Jeremias 2:5 - Ti Biblia (1973)

⁵ Castoy ti cuna ni Jehova, Ania a kinadakes ti nasaracanda caniac dagiti ammayo a simmiasida caniac, ket sinurotda ti kinaubbaw, ket nagbalinda nga ubbaw?

Ti Baro a Naimbag a Damag Biblia

⁵ Kuna ti Apo: “Ania ti pammabasol dagiti kapuonanyo kaniak? Apay a tinallikudandak? Nagdaydayawda kadagiti awan serbina a didiosen, ket nagbalinda met nga awan serbina.

Jeremias 2:5 Iomraidhean Croise

2 Ar-ari 17:15

Ket linacsidda dagiti pagal-alagadanna, ken ti tulagna, nga inaramidna idi cadagidi ammada, ken dagiti panpanecnecna a pinangpasingkedna cadacuada; ket sinurotda ti kinaubbaw, ket nagbalinda a naubbaw, ket napanda a siaannurot cadagiti nasnacion nga adda idi iti aglicmut cadacuada, maipapan cadagidiay ni Jehova binilinna ida idi a dida agaramid coma a cas cadacuada.

Dagiti Salmo 115:8

Dagiti mangaramid cadacuada umaspingdanto cadacuada; wen, ken siasinoman nga agcammatalec cadacuada.

Isaias 29:13

Ket ti Apo kinunana, Agsipud ta daytoy nga umili umasidegda caniac ket iti ngiwatda ken cadagiti bibigda dayawendac, ngem dagiti pusoda inyadayuda caniac, ken ti panagbutengda caniac isu timaysa a bilin dagiti tattao a naisuro cadacuada;

Isaias 44:9

Dagiti mangbukel iti kinitikitan a ladawan isuda amin ubbawda; ket dagitoy a banbanag a pagayayatanda saanto a manggunguna; ken dagiti sacsida met laeng saanda a macakita, dida met ammo: tapno dagidiay maibabaindanto.

Isaias 46:12

Ipangagdac, dacayo a timmangken ti pusoyo, nga adayucayo iti kinalinteg:

Jeremias 10:8

Ngem isuda amin nacunengda ken maagda; ti pannursuro dagiti didios maysa laeng a puon ti cayo.

Jeremias 12:2

Sica immulam ida, wen, nagramutda; dumackelda, wen, agbungada; asidegca iti ngiwatda, ngem adayuca iti pusoda.

Jeremias 14:22

Adda aya aniaman cadagiti kinaubbaw dagiti nasnacion a macapatudo? wenno mabalin aya dagiti langlangit ti mangted cadagiti ar-arbis? saan aya a sica dayta, O Jehova a Diosmi? gapuna dacami urayendacanto; ta sica inaramidmo amin dagitoy a banbanag.

Jeremias 2:31

O caputotan, kitaenyo ti sao ni Jehova. Caslaac aya maysa a let-ang iti Israel? wenno maysa a daga ti nacaro a sipnget? Apay a saoen ti ilic, Nawayaancami, saancamto nga umayen kenca?

Jeremias 2:4

Denggenyo ti sao ni Jehova, O balay ni Jacob, ken isu-amin a familia iti balay ni Israel:

Jeremias 8:19

Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?

Ezekiel 11:15

Anac ti tao, dagiti cacabsatmo, dagiti met laeng cacabsatmo, dagiti tattao a cacabagiam, ken amin a balay ti Israel, isuda amin, dagidi nagcunaan dagiti agnaed iti Jerusalem, Umadayucayo ken ni Jehova; cadacami naited daytoy a daga a tagicuaenmi.

Ezekiel 14:5

Tapno maalac coma ti balay ti Israel iti bucodda a puso, ta simminada caniac isuda amin gapu cadagiti didiosenda:

Jonas 2:8

Dagiti agragut iti kinaubbaw a mangiculbo idianda ti caasida met laeng.

San Mateo 15:8

Daytoy nga umili dayawennac cadagiti bibigda; Ngem ti pusoda adda iti adayu caniac.

Dagiti Aramid 14:15

Ket cuncunada: Lallaki, apayapay aramidenyo dagitoy? Tattaocami met a cas iti kinataoyo, ket ipacaammomi cadacayo ti naimbag a damag, tapno manipud cadagitoy palangguad a banag agsublicay coma iti Dios a sibibiag, a nagaramid iti langit ken daga, ken ti taaw ken ti isu-amin nga adda cadacuada:

Taga-Roma 1:21

Ta idinto a naammoanda ti Dios, saanda a dinaydayaw a cas Dios, dida met nagyaman, no di ket nagtangsitda cadagiti panagipalpalawagda, ket nagsipnget ti nanengneng a pusoda.

Deuteronomio 32:21

Isuda tinignaydac nga agimun iti dayta saan a Dios; ginargaridac nga agpungtot gapu cadagiti kinaubbawda: ket tignayecto ida nga agimun cadagidiay saan nga umili; gargariecto ida nga agpungtot iti nanengneng a nacion.

1 Samuel 12:21

Ket dicayo sumiasi: ta isunton ti ipapanyo isusurot cadagiti ubbaw a banbanag a saan a macagunguna wenno macaisalacan, ta isuda ubbawda.