Jeremias 2:6 - Ti Biblia (1973)

⁶ Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Ti Baro a Naimbag a Damag Biblia

⁶ Saanda a sinaludsod, ‘Sadino ti ayan ti Apo a nangiruar kadatayo idiay Egipto? Sadino ti ayan ti nangidalan kadatayo idiay let-ang, daga a langalang ken ayan ti adu nga abut, namaga ken napeggad a daga, daga a saan a mapagpagnaan ken daga nga awan agnaed?’

Jeremias 2:6 Iomraidhean Croise

2 Ar-ari 2:14

Ket innalana di cagay ni Elias, a natinnag nanipud kencuana, ket inablatanna dagiti danum, ket kinunana, Sadino ti yan ni Jehova, a Dios ni Elias? ket idi nga inablatanna met dagiti danum nabisngayda ditoy ken idiay; ket ni Eliseo nagballasiw.

Ti Libro ni Job 3:5

Ti kinasipnget ken aniniwan ni patay isu ti dawatenda coma a maipaay a bucodda. Maysa nga ulep agraeng coma iti rabawna; amin a mangpasipnget iti aldaw mangkigtot coma kencuana.

Ti Libro ni Job 35:10

Ngem awan ti agcuna, Sadino ti yan ti Dios a Namarsua caniac, a mangted cancanta iti rabii,

Dagiti Salmo 23:4

Wen, uray magnaac iti ginget ti sipnget ni patay, diacto agbuteng iti dakes; ta sicucuyogca caniac: ti barasmo ken sarucodmo, mamakiredda caniac.

Dagiti Salmo 77:5

Inututobco dagiti al-aldaw idi ugma, dagiti tawtawen dagidi cadaanan a tiempo.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Isaias 63:9

Iti amin a ladingitda isu napaladingit, ket ti angel ti saclangna insalacanna ida: iti ayatna ken iti asina sinubbotna ida; ket inawitna ida, ken imbagcatna ida cadagiti amin nga al-aldaw di ugma.

Isaias 64:7

Ket awan ti umawag iti naganmo, nga agregget tapno cumpet kenca; ta sica inlemmengmo ta rupam cadacami, ken rinunawnacami babaen cadagiti kinadangkesmi.

Jeremias 13:16

Padayawanyo ni Jehova a Diosyo, casangoanan ti panangpasipngetna, ken casangoanan ti pannacaitibcol dagiti sacsacayo iti rabaw dagiti nasipnget a banbantay, ken bayat ti panagsapulyo iti silaw, isu pagbalinenna nga aniniwan ni patay, ket isu aramidenna a napuscol a sipnget.

Jeremias 2:2

Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Jeremias 2:8

Dagiti papadi saanda a kinuna, Sadino ti yan ni Jehova? Ket dagiti agaywan ti linteg saandac a binigbig: ket casta met dagiti agturay simmalungasingda a maibusor caniac; ket dagiti mammadto nagpadtoda gapu ken Baal, ket sinurotda iti awan malac-am.

Jeremias 5:12

Inlibacda ni Jehova, ket kinunada, Saan nga isu; awanto met ti dakes nga umay cadatayo; ket ditayto met macakita iti campilan wenno bisin:

Jeremias 5:2

Ket nupay no cunada, Cas sibibiag ni Jehova; pudno nga agsapsapatada a siuulbud.

Jeremias 51:43

Dagiti il-ilina nagbalindan a langalang, a namaga a daga, ken let-ang, daga nga awan matagtagitao, awan met ti anac ti tao a lumabas sadiay.

Oseas 12:13

Ket iti pannacaaramat ti maysa a mammadto ni Jehova inaonna ti Israel iti Egipto, ket babaen iti maysa a mammadto isu naaywanan.

Oseas 13:4

Nupay casta siac ni Jehova a Diosmo manipud idiay daga ti Egipto; ket awanto ti bigbigem a dios no di laeng siac, ken awan ti sabali a mangisalacan no saan a siac.

Amos 2:10

Ket castamet siac inaoncayo iti daga ti Egipto, ket indalancayo bayat iti uppat a pulo a tawen iti let-ang, tapno tagicuaenyo ti daga ti Amorreo.

San Mateo 4:16

Dagiti umili a nagtugaw cadagiti sipnget, Nacakitada ti dackel a lawag; Ket dagiti nagtugaw iti disso ken linong ni patay, Ti silaw linawaganna ida.

Deuteronomio 1:19

Ket pimmanawtayo iti Horeb, ket linasattayo amin daydiay dackel ken nacaam-amac a let-ang a nakitayo idi, iti nagbaliasatanyo a mapan iti caturodan ti Ammoreo, cas imbilin ni Jehova a Diostayo; cadatayo; ket dimmanontayo iti Cades-barnea.

Deuteronomio 32:10

Isu sinaracna iti maysa a caticagan a daga, ken iti walang a nacaalalingnget a let-ang; isu nilictubna, isu nangaywan kencuana, isu nagaluad kencuana cas ti bukel ti matana.

Deuteronomio 8:2

Ket laglagipemto amin a dalan a nangiturongan kenca ni Jehova a Diosmo cadagitoy uppat a pulo a tawtawen iti let-ang, tapno pagpacumbabaennaca, tapno masuutca, tapno maammoan ti adda ita pusom, no salimetmetamto met laeng dagiti bilbilinna wenno saan.

Uk-ukom 6:13

Ket ni Gedeon kinunana kencuana, O, apoc, no ni Jehova adda coma cadacami, apayapay ngarud nga amin daytoy napasamac cadacami? ket sadino ti yan dagiti datdatlagna, a dagiti ammami sinarsaritada idi cadacami, a cuncunada, Saan aya a ni Jehova ti nangaon cadatayo idi nanipud Egipto? ket ita ni Jehova inwacsinacamin, ket inyawatnacami iti ima ti Madian.