Jeremias 2:10 - Ti Biblia (1973)

¹⁰ Ta incayo cadagiti purpuro idiay Kitim, ket kitaenyo; ket ibaonyo idiay Cedar, ket utobenyo a sireregta, ket imutectecanyo no adda idi ti castoy a banag.

Ti Baro a Naimbag a Damag Biblia

¹⁰ Agpalaudkayo a mapan idiay puro ti Kitim ket kitaenyo. Mangibaonkay iti mapan idiay Kedar; matakuatanyonto nga awan pay ti kastoy a napasamak.

Jeremias 2:10 Iomraidhean Croise

Genesis 25:13

Ket dagitoy dagiti nagnagan dagiti annac a lallaki ni Ismael, a gapu cadagiti nagnaganda, mayannurot cadagiti caputotanda: ti inauna a lalaki nga anac ni Ismael, Nabayot; ken ni Cedar, ken Adbeel, ken Mibsam,

1 Ar-ari 9:9

Ket sumungbatdanto, Agsipud ta binay-anda ni Jehova a Diosda, a nangaon cadagiti ammada iti daga ti Egipto, ket nangalada iti sabasabali a didios, ket nagrucbabanda ida, ken nagservianda ida: gapuna a ni Jehova inyegna cadacuada amin daytoy a dakes.

1 Cronicas 1:7

Ket dagiti annac a lallaki ni Javan: da Askenaz, Tarsis, Citim, ken Dodanim.

1 Cronicas 23:1

Ita ni David lacayen idi ken napno cadagiti al-aldaw; ket inaramidna ni anacna a Salomon nga ari iti Israel.

1 Cronicas 23:12

Dagiti annac a lallaki ni Coat: da Amram, Isar, Hebron, ken Uzziel, uppatda.

Dagiti Salmo 120:5

Asiac pay, ta sangsangailiac ditoy Mesech, ta agnaedac iti tengnga dagiti toltolda ti Kedar!

Isaias 21:16

Ta castoy ti kinuna ni Jehova caniac, Iti bayat ti macatawen, cas mayannurot cadagiti tawen ti maysa a mangmangged, amin a dayag ti Cedar maawanto;

Isaias 23:1

Ti sagabaen ti Tiro. Aganug-ogcayo a sasacayan ti Tarsis; ta isu narba iti casta nga awan ti balay, awan ti sercan; manipud iti daga ti Kittim isu ti maipacdaar cadacuada.

Isaias 23:12

Ket kinunana, Dicanto agrag-on, O sica naparigat nga anac a virgen ti Sidon: tumacderca, bumallasiwca sadi Kittim; uray pay idiay awanto ti inanam.

Jeremias 49:28

Maipapan iti Cedar, ken cadagiti pagarian ti Hasor, a kinabil ni Nabucodonosor nga ari ti Babilonia. Castoy ti cuna ni Jehova: Bumangoncayo, sumang-atcayo sadi Cedar, ket dadaelenyo dagiti annac ti daya.

Ezekiel 16:16

Ket sica innalam cadagiti cawesmo, ket inaramidmo a maipaay kenca dagiti nangato a disso a naarcosan cadagiti nadumaduma a color, ket nagbalangcantisca iti rabawda: ti umasping cadagitoy saanto a dumteng, ket awanto met ti casta.

Ezekiel 27:21

Ti Arabia, ken amin a principes ti Cedar, isuda ti pagtagtagilacoen ti imam; iti corcordero, carcarnero a lallaki, ken calcalding, cadagitoy isuda dagiti kinatinnagilacom.

Ezekiel 27:6

Inaramidda dagiti gaudmo cadagiti calantas ti Basan; inaramidda dagiti bangcom iti marfil a naibutac iti cayo nga alamo, a naggapu cadagiti purpuro ti Kitim.

Ezekiel 5:7

Gapuna castoy ti cuna ni Apo Jehova: Agsipud ta naringringgorcayo ngem dagiti nasnacion nga adda iti aglicmut cadacayo, ken dicayo magna cadagiti linlintegco, wenno tinungpal dagiti bilbilinco, dicay met inaramid ti mainugot cadagiti bilbilin dagiti nasnacion nga aglicmut cadacayo:

Daniel 11:18

Calpasan daytoy italiawnanto ti rupana cadagiti purpuro, ket tagicuaennanto iti adu; ngem maysa a principe ti mangpasardengto iti pacaumsian nga inaramidna; wen, ket saan laeng a dayta, pasubliennanto ti pacaumsian nga agpaay kencuana.

Daniel 11:30

Ta umayto dagiti sasacayan ti Kitim a maibusor kencuana; gapuna nga isu agleddaangto, ket agsublinto, ket addanto pungtotna a maibusor iti nasantoan a tulag, ket aramidennanto ti pagayatanna: ket agsublinto met laeng, ket addanto panangicancanona cadagidiay a mangidian iti nasantoan a tulag.

Numero 24:24

Ngem umayto dagiti sasacayan nga aggapu iti igid ti Cittim, Ket parigatendanto ti Assur, ken parigatendanto ti Eber; Ket isu casta met agbanagto iti pannacadadael.

1 Taga-Corinto 5:1

Maipadpadamagen nga adda mannakicamalala cadacayo, ket iti casta a kita ti pannakicamalala uray cadagiti Gentil awan, a ti maysa cadacayo cupicupanna ti asawa ni amana.

Uk-ukom 19:30

Ket naaramid idi a casta, nga amin a nacakita kencuana, kinunada, Awan ti casta nga aramid a naaramid wenno nakita nanipud iti aldaw a dagiti annac ti Israel simmang-atda a naggapu iti daga ti Egipto agingga iti daytoy nga aldaw: Isu panunutenyo, mangalacayo iti patigmaan, ket agsaocayo.