Jeremias 22:10 - Ti Biblia (1973)

¹⁰ Saanyo a sangitan ti natay, ket isu dicayo met dung-awan; ngem sangitanyo a sipapait ti pumanaw; ta saanton nga agsubli dina met makitan ti daga a nacayanacanna.

Ti Baro a Naimbag a Damag Biblia

¹⁰ Tattao ti Juda, diyo sangitan ni Ari Josias, saanyo a dung-awan ti ipapatayna. Sangitanyo ketdi iti napait ni Sallum nga anakna, ta ipanawdan ket saanton nga agsubli, saannanton a makita ti daga a nakayanakanna.

Jeremias 22:10 Iomraidhean Croise

2 Ar-ari 22:20

Gapuna, adtoy, siac itiponcanto cadagiti ammam, ket sica maitiponcanto iti tanemmo iti kinatalna, uray dagita matam didanto makita ti isu-amin a dakes a yegconto itoy a disso. Ket isuda insaoda manen iti ari.

2 Ar-ari 23:29

Cadagidi al-aldawna ni Faraon Necao nga ari sadi Egipto simmang-at a maibusor iti ari ti Asiria agingga iti carayan a Eufrates: ket ni ari Josias rimmuar a maibusor kencuana; ket isu pinapatay ni Faraon Necao idiay Megiddo, idi nga isu nakitana.

2 Cronicas 36:4

Ket ti ari ti Egipto inaramidna ni Eliakim a cabsatna nga ari ti Juda ken Jerusalem, ket pinagbalinna ti naganna a Joakim. Ket ni Necao innalana ni Joacaz a cabsatna, ket impanna idiay Egipto.

Eclesiastes 4:2

Gapuna a dinaydayawco dagiti natay a natayen idi nabayag a pannawen a nangnangrona ngem cadagiti sibibiag nga agbibiag pay laeng;

Isaias 57:1

Ti nalinteg mapucaw, ket awan ti tao a mangicascaso; ket dagiti manangaasi a lallaki maiccatda, awan ti mangotob a ti nalinteg maiccat iti sangoanan ti dakes nga umay.

Jeremias 16:7

Ket dagiti tattao saandanto met nga agpisi iti tinapay iti panagladingit gapu cadacuada, tapno liwliwaenda ida gapu cadagiti natnatay; ket dagiti tattao didanto met ited ti copa ti pangliwliwa tapno uminumda gapu iti amada wenno gapu iti inada.

Jeremias 22:11

Ta castoy ti cuna ni Jehova maipapan ken Sallum nga anac a lalaki ni Josias, nga ari ti Juda, isu a nagturay iti saad ni Josias nga amana, ken isu a rimmuar manipud ditoy a disso: Isu saanton nga agsubli ditoy:

Jeremias 22:18

Castoy ngarud ti cuna ni Jehova maipapan ken Joakim, nga anac a lalaki ni Josias, ari ti Juda: Saandanto nga agunnoy gapu kencuana, a cunada, Ay cabsatco a lalaki! wenno, Ay cabsat a babai! Saandanto nga agunnoy gapu kencuana, a cunada, Ay Apo! wenno, Ay ti dayagna!

Jeremias 22:27

Ngem iti daga isu a dagiti carcararuada tarigagayanda a pagsublian, idiay saandanto a macasubli.

Jeremias 25:27

Ket cunaemto cadacuada, Castoy ti cuna ni Jehova dagiti buybuyot, a Dios ti Israel: Uminumcayo, ket mabarteccayo, ken agbaccuarcayo ket matuangcayo, ket saancayon a bumangon, gapu iti campilan nga ibaonconto cadacayo.

Jeremias 28:4

Ket iyegconto manen ditoy a disso ni Jeconias nga anac a lalaki ni Joakim, nga ari ti Juda, agraman cadagiti amin a nacayawan ti Juda, a napan idiay Babilonia, cuna ni Jehova; ta bungtolecto ti sangol ti ari ti Babilonia.

Jeremias 42:18

Ta castoy ti cuna ni Jehova dagiti buybuyot, a Dios ti Israel: Cas ti pannacaibuyat ti ungetco ken pungtotco cadagiti agnaed sadi Jerusalem, casta met laeng maibuyatto ti pungtotco cadacayo, intono sumreccayo sadi Egipto; ket dacayto ti pacatabbaawan ken pagsiddaawan, ken pacailunodan, ken pacaumsian; ket dicayto makitan daytoy a disso.

Jeremias 44:14

Iti casta awanto ti matda a taga Juda, a napan iti daga nga Egipto tapno agyanda sadiay, a macalisi wenno matdanto, tapno agsubli iti daga ti Juda, a tarigagayanda a pagsublian tapno agnaedda sadiay: ta awanto ti agsubli no di laeng dagidiay nagtalaw.

Dungdung-aw 4:9

Dagidiay napapatay iti campilan nasaysayaatda ngem dagidiay napatay iti bisin; ta dagitoy cumapsutda, samayenna ida, gapu iti kinakirang dagiti bungbunga ti tanap.

Ezekiel 24:16

Anac ti tao, adtoy, iccatec kenca ti tarigagay dagiti matam iti maysa a pettat a didigra: nupay casta dicanto agladingit wenno agsangit, ket di met agayus dagita luluam.

San Lucas 23:28

Ngem ni Jesus, idi a timmaliaw cadacuada, kinunana: Babbai nga annac ti Jerusalem, saandac a sangitan, ngem sangitanyo ketdi ti bagiyo met laeng, ken dagiti annacyo.