Jeremias 21:2 - Ti Biblia (1973)

² Dawatec kenca, agintuudca ken Jehova gapu cadacami: ta ni Nabucodonosor nga ari ti Babilonia mangaramid ti gubat a maibusor cadacami; bareng no ni Jehova agaramid cadatayo cas mainugot cadagiti amin a nacascasdaaw a gapuananna, tapno daydiay pumanaw coma cadatayo.

Ti Baro a Naimbag a Damag Biblia

² “Ikararagannakami koma iti Apo, ta gubatennakami ni Nebucadnesar nga ari ti Babilonia. Agdawatka kenkuana bareng no agaramid iti milagro ket pilitenna nga agsanud ni Nebucadnesar.”

Jeremias 21:2 Iomraidhean Croise

Genesis 10:10

Ket ti nangrugian ti pagarianna idi ti Babel, ken Erac, ken Acad, ken Calne, iti daga a Sinnaar.

2 Ar-ari 1:3

Ngem ti angel ni Jehova kinunana ken ni Elias a Tisbita, Tumacderca, ket sumang-atca a sumabet cadagiti babaonen ti ari ti Samaria, ket cunaem cadacuada, Agsipud aya ta awan ti Dios iti Israel, nga dacayo incayo umuman ken ni Baal-zebub a dios ti Ecron?

2 Ar-ari 17:24

Ket ti ari sadi Asiria nangyeg cadagiti tattao a naggapu iti Babilonia ken naggapu iti Cuta, ken naggapu iti Ava, ken naggapu iti Hamat ken naggapu iti Sefarvaim, ket incabilna ida cadagiti il-ili ti Samaria iti naglugaran dagiti annac ti Israel; ket tinagicuada ti Samaria, ket nagnaedda cadagiti il-ilina.

2 Cronicas 32:21

Ket ni Jehova imbaonna ti maysa nga angel, isu a nangdadael cadagiti amin a lallaki a mannacabalin ken mamaingel, ken dagiti mangidaldalan ken capcapitan idiay pacarso ti ari ti Asiria. Iti casta isu nagsubli a sibabain ti rupana agingga iti dagana met laeng. Ket idi dimteng iti balay ti diosna, dagiti nagtaud idi iti unegna met laeng, isu pinatayda sadiay iti campilan.

Exodo 9:28

Agcararagcayo ken Jehova; ta umanayen dagitoy mannacabalin a gurrood ken uraro; ket siac palubosancayto ket dicayto agbayagen.

Isaias 48:2

(Ta naganenda ti bagida a tattaoda iti santo nga ili, ken agsadagda iti Dios ti Israel; Jehova dagiti buybuyot ti naganna):

Jeremias 15:11

Ni Jehova kinunana, Pudno papigsaennacanto a maipaay iti imbag; pudno ti cabusor pagdawatecto kenca iti pannawen ti dakes ken iti pannawen ti liday.

Jeremias 21:3

Idin kinuna ni Jeremias cadacuada, Castoy ti saoenyonto ken Sedekias:

Jeremias 32:17

O Apo Jehova, adtoy, sica inaramidmo dagiti langlangit ken ti daga babaen ti dackel unay a pannacabalinmo ken babaen ti siuunat a tackiagmo; awan ti saanmo a cabaelan,

Jeremias 32:24

Adtoy, dagiti paggabor, umayda alaen ti ili; ket ti ili maited iti ima dagiti Caldeos a makigubat a maibusor kencuana, babaen ti campilan, ken ti bisin, ken ti angol; ket ti insaom maaramiden; ket adtoy, sica makitam.

Jeremias 34:1

Ti sao dimteng ken Jeremias a naggapu ken Jehova, idi ni Nabucodonosor nga ari ti Babilonia, ken ti amin a buyotna, ken dagiti amin a pagarian ti daga nga adda iti babaen ti pagturayanna, ken amin nga inilin-ili, nakigubatda a maibusor iti Jerusalem, ken maibusor cadagiti amin a il-ilina, a kinunana:

Jeremias 37:17

Ni Sedekias nga ari nagbaon, ket pinaalana: ket ti ari nagintuud kencuana a sililimed idiay balayna, ket kinunana, Adda aniaman a sao a naggapu ken Jehova? ket ni Jeremias kinunana, Adda. Ket innayonna pay, Mayawatcanto iti ima ti ari ti Babilonia.

Jeremias 37:3

Ket ni Sedekias nga ari imbaonna da Jucal nga anac ni Selemias, ken ni Sefanias nga anac ni Maasias a padi, ken Jeremias a mammadto, a kinunana, Icararagannacami ita ken Jehova a Diostayo.

Jeremias 37:7

Castoy ti cuna ni Jehova, a Dios ti Israel, Castoy ti cunayo iti ari ti Juda, a nangibaon cadacayo tapno umumancayo caniac: Adtoy, ti buyot ni Faraon, isu a rumuaren a tumulong cadacayo, agsublinto sadi Egipto iti dagada met laeng.

Ezekiel 7:26

Ranggas ti sumarunonto iti ranggas, damag ti sumarunonto iti damag; ket sapulendanto ti sirmata ti mammadto ngem ti linteg maawanto iti padi, ken ti balacad nga aggapu cadagiti lallacay.

Uk-ukom 20:27

Ket dagiti annac ti Israel nagsaludsodda ken Jehova, (ta ti lacasa ti tulag ti Dios adda idiay cadagidi nga al-aldaw.

1 Samuel 10:22

Gapuna isuda nagsaludsudda manen ken Jehova, Adda pay laeng maysa a lalaki nga umay ditoy? Ket ni Jehova simmungbat, Adtoy, isu naglemmeng iti tengnga dagiti gargaret.

1 Samuel 28:15

Ket ni Samuel kinunana ken Saul, Apayapay a singsingaennac, ti panangyulim caniac? Ket ni Saul simmungbat, Mariribucac iti napalalo; ta dagiti Filisteos mangaramidda ti gubat a maibusor caniac ket ti Dios pimmanaw caniac, ket dinac sungbatanen, uray no babaen dagiti mammadto, uray cadagiti tagtagainep: gapuna nga inayabanca, tapno ipacaammom caniac no ania ti aramidecto.

1 Samuel 28:6

Ket idi a ni Saul immuman ken Jehova, ni Jehova saan a simmungbat kencuana uray babaen cadagiti tagtagainep, uray iti Urim, uray cadagiti mammadto.