Jeremias 2:2 - Ti Biblia (1973)

² Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Ti Baro a Naimbag a Damag Biblia

² nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Jeremias 2:2 Iomraidhean Croise

Dagiti Salmo 129:1

Naminadu a pinarparigatdac nanipud kinaubingco, cunaen coma ti Israel ita.

Exodo 14:31

Ket nakita ti Israel daydi naindaclan nga aramid a gapuanan ni Jehova a maibusor cadagiti Egipcios, ket dagiti tattao nagbutengda ken Jehova: ket namatida ken Jehova ken ni adipenna a Moises.

Exodo 16:8

Ket ni Moises kinunana, Daytoy ti maaramidto, no iccannacayonto ni Jehova no rumabii iti lasag a macan, ken iti bumigat ti tinapay a cacapnec; gapu ta ni Jehova mangngegna dagiti dandanengdengyo a panangdanengdengyo iti maicaniwas kencuana: ket siasinocami aya? dagiti tantanabutobyo saanda a maicaniwas cadacami no di ket maicaniwas ken Jehova.

Dagiti Proverbio 1:20

Ni sirib agpucpuccaw iti lansangan; iyebcasna ti timecna cadagiti nawaya a yan;

Kanta ni Solomon 3:11

Rumuarcayo, O annac a babbai ti Zion, ket kitaenyo ni ari Salomon, a sibabalangat iti imbalangat kencuana ni inana idi aldaw dagiti panangasawana, ken idi aldaw ti kinaragsac ti pusona.

Kanta ni Solomon 3:6

Asino daytoy sumang-at nga aggapu idiay let-ang a cas cadagiti monmon ti asuc, a nabangbangloan iti mirra ken incienso, cadagiti amin a polvos ti agtagtagilaco?

Isaias 58:1

Umkisca iti natbag, dica medmedan agtimecca iti natbag a cas maysa a tangguyob, ket ipalawagmo iti ilic ti ilalabsingna, ken iti balay ni Jacob dagiti basbasolna.

Jeremias 11:6

Ket ni Jehova kinunana caniac, Iwarragawagmo amin dagitoy a sao cadagiti il-ili ti Juda, ken cadagiti lanlansangan ti Jerusalem, a cunam, Denggenyo dagiti sasao daytoy a tulag, ket aramidenyo ida.

Jeremias 19:2

Ket mapanca iti lobong ti anac a lalaki ni Hinnom, nga adda iti pagsercan ti ruangan nga Harsit, ket iwarragawagmo idiay dagiti sasao nga ibagacto kenca;

Jeremias 2:1

Ket dimteng caniac ti sao ni Jehova, a kinunana.

Jeremias 2:6

Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Jeremias 3:4

Manipud ita a pannawen saancanto aya nga umawag caniac, Amac, sica ti mangidalan iti kinaubingco?

Jeremias 7:2

Agtacderca iti ruangan ti balay ni Jehova, ket iwarragawagmo idiay daytoy a sao, ket cunaem, Denggenyo ti sao ni Jehova, dacayo amin a taga Juda, a sumrec cadagitoy a ruangan tapno agrucbabcayo ken Jehova.

Ezekiel 16:22

Ket cadagiti amin a kinarimon ken kinabalangcantismo saanmo a linagip dagiti aldaw ti kinaubingmo, idi lamolamoca ken awan abbongmo, ken naitublacca iti daram.

Ezekiel 16:60

Nupay casta lagipecto ti intulagco kenca cadagiti aldaw ti kinaubingmo, ket bangonecto kenca ti maysa a tulag nga agnanayon.

Ezekiel 16:8

Itay limmabasac iti arpadmo, ket minatmatanca, adtoy, ti pannawenmo pannawenen ti ayat; ket inyucradco ti cagayco iti rabawmo, ket inabbongac ti kinalamolamom: wen, insapatac kenca, ket nakitulagac kenca, cuna ni Apo Jehova, ket nagbalinca a cucuac.

