ta binaybay-andac, ken insabalida daytoy a disso, ken nangpuurda iti incienso kencuana cadagiti sabali a diosen a dida naammoan, isuda ken dagiti ammada ken dagiti ar-ari ti Juda, ket pinunnoda daytoy a disso iti dara dagiti awan basolda,

Jeremias 21:12

O balay ni David, castoy ti cuna ni Jehova, Tungpalem ti kinajusticia iti agsapa, ket ispalem ti natacawan iti ima ti mangidadanes, di la ket ta ti pungtotco rumuar a cas iti apuy, ket aguram nga awan ti macaiddep kencuana, gapu iti kinadakes dagiti gapuannanyo.

Jeremias 22:17

Ngem dagiti matam ken ta pusom maipaayda laeng iti kinaagummo, ken ti panangibuyat iti awan basolna a dara, ken panangirurumen, ken panangranggas tapno aramidem.

Jeremias 26:16

Idin kinuna dagiti piprincipe ken amin nga umili cadagiti papadi ken cadagiti mammadto: daytoy a lalaki saan a maicari iti patay; ta isu nagsao cadatayo iti nagan ni Jehova a Diostayo.

Jeremias 5:28

Limmucmegda, agsilnagda; wen, isuda aglabesda cadagiti aramid ti kinadakes; saanda a salaysayen ti panggep, ti panggep ti ulila, tapno rumang-ayda coma; ket ti calintegan dagiti nacacaasi saanda nga ocomen.

Jeremias 7:23

Ngem daytoy a banag imbilinco cadacuada, a kinunac, Ipangagyo ti timecco, ket siacto ti Diosyo, ket dacayto ti ilic; ket magnacayo iti amin a dalan nga ibilinco cadacayo, tapno mapaimbagcayo.

Jeremias 9:24

No di ket ti agpasindayag agpasindayag coma iti daytoy, nga isu adda pannacaawatna ken ammonac, a siac ni Jehova nga agaramid ti kinamanangngaasi, kinajusticia, ken kinalinteg ditoy daga; ta cadagitoy a banbanag agragsacac, cuna ni Jehova.

Dungdung-aw 3:36

Ken iti panangkillo iti panggep ti tao, ti Apo saanna nga anamungan.

Ezekiel 18:12

Pinarigatna ti napanglaw ken addaan pannacasapul, nagala iti tinacaw, dina insubli ti salda, ket intangadna dagiti matana cadagiti didiosen, nagaramid iti kinarimon,

Ezekiel 18:7

Ket saanna a rinanggasan ti siasinoman, no di ket insublina ti insalda ti nacautang, awan ti innalana a tinacaw, intedna ti tinapayna iti mabisin, ket kinawesanna ti lamolamo iti pagan-anay;

Ezekiel 22:7

Kenca dida impatpateg ti ama ken ina; iti nagtengngaam nagaramidda iti panangidadanes cadagiti agnaed; kenca rinanggasanda ti ulila ken ti balo.

Ezekiel 45:9

Castoy ti cuna ni Apo Jehova: umdas coma cadacayo, O piprincipe ti Israel: iccatenyo ti panangranggas ken panagsamsam, ket agaramidcayo iti kinajusticia ken kinalinteg; iccatenyo ti panangirurumen iti ilic, cuna ni Apo Jehova.

Joel 3:19

Ti Egipto maysanto a langalang, ket ti Edom maysanto a nalangalang a let-ang, maipuon iti ranggas a naaramid cadagiti annac ni Juda, ta imbucbocda ti awan basolna a dara iti dagada.

Levitico 19:15

Dicayto aramiden ti kinakillo iti panangocom: dicanto idumduma ti kinatao ti napanglaw, wenno bigbigen ti kinatao ti mannacabalin; ngem iti naincalintegan ti pangocommo iti padam a tao.

Amos 5:15

Guraenyo ti dakes, ket ayatenyo ti imbag, ket ipasdecyo ti kinajusticia idiay ruangan; nalabit a ni Jehova, ti Dios dagiti buybuyot, addanto laeng asina iti matda ken ni Jose.

Amos 5:24

Ngem agayus coma ti kinajusticia a cas cadagiti dandanum, ken ti kinalinteg cas napegges a carayan.

Mikias 3:11

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

Mikias 6:8

Imparangna kenca, O tao, daydiay naimbag; ket ania aya ti iparebbeng ni Jehova kenca, no di laeng ti agaramid a sililinteg, ken iti kinamanangngaasi ken pannagna a sipapacumbaba iti Diosmo?

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.

San Mateo 23:23

Asicayo pay, escriba ken Fariseo, a managinsisingpet! ta agbayadcayo ti pagcapul-lo ti yerbabuena, ti anis ken ti comino, ket dicay incancano dagiti banag a napatpateg iti linteg nga isuda, ti kinalinteg, ti panangngaasi ken ti pammati. Dagitoy rebbengyo coma nga aramiden, ket dicay met bay-an dagiti dadduma.

Deuteronomio 10:18

Isu aramatenna ti kinajusticia cadagiti ul-ulila ken balo, ket ayatenna ti gangannaet iti panangited iti taraon ken pagan-anay.

Deuteronomio 24:17

Dicanto pakilloen ti calintegan a carbengan ti gangannaet, wenno iti ulila, wenno awaten a saldaen ti pagan-anay ti balo a babai;

Deuteronomio 24:7

No ti maysa a tao masalamaan nga agtacaw iti siasino cadagiti cacabsatna nga annac ti Israel ket aramidenna a cas maysa nga adipen, wenno ilacona: dayta a nagtacaw matayto ngarud: casta ti panangiccatmonto ti dakes iti tengngam.

Deuteronomio 25:1

No addanto susic cadagiti tattao, ket umamangda iti pangocoman, ket dagiti oc-ocom ocomenda ida; panecnecandanto ngarud ti nalinteg, ket dusaendanto ti dakes;

Deuteronomio 27:19

Mailunod ti mangipakillo iti calintegan ti gangannaet, ti ulila, ken ti balo a babai. Ket amin a tattao cunadanto, Sapay coma.

Santiago 1:27

Ti panagdaydayaw a nadalus ken awan tulawna iti imatang ti Diostayo ken Ama, isu daytoy: Sarungcaran dagiti awan ti ammada ken dagiti balo a babbai iti ladingitda, ken agannad nga awan tulaw ti lubong.