Jeremias 2:8 - Ti Biblia (1973)

⁸ Dagiti papadi saanda a kinuna, Sadino ti yan ni Jehova? Ket dagiti agaywan ti linteg saandac a binigbig: ket casta met dagiti agturay simmalungasingda a maibusor caniac; ket dagiti mammadto nagpadtoda gapu ken Baal, ket sinurotda iti awan malac-am.

Ti Baro a Naimbag a Damag Biblia

⁸ Saan a sinaludsod dagiti papadi, ‘Sadino ti ayan ti Apo?’ Saandak nga am-ammo dagiti papadik; binusordak dagiti agtuturay. Iti nagan ni Baal, nagsao dagiti profeta ket nagdaydayawda kadagiti didiosen nga awan serbina.”

Jeremias 2:8 Iomraidhean Croise

1 Ar-ari 18:22

Idi a casta kinuna ni Elias iti umili, Siac, sisiac laeng, ti natda a maymaysa a mammadto ni Jehova; ngem dagiti mammadles ni Baal uppat a gasut ket limapuloda a lallaki.

1 Ar-ari 18:29

Ket casta idi, idi a napalabes ti matoon, nga isuda nagpadlesda inggana iti tiempo ti panangisaclang iti daton iti malem; ngem awan idi ti timec, wenno siasinoman a simmungbat, wenno siasinoman a nangicancano.

1 Ar-ari 18:40

Ket ni Elias kinunana cadacuada, Alaenyo dagiti mammadles ni Baal; awan coma ti uray maysa cadacuada a macatalaw. Ket isuda innalada ida; ket ni Elias insalogna ida iti waig a Cison, ket pinatayna ida sadiay.

Ti Libro ni Job 35:10

Ngem awan ti agcuna, Sadino ti yan ti Dios a Namarsua caniac, a mangted cancanta iti rabii,

Isaias 28:7

Ken uray dagitoy agtiritirda a gapu iti arac, ken agibar-ibarda gapu iti naingel nga inumen; ti padi ken ti mammadto agtiritirda gapu iti naingel nga inumen, addada nga inalun-un ti arac; agibar-ibarda gapu iti naingel nga inumen, bumiddutda iti panagkita, agtibcolda iti panangocom.

Isaias 29:10

Ta ni Jehova imbucbocna cadacayo ti espiritu ti nargaan a turog, ken pinagkidemna dagiti matmatayo, dagiti mammadto; ken dagiti panguloenyo, dagiti macakita iti masacbayan, inabbonganna.

Isaias 30:5

Mababainandanto amin gapu iti maysa nga ili a dina mabalin a gungunaan ida, ta saan a macatulong ken di-met macagunguna no di ket pacabainan ken pacaumsian.

Jeremias 10:21

Ta dagiti paspastor nagbalinda a nacuneng, ket saanda nga immuman ken Jehova: gapuna a saanda a rimmang-ay, ket amin dagiti pangpangenda naiwarisda.

Jeremias 12:10

Adu a paspastor dinadaelda ti cauvasac, impayatda ti bingayco, ti macaay-ayo a bingayco pinagbalinda a maysa a langalang a let-ang.

Jeremias 16:19

O Jehova, a pigsac, ken pagsalingdac, ken camangco iti aldaw ti ladingit, dagiti nasnacion umaydanto kenca manipud cadagiti pungto ti daga, ket cunadanto, Dagidi ammami awan ti tinawidda no di ul-ulbod, kinaubbaw met laeng, ken cucua nga awan ti malac-am.

Jeremias 18:18

Idin kinunada, Umaycayo, ket isicattayo dagiti gandat a maibusor ken Jeremias; ta ti linteg iti padi saanto a mapucaw, wenno pammagbaga iti masirib, wenno ti sao iti mammadto. Umaycayo, ket isu pagsasaoantayo, ket saantayo nga ipangag dagiti aniaman cadagiti saona.