Ezekiel 23:19

Nupay casta isu pinaaduna dagiti pannakicamalalana, a linagipna dagiti aldaw ti kinaagtutubona, idi panagbalangcantisna idiay daga ti Egipto.

Ezekiel 23:3

Ket isuda nagbalangcantisda idiay Egipto; nagbalangcantisda iti kinaagtutuboda; idiay napespes dagiti susoda, ket idiay naiggaman ti barucong ti kinavirgenda.

Ezekiel 23:8

Ket dina met binay-an dagiti kinabalangcantisna nanipud cadagiti al-aldaw ti Egipto; ta idi kinaagtutubona nakicaiddada kencuana, ket iniggamanda ti barucong ti kinavirgenna; ket imbuyatda kencuana ti kinabalangcantisda.

Oseas 11:1

Idi ubing pay ti Israel, isu inayatco, ket nanipud idiay Egipto inayabac ti anacco.

Oseas 2:15

Ket itdecto kencuana dagiti cauvasanna manipud sadiay, ken iti lobong nga Acor a maipaay a ruangan ti inanama; sadiay sumungbatto cas cadagiti al-aldaw ti kinaubingna, ken cas idi aldaw nga isasang-atna manipud idiay daga ti Egipto.

Oseas 2:17

Ta iccatecto iti ngiwatna ti nagan dagiti Baales ket ni caanoman saandanton a masasao iti naganda.

Oseas 2:7

Ket surotennanto dagiti caayanayatna, ngem saannanto a macamacamen ida; sapulennanto ida, ngem saannanton ida a mabirucan: iti casta cunananto, Innac ket agsubliacto idi immuna nga asawac; ta naimimbagac idi ngem ita.

Oseas 8:1

Isaadmo ita ngiwatmo ti tangguyob. Umayto a cas aguila a bumusor iti balay ni Jehova, agsipud ta naglabsingda iti tulagco, ken simmalungasingda iti lintegco.

Oseas 9:10

Nasaracac ti Israel cas cadagiti uvas iti let-ang; nakitac, dagiti ammayo a cas ti umuna a naluum a bunga iti cayo ti higos iti damona a nakedngan a pannawenna: ngem isuda immayda ken Baalpeor, ket impaayda dagiti bagbagida met laeng iti pacaibabainan a banag, ket nagbalinda a macarimrimon a cas iti daydiay inayatda.

Jonas 1:2

Tumacderca, inca idiay Ninive, daydiay ili a dackel, ket yawagmo ti maicaniwas kencuana ta ti kinadakesna dimmanon iti saclangco.

San Mateo 11:15

Ti adda lapayagna a pagdengngeg, dumngeg coma.

San Lucas 12:13

Ket kinuna kencuana ti maysa cadagiti adu a tao: Mannursuro, ibagam ken cabsatco nga ibingayannac ti tawid.

Deuteronomio 2:7

Ta ni Jehova a Diosmo bendicionannaca iti isu-amin nga aramiden ti imam; naammoanna ti pannagnam a nagbaliasat iti daytoy dackel a tay-ac: cadagitoy uppat a pulo a tawen, ni Jehova a Diosmo siaadda idi kenca; sica awan nagcurangam.

Deuteronomio 33:3

Wen, ayatenna ti umili; amin a sasantona addada ita imam: ket nagtugawda cadagita sacsacam: tunggal maysa awatennanto ti aggapu cadagiti sasaom.

Deuteronomio 8:2

Ket laglagipemto amin a dalan a nangiturongan kenca ni Jehova a Diosmo cadagitoy uppat a pulo a tawtawen iti let-ang, tapno pagpacumbabaennaca, tapno masuutca, tapno maammoan ti adda ita pusom, no salimetmetamto met laeng dagiti bilbilinna wenno saan.

Santiago 4:4

Makicamcamalala a babbai, dicay ammo aya, a ti pannakipagayam iti lubong isu ti pannakibusor iti Dios? Daydiay ngarud agtarigagayto a gayyem ti lubong, agbalin a cabusor ti Dios.

Paltiing 2:4

Ngem adda bassit busurec kenca, ta pinanawam daydi immuna nga ayatmo.