Jeremias 2:3 - Ti Biblia (1973)

³ Ti Israel nasantoan idi ken Jehova, dagiti damo a bungbunga ti yaaduna: amin dagiti mangalun-un kencuana macabasoldanto; ti dakes dumtengto cadacuada, cuna ni Jehova.

Ti Baro a Naimbag a Damag Biblia

³ Israel, nailasinka nga agpaay kaniak, sika ti pinilik a kasayaatan a bunga. Pinagsagabak dagiti amin a nangranggas kenka; inyegko ti didigra kadakuada. Daytoy ti sao ni Yahweh.”

Jeremias 2:3 Iomraidhean Croise

Exodo 22:29

Dica agtactac a mangidaton iti nayon ti apitmo, ken iti agayus cadagiti pagpespesam. Ti inauna cadagiti anacmo a lalaki itedmonto caniac.

Exodo 23:16

Ket ti fiesta ti apit, dagiti umuna a bungbunga ti banbannogmo, dagidiay nga imulam iti talon ken ti fiesta ti panagummong, iti gibus ti tawen, no agummongca cadagiti nagbannogam iti talon.

Isaias 41:11

Adtoy, amin dagiti gimmura kenca maibabaindanto ken mariruda: dagiti makisuppiat kenca casdanto la awan ken mapucawda.

Isaias 47:6

Nagungetac iti ilic, minulitac ti tawidco, ken intedco ida ita imam: dica ida pinakitaan iti panangngaasi; iti lacay impataymo a nadagsen unay ti sangolmo.

Jeremias 12:14

Castoy ti cuna ni Jehova a maicaniwas cadagiti amin a dakes a cacaarrubac, a mangtignay iti tawid nga impatawidco iti ilic nga Israel: Adtoy, parutecto ida iti dagada, ket parutecto ti balay ti Juda manipud iti nagtengngaanda.

Jeremias 2:4

Denggenyo ti sao ni Jehova, O balay ni Jacob, ken isu-amin a familia iti balay ni Israel:

Jeremias 30:16

Gapuna nga amin dagidiay mangalun-un kenca, maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

Jeremias 50:7

Amin a nacasarac cadacuada inalununda ida; ket dagiti casupadida kinunada, Saancami a nacabasol, agsipud ta nacabasolda a maicaniwas ken Jehova, a pagnaedan ti kinalinteg, ni met laeng Jehova, nga inanama dagiti ammada.

Joel 1:3

Isu saritaenyo cadagiti annacyo, ket dagiti annacyo saoendanto met coma cadagiti annacda, ket dagiti annacda iti sabali a caputotan.

Amos 6:1

Asida pay dagiti agnaed a sinanamay idiay Sion, ken dagiti sitatalged idiay bantay ti Samaria, dagiti natan-oc a tattao iti cangronaan cadagiti nasnacion, isuda nga umayan ti balay ti Israel!

Habakuk 1:11

Iti casta lumabas a cas angin, ket lumasatto, ket mapabasolto, daydiay a ti kinamaingelna isu ti diosna.

Zacarias 1:15

Ket malucsaoac unay cadagiti nasnacion nga addada a sinanamay; ta siac naglucsaoac iti bassit laeng, ket pinadackelda ti ladingit.

Zacarias 2:8

Ta castoy ti cuna ni Jehova dagiti buybuyot: Maipaay iti dayag isu imbaonnac cadagiti nasnacion a nagsamsam kenca; ta daydiay a mangsagid kenca sagidenna ti bukel ti matana.

Numero 18:12

Amin a casasayaatan ti lana, ken amin a casasayaatan ti arac, ken iti bucbuckel, dagiti umuna a bungbungada nga itedda ken Jehova, intedcon ida kenca.

Taga-Roma 11:16

Ket no ti umuna a bunga nasantoan, casta met ti nacaalaanna; ket no masantoan ti ramut, casta met dagiti sangsanga.

Taga-Roma 16:5

Ket cablaawanyo ti Iglesia nga adda iti balayda. Cablaawanyo ni Epeneto a dungdungngoec, nga isu ti umuna a bunga ti Asia a maipaay ken Cristo.

Taga-Efeso 1:4

Cas iti panangpilina cadatayo kencuana (Cristo) idi saanpay a nabangon ti lubong, tapno agsantotayo ket awan ti pacapilawantay iti sangoananna:

Deuteronomio 14:2

Ta sica maysaca nga ili a nasantoan ken Jehova a Diosmo, ket ni Jehova pinilinaca a maysa nga ili a cucuana a naisalsalumina, naipangpangrona ngem iti amin nga il-ili nga adda iti rabaw ti daga.

Deuteronomio 26:19

Ken tapno aramidennaca a naipadpaduma cadagiti isu-amin a nacion nga inaramidna, iti dayaw, iti nagan, ken iti tan-oc; ken tapno maysaca a nasantoan nga ili ken Jehova a Diosmo, cas sinaona.

Deuteronomio 7:6

Ta sica ti umili a nasantoan ken Jehova a Diosmo: ni Jehova a Diosmo pinilinaca nga ili tapno tagicuaennaca nga ipangpangrona ngem ti dagup amin nga il-ili nga addada iti rabaw ti daga.

Santiago 1:18

Iti nacnakemna met laeng isu pinataudnatayo gapu iti sao ti kinapudno, tapno datay coma ti maysa a kita dagiti umuna a bungbunga cadagiti parsuana.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

Paltiing 14:4

Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.