Jeremias 2:11

Adda maysa a nacion a binalbaliwanna dagiti didiosna, idinto nga isuda saanda a didios? Ngem ti ilic insucatna ti dayagda iti awan magungunana.

Jeremias 2:6

Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Jeremias 4:22

Ta ti ilic maag, saandac nga amammo; isuda nacunengda nga annac, ket awan ti pannacaawatda; masiribda nga agaramid ti dakes, ngem ti panagaramid iti naimbag awan ti pannacaammoda.

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Jeremias 7:8

Adtoy, dacayo agtaleccayo cadagiti natiri a sasao, a dida macaited gunguna.

Jeremias 9:14

No di ket simmurotda iti kinabangad ti pusoda met laeng, ken cadagiti Baales, nga insuro cadacuada dagiti ammada;

Ezekiel 22:26

Dagiti papadina naglabsingda iti lintegco ket tinabbaawanda dagiti nasantoan a banbanagco: saanda a pinaggidiat ti nasantoan ken ti sapasap, ket dida met pinailasin cadagiti tattao ti narugit ken nadalus, ket inlemmengda dagiti matada cadagiti al-aldawco a panaginana, ket natabbaawanac iti nagtengngaanda.

Ezekiel 34:2

Anac ti tao, agipadtoca a maibusor cadagiti papastor ti Israel, agipadtoca, ket cunaem cadacuada, cadagiti met laeng papastor, Castoy ti cuna ni Apo Jehova: Asi pay dagiti papastor ti Israel nga pacanenda dagiti bagida met laeng! dagiti papastor saanda coma aya a pacanen dagiti carnero?

Oseas 4:6

Ti ilic madadaelda gapu iti curang ti pannacaammo: agsipud ta sica pinaidmo ti pannacaammo, siac paidencanto met, tapno saancanto a padi caniac: gapu ta linipatam ti linteg ti Diosmo, siac met lipatecto dagiti annacmo.

Habakuk 2:18

Ania aya ti magun-od iti ladawan a kinitikitan, a ti mangaramid isu ti nangkitikit kencuana; ti sinucog a ladawan, ti mangisursuro met laeng cadagiti ul-ulbod, a ti nangbalabala iti langana agtalec kencuana, iti panangaramidna cadagiti umel a bulto?

San Mateo 16:26

Ta, Ania ti magun-guna ti tao, no maalananto ti amin a lubong ket mapucawnanto ti cararuana? wenno ania ti itedto ti tao a sucat ti cararuana?

San Lucas 11:52

Asicay pay, mamasirib iti linteg! ta iniccatyo ti tulbec ti sirib; dacayo dicay simrec, ket pinawilanyo pay dagiti sumrec coma.

San Juan 16:3

Ket dagitoy aramidendanto, ta dida amammo ni Ama uray siac.

San Juan 8:55

Ket isu dicay naammoan; ngem siac ammoc: ket no cunac coma nga diac ammo, caslaacto coma cadacayo, a naulbod: ngem isu ammoc, ket salimetmetac ti saona.

2 Taga-Corinto 4:2

No di ket nagpanawanmi dagiti mailemlemmeng a nacababain, a dicam agsicsicap ken saanmi a killoen ti sao ti Dios, no di ket, iti panangiparangarang ti pudno, italecmi ti bagimi iti conciencia dagiti amin a tattao, iti imatang ti Dios.

Deuteronomio 33:10

Isurodanto ken Jacob dagiti bilbilinmo, ken iti Israel ti lintegmo: icabildanto ti incienso iti saclangmo, ken sibubukel a daton a mapuuran iti rabaw ti altarmo.

1 Samuel 12:21

Ket dicayo sumiasi: ta isunton ti ipapanyo isusurot cadagiti ubbaw a banbanag a saan a macagunguna wenno macaisalacan, ta isuda ubbawda.

1 Samuel 2:12

Ngem dagiti annac a lallaki ni Eli isuda nacas-angda a tattao idi; isuda dida ammo idi ni Jehova